Facebook/Meta hindrar fréttaflutning af atkvæðagreiðslunni í Úkraínu þar sem blaðamaðurinn Erna Ýr er stödd

frettinStjórnmál4 Comments

Eins og fram hefur komið í fréttum undanfarna daga, þá er blaðamaðurinn Erna Ýr Öldudóttir stödd á sjálfstjórnarsvæðunum Úkraínu um þessar mundir til að fylgjast með atkvæðagreiðslum í kosningum um framtíð svæðanna. Almenningur sem þar býr og hefur lögheimili þar og vegabréf hefur rétt til að kjósa og einnig þeir 2,5 milljónir flóttamanna frá svæðunum sem staddir eru í Rússlandi geta kosið utankjörfundar.

Almenningur í landinu hefur kallað eftir þessum kosningum frá því árið 2014 en stöðug árás hefur verið gegn almennum borgurum að hálfu úkraínska hersins og Azov nasistahreyfingarinnar, en Vesturlönd hafa látið þessi mannréttindarbrot sem vind um eyru þjóta en þó voru einhverjir demókratar sem lögðu það til árið 2019 að Azov yrði skráð sem hryðjuverkasveit sem nú virðist allt gleymt.

Almenningur var búinn að kalla eftir aðstoð frá Rússum eftir miklar hörmungar þarna á svæðunum undanfarin ár. Rússar eins og alheimurinn veit lét svo til skarar skríða í febrúar sl. þar sem Vesturlönd höfðu engan áhuga á bregðast við. Mikil andstaða hefur verið gegn innrásinni og hafa gagnrýnisraddir aðallega beinst gegn Rússum en meginstraumsmiðlar á Vesturlöndum hafa ekki vilja taka með í dæmið að þarna var búið að stunda lengi glæpi gegn mannkyni. Amnesty International hefur þar að auki einnig fordæmt stríðsglæpi úkraínska hersins fyrir að nota almenna borgara sem skjöld í sinni baráttu við Rússa.

Í ljósi þessa er augljóst að það eru fleiri hliðar á málinu en sú sem Úkraínustjórn lýsir og sem virðist matreidd ofan í vestræna fjölmiðla. Það var þess vegna sem Fréttin ákvað að þiggja boð Konráðs Magnússonar til að geta séð með eigin augum hvort að kosningin færi eðlilega fram og með lýðræðislegum hætti.

Samkvæmt Ernu Ýr þá virðist kosningin ganga vel og ferlið vera gagnsætt. Erna hefur m.a. rætt við almenning frá hernumdu svæðunum sem skýra frá sinni hlið og hvað sé raunverulega í gangi þarna, en sá vitnisburður stangast verulega á við það sjónarsvið sem við höfum fengið að sjá frá meginstraumsmiðlum á Vesturlöndum.

Facebook hafnar „auknum sýnileika“ frétta

Í morgun sendi Facebook-Meta skilaboð þess efnis að frétt sem Erna Ýr hafði skrifað og Fréttin ætlaði kaupa auglýsingu fyrir, þ.e.a.s. að auka sýnileika hennar ("boost"), hafi verið hafnað af fyrirtækinu, en Fréttin kaupir þessa þjónustu reglulega án vandræða hingað til.

Með þessum afskiptum samskiptamiðilsins er óhætt að segja að þarna sé verið að koma í veg fyrir frjálsan fréttaflutning sem er aðför að lýðræðinu og tjáningarfrelsinu, en það telst til alvarlegustu glæpa í lýðræðisríkjum. Útskýringin sem fylgdi með var athyglisverð þar sem látið var að því liggja að kaup „á auknum sýnileika“ fengist ekki samþykkt þar sem fréttin tengdist stjórnmálum og gæti haft áhrif á niðurstöður kosninganna.

Heldur hæpið hlýtur að teljast að lítill fréttamiðill á Íslandi geti hafi áhrif á kosningar í Úkraínu og Rússlandi og lítur þetta því fremur út sem einhverskonar yfirklór til að réttlæta aðför að stjórnarskrábundnu tjáningarfrelsi.

Fréttin verður að sjálfsögðu áfram með puttann á púlsinum og birtir fréttir á næstu dögum af kosningunum sem eru sögulegar. Fréttin var eini íslenski miðilinn sem hafði kjark til að fara á svæðin til að fylgjast með og ræða við úkráínskan almenning sem ætti að þekkja og vita betur en allur heimurinn um stöðu mála í sínu landi. Hér má sjá fyrstu frétt Ernu frá kosningunum. 

Uppfært frá Ernu Ýr:

„Í dag er síðasti dagur kosninganna um aðild að Rússneska ríkjasambandinu, í héruðunum Kherson og Zaporizhzhia í Úkraínu, og sjálfstjórnarríkjunum Donetsk (Peoples Republic) og Lugansk (Peoples Republic). Blaðamaður hefur fram til þessa fengið að fylgjast með utankjörfundaratkvæðagreiðslum í Rússlandi, eins og nú þegar hefur komið fram.

Mjög mikil spenna ríkir á svæðinu og einnig í alþjóðlegu samhengi, vegna kosninganna. Niðurstaða þeirra gæti mögulega haft mikil áhrif á framgang mála, bæði á þeim svæðum þar sem kosið er, en einnig í heiminum.

Mikill viðbúnaður ríkir og af öryggisástæðum er ekki hægt gera grein fyrir fyrirætlunum varðandi möguleg ferðalög eða staðsetningu blaðamanns, enn sem komið er."

Hér neðar má svo sjá skilaboðin frá Facebook um höfnun þjónustunnar.


ImageImage

4 Comments on “Facebook/Meta hindrar fréttaflutning af atkvæðagreiðslunni í Úkraínu þar sem blaðamaðurinn Erna Ýr er stödd”

  1. Er við einhverju öðru að búast frá Facebook en ritskoðun? Það sem fellur ekki að þeirra einhliða áróðri er alveg bannað! Ekki bara í málefnum Rússlands heldur líka á fjölmörgum öðrum sviðum.

  2. Aðrir íslenskir og stærri ríkisstyrktir fjölmiðlar hafa einfaldlega ekki áhuga að heyra eitthvað sem fer gegn þeirra SKOÐUN eða einarðri AFSTÖÐU um málið og teljast því varla merkilegri pappírar en New York Times nútímans og Pravda Sovét-tímans.

    Í raun er eðlilegast að tala um “Áróðursmiðla” með fréttatengdu ívafi af íslenskri óveðri þegar svo ber við.

  3. Hvers vegna í ósköpunum viljið þið notast við aðal heilaþvottavél heimsins??
    F*** Meta og Facebook. Hættið að nota þessa miðla, það er einmitt stuðningur okkar almennings við þessa samskiptamiðla sem gerir þá valdamikla. – Hættið að nota þá og þeir missa öll tök á þér.

    En Frábært hjá Fréttinni.is að þekkjast boðið, þó það komi frá Rússlandi. Aðrir miðlar sem afsaka sig með því að vilja ekki vera á snærum Rússa hefðu getað ferðast þangað á eigin kostnað til að flytja fréttir, en nei, þeir þurfa meira í ríkisstyrk til þess.

Skildu eftir skilaboð