Heilbrigðisráðuneyti Ísraels staðfestir við Reuters að lekin upptaka sé sönn

thordis@frettin.isErlentLeave a Comment

Þann 11. september sl. sagði Fréttin frá upptöku af fundi í Ísrael sem var lekið, en á fundinum var ísraelska heilbrigðisráðuneytið varað við lögsóknum fyrir að hylma yfir aukaverkanir C-19 „bóluefnisins“ frá Pfizer.

Á myndbandsupptökunni kemur fram að vísindamenn hafi í júní kynnt ísraelska heilbrigðisráðuneytinu gögn sem sýna áður óþekktar og alvarlegar og langtíma aukaverkanir tengdar „bóluefninu“ frá Pfizer.

Samt sem áður kynnti heilbrigðisráðuneytið ekki niðurstöður vísindamannanna fyrir sérfræðinefnd sem hittist síðar í sama mánuði til að ákveða hvort mæla ætti með bóluefninu fyrir börn yngri en 5 ára og ekki heldur voru gögnin kynnt fyrir leiðtogum Ísraels sem eru yfir COVID-19 bólusetningaráætluninni.

Til viðbótar þessu gaf ráðuneytið út skýrslu 2. ágúst sl. um aukaverkanir í kjölfar Pfizer COVID-19 bólusetninga frá 9. desember 2021 til 31. maí 2022, sem stangaðist á við gögnin sem kynnt voru á fundinum í byrjun júní.

Staðfesting við „staðreyndatékkara“ Reuters

Nú um rúmum mánuði eftir að myndbandinu var lekið kemur fram á vef Reuters þann 10. október að embættismaður ísraelska heilbrigðisráðuneytisins hafi staðfest í skilaboðum til „staðreyndatékkara“ Reuters að upptakan séu hluti af umræðu sem haldin var í júní á þessu ári um niðurstöður utanaðkomandi nefndar sem skoðaði aukaverkanir sem almenningur greindi frá.

Viðurkenning ísraelska heilbrigðisráðuneytisins núna vekur athygli þar sem ráðuneytið hafði ítrekað neitað að tjá sig um myndbandið við fjölmiðilinn Epoch Times á sínum tíma og svaraði heldur ekki fyrirspurnum frá Yaffa Shir-Raz, blaðamanni og prófessor sem hafði fengið myndbandið frá heimildarmanni.

Þá höfðu embættismenn sem voru viðstaddir fundinn einnig neitað að tjá sig eða svöruðu ekki athugasemdum og hafa ekki tjáð sig opinberlega um málið.

Reynt að nota staðfestinguna til að blekkja fólk

Í staðfestingu heilbrigðisráðuneytisins sem lesa má á vef Reuters var ekki fjallað um hvers vegna lykilhluta umræðunnar var sleppt úr lokaskýrslunni i júní.

Ráðuneytið fullyrti að öll gögn sem kynnt voru á fundinum kæmu fram í lokaskýrslunni. Þá var einnig fullyrt að klippurnar hefðu verið „teknar úr samhengi“ og engar óþekktar aukaverkanir eða ný hættumerki hefðu komið fram.

Þegar öll upptakan er hins vegar skoðuð eru augljóst að þetta er rangt og aðeins haldið fram til að afvegaleiða umræðuna.

Á upptökunni sem lekið var kemur t.d. fram hjá Sasha Zhurat, einum af fundarmönnunum, að gögnin „leyfðu okkur raunverulega að bera kennsl á ný fyrirbæri eins og eyrnasuð, næringarleysi og náladofa“ og að „greina í raun ný fyrirbæri sem koma ekki fram í neytendabæklingnum eins og svima, eyrnasuð, næringarleysi, náladofa”.

Zhurat benti einnig á að bæklingurinn, sem afhentur var væntanlegum bóluefnisþegum, tilgreindi ákveðna tímalengd fyrir hugsanlegar aukaverkanir.

Í fylgiseðlinum segir að vandamálin eigi „að ganga yfir innan nokkurra daga og við sáum að þetta er ekki raunin,“ sagði Zhurat. Sum vandamál stóðu yfir í meira en ár, þar á meðal tíðaróregla, án þess að sjáist fyrir endann á því.

Vinnubrögð Reuters mjög ófagleg og ótraustvekjandi

Það kemur fram í umfjöllun Epoch Times að „staðreyndatékkarar“ Reuters hafi staðfest að hafa aldrei sjálfir skoðað upptökuna frá fundinum og einungis notað orð ísraelska heilbrigðisráðuneytisins um efni hennar.

Eða eins og Yaffa Shir-Raz sagði:„Hvað varðar Reuters þá hefur enginn haft samband við mig til að biðja um athugasemd eða til að horfa á upptökuna. Það kemur á óvart að komast að því að þannig starfi næststærsta fréttastofa í heimi“.

Byggt á frétt The Epoch Times

Skildu eftir skilaboð