Þrettán ára leikmaður spænska liðsins C.D. Puerto Malagueño lést skyndilega á leikvellinum síðastliðinn sunnudag.
„Hræðilegur harmleikur hefur skekið Malaga og andalúsískan grasrótarfótbolta um helgina“, segir í blaðinu europapress.
„Leikmaðurinn Marvellous Onanefe Johnson, 13 ára hjá CD Puerto Malagueño, hneig niður á vellinum og lést samstundis í deildarleik þegar fimm mínútur voru til leiksloka. Ekkert var hægt að bjarga lífi hans. Félagið mun bera ábyrgð á útfararkostnaði knattspyrnumannsins.“
Endurlífgunartilraunir hófust strax en báru ekki árangur. Lögreglumenn og sjúkraliðar komu á völlinn en gátu heldur ekki bjargað drengnum. Ekki er vitað um dánarástæður en niðurstaða krufningar mun liggja fyrir á þriðjudag.
Leikurinn, sem samsvarar þriðju deild barna í Andalúsíu, hófst klukkan 19:30 síðdegis á sunnudag. CD Puerto Malagueño og UD Los Prados mættust á Julián Torralba vellinum í Ciudad Jardín hverfinu í borginni Málaga. Á vellinum voru tveir Johnson bræður; Nobel, einn þriggja bræðra Marvellous, ári yngri, spilar með sama liði og voru þeir bræður markahæstu leikmenn liðsins.
Hlé verður gert á æfingum og leikjum liðsins.
Hér má sjá tilkynningu frá fótboltaliðinu: