Fólkið í kanadísku frelsislestinni varð fyrir barðinu á samstöðuáróðri stóru meginstraumsfjölmiðlanna þegar það barðist fyrir frelsinu í byrjun þessa árs, eins og kunnugt er. Barátta þessa fólks fékk ekkert rými í meginstraumsmiðlunum, nema þegar gera átti lítið úr því og baráttu þeirra.
Á Instagram síðunni freedomconvoy2022 var í gær birt myndband sem sýnir hvernig stóru meginstraumsmiðlarnir, eru einnig samstíga í því að telja fólki trú um að það sé í hættu vegna loftslagsbreytinga af mannavöldum. Tilgangurinn er auðvitað að leggja á nýja skatta og takmarkanir á líf almennings í þágu auðmanna og þeirra sem með völdin fara.
Þegar fyrirsagnir greinanna í myndbandinu eru bornar saman er eðlilegt að spurt sé: Hvernig það geti staðist að allir hlutar heims séu að hitna meira eða tvöfalt meira en allir aðrir hlutar heimsins?
2 Comments on “Fjölmiðlaáróður um veðurfar: sömu fyrirsagnir notaðar aftur og aftur”
Eins og flestir vita, þá er virkni sólarinnar ekki ætíð stöðug heldur sveiflukennd þar sem hver sveifla, á milli hámarks og lágmarks, stendur yfir í um 20-30 ár. Einmitt þessa dagana er lágmarksvirkni, sem staðið hófst rétt fyrir síðustu aldamót, að ljúka og sólin að vinna sig á hraðferð upp í nýtt hámark. Fyrir aðeins fimm dögum, hinn 15. desember, áttu sér til dæmis stað hvorki færri né fleiri heldur en 275 sólgos, þar af tvö risagos í svokölluðum M-klassa, sem trufluðu fjarskipti víða á jörðinni, einkum hér á norðurhvelinu, (sem meginstraumsfjölmiðlar reyndu að gera lítð úr og telja fólki að einhver „óvenjuleg truflun hefði átt sér stað utan úr geimnum“).
Þessi aukna virkni sólarinnar mun ná hámarki á árunum 2032-34 og byrja svo að dala aftur niður í nýtt lágmark í kringum 2045. En á meðan á því stendur, munum við njóta hlýinda og góðviðris árum saman, líkt og gerðist á árunum 1930-1960, og sem veðurstofur út um allan heim, þar með á Íslandi, standa nú í ströngu við að gera lítið úr og falsa skipulega mælingar og gögn, sem ekki passa við nýju loftslagstrúarbrögðin. Auðvitað mun sú hlýnun ekki hafa neitt með losun á koltvísýringi að gera.
En sem betur fer, þá hafa slíkir aðilar ekki einkarétt á að telja sólgos, eða fylgjast með virkni sólarinnar, heldur getur nánast hvaða stjörnuáhugamaður sem er gert það að sínu áhugamáli, og síðan komið upplýsingunum á framfæri við almenning.
Hér er listi með nokkrum gullkornum frá undanförnum 50 árum:
https://mishtalk.com/economics/lets-review-50-years-of-dire-climate-forecasts-and-what-actually-happened