Dánardómstjóri staðfestir andlát af völdum hjartavöðvabólgu eftir C-19 sprautu

thordis@frettin.isErlent1 Comment

Dánardómstjóri á Nýja Sjálandi hefur nýlega staðfest að andlát hins 26 ára gamla Rory Nairn hafi verið af völdum COVID-19 mRNA tilraunabóluefnisins frá Pfizer.

Rory Nairn lést í nóvember, aðeins 12 dögum eftir að hann fékk fyrsta skammtinn af Pfizer mRNA tilraunabóluefninu. Eftir inndælingu sprautefnisins fékk hann hjartsláttarónot sem fyrst voru álitin streita vegna væntanlegs brúðkaups hans og vegna endurbóta á heimilinu.

Rory sem var pípulagningamaður leið útaf og lést stuttue eftir að hann hafði ákveðið að fara á sjúkrahús til að fá aðstoð.

Dánardómstjórinn sagði: „Í ljósi almannahagsmuna um það hvort andlát Rorys tengdist COVID-19 bólusetningunni sem hann fékk 5. nóvember 2021 eða ekki, tel ég mikilvægt að birta opinberlega niðurstöður mínar um dánarorsök Rory um leið og ég staðfesti hana.“

Rannsókn fór fram í ágúst og september og leiddi hún í ljós að hjartabólga Rory var bráð hjartavöðvabólga, sem er möguleg aukaverkun Pfizer „bóluefnisins“.

Samkvæmt Radio New Zealand (RNZ) hafði þeim sem gáfu Rory bóluefnið ekki verið sagt að upplýsa um að hjartavöðvabólga gæti verið aukaverkun „bóluefnisins“.

Heilbrigðisráðuneyti Nýja Sjálands hafði í lok ágúst 2021 sent frá sér yfirlýsingu þar sem heilbrigðisstarfsmönnum var sagt að vera meðvitaðir um öll merki um hjartavöðvabólgu, sérstaklega í tengslum við Pfizer bóluefnið.

Eigandi apóteksins þar sem Rory fékk sprautuna viðurkenndi að hún hefði misst af „ágústviðvöruninni“ og sagði að hún „hefði breytt aðferðum þeirra til að vara sjúklinga við áhættunni ef hún hefði verið meðvituð um hana."

New Zealand Herald greindi frá því að meinafræðingur hafi tekið fram við rannsóknina að allir aðrir möguleikar á orsökum hinnar bráðu hjartavöðvabólgu hefðu verið útlokaðir nema bóluefnið“.

Rannsóknir staðfesta hættu á hjartabólgum eftir sprauturnar

Frá upphafi „faraldursins“ hafa rannsóknir ítrekað sýnt aukna hættu á hjartabólgum hjá fólki eftir sprauturnar. Sóttvarnarstofnun Bandaríkjanna (CDC) boðaði t.d. til neyðarfundar strax í júní 2021 til að ræða hjartatengdar aukaverkanir bóluefnanna. CDC sagði að það virtist vera tengsl á milli þessara áhrifa og bóluefnanna, sérstaklega Pfizer og Moderna.

Þá birtu birtu breskir vísindamenn í janúar 2022 rannsókn sem sýndi meiri hættu á banvænni hjartabólgu hjá ungum karlmönnum eftir mRNA COVID-19 tilraunabóluefnin en ef þeir smituðust af veirunni sjálfri.

Nýlega hafa krufningarannsóknir komið fram sem styðja mjög við þann möguleika að mRNA sprautuefnin valdi hjartavöðvabólgum og sem leitt hafði til dauða í öllum tilvikunum sem rannsökuð voru.

Íslensk heilbrigðisyfirvöld rannsaka ekki hvort sprauturnar séu skaðlegar

Heilbrigðisyfirvöld hér á landi gefa aldrei út að farið hafi fram ítarleg rannsókn með krufningu á dánarorsök fólks sem deyr óvænt eftir að hafa verið sprautað með C-19 tilraunabóluefnunum. Slíkar rannsóknir eru ekki gerðar og láta heilbrigðisyfirvöld sér fátt um finnast um þá miklu almannahagsmuni sem liggja í því að raunverulegar dánarorsakir liggi fyrir í þessum tilfellum. Láta þau sér aðeins nægja að skoða dánarvottorð lækna.

Stefna íslenskra heilbrigðisyfirvalda hefur verið sú að líta svo á, þegar fólk deyr hvort sem það er óvænt eða í kjölfar veikinda sem komu upp eftir að fólkið var sprautað með C-19 tilraunabóluefnunum, að fólkið hafi ekki verið sprautað og þannig geti tilraunabóluefnin ekki hafa orsakað andlát þess.

Þessi stefna íslenskar stjórnvalda er vægast sagt ábyrgðarlaus gagnvart almenningi hér á landi.

Heimild.

One Comment on “Dánardómstjóri staðfestir andlát af völdum hjartavöðvabólgu eftir C-19 sprautu”

  1. Hann var Pei dad… Sú tegund er æðisleg en greyið hundurinn því að Peis eru loyal og breytingar geta verið verulega erfiðara fyrir þá!
    Ég á 2

Skildu eftir skilaboð