Fréttakona með gollurshússbólgu eftir Covid sprautur – segir það „lifandi helvíti“

ThordisCovid bóluefni, Fjölmiðlar2 Comments

Fréttakonan Eleni Roussos hjá ABC News hefur nú stígið fram og sagt frá Covid bóluefnaskaða sínum sem hún lýsir sem „lifandi helvíti.“

Fréttakonan ákvað að segja frá veikindum sínum af Covid-19 sprautunum eftir að fyrrverandi forseti áströlsku læknasamtakanna (AMA), Dr. Kerryn Phelps, fjallaði um sín veikindi opinberlega í vikunni, eins og Fréttin sagði frá.

Roussos skrifaði á Twitter: „Innblástur frá @drkerrynphelps. Í dag vil ég segja frá því að ég hef líka lifað í helvíti með gollurshússbólgu vegna Covid bóluefnisins. Bóluefnaskaði er raunverulegur og alvarlegur og ég vona innilega að fleiri taki til máls.“

Twitter færsla fréttakonunnar fylltist af svörum frá fólki sem deildi sögum af Covid sprautuskaða.

En aðrir gagnrýndu Roussos fyrir að tjá sig ekki fyrr, rétt eins og fólk gagnrýndi Dr. Kerryn Phelps sem hefur þagað yfir sínum veikindum og eiginkonu sinnar í marga mánuði.

Eleni, þó að það sé lofsvert að þú skulir loksins tjá þig núna, er einhver ástæða fyrir því að þú hafir ekki gert það fyrr? Þegar fólk sem hefur skaðast og verið hunsað og því sagt að þetta væri allt í hausnum á þeim?,“ skrifaði einn maður.

„Þegar verið var að svívirða aðra og þeir kallaðir nöfnum fyrir að vilja ekki láta þvinga sig í tilraunasprautur höfðu þeir einmitt lesið sig til og ákveðið að áhættan væri greinilega meiri en ávinningurinn. Sem fréttamaður getur þú varpað ljósi á hvers vegna ABC fréttastofan hunsaði þetta allt?

Dr. Phelps, sem hefur verið ötull talsmaður grímuskyldu og Covid bóluefna, fór í ástralska fjölmiðla í vikunni og lýsti því hvernig hún og maki hennar hefðu orðið fyrir viðvarandi heilsutjóni af völdum bólusetninganna.

Í umræðu ástralska þingsins um Long Covid hvatti Dr. Phelps stjórnvöld til að rannsaka bóluefnaskaða betur.

Læknirinn Dr. Phelps og fyrrverandi stjórnmálamaður í Ástralíu sakaði einnig heilbrigðiseftirlitið um að hefta umræðu um skaða á bóluefninu og sagði að margir læknar væru of hræddir að tala af ótta við að missa læknaleyfið.

Aukaverkanir hafa verið bannorð hjá mörgu fólki sem hefur jafnframt hæðst af þeim sem hafa fjallað um málið og kallað þá "anti-vaxxers" og samsæriskenningasmiði.

Dr. Phelps svaraði Twitter færslu Roussos og sagði: „Ég vonaði að fyrirspurn mín til þingsins myndi kveikja umræðuna sem við þurfum að eiga um langvarandi covid og bóluefnaskaða. Ég vona að við getum fundið svör sem leiða til bata fyrir þig og aðra,“ sagði fyrrum forseti áströlsku læknasamtakanna við fréttakonuna.

En hví hafa þessar konur þagað svo lengi?

Heimild.

2 Comments on “Fréttakona með gollurshússbólgu eftir Covid sprautur – segir það „lifandi helvíti“”

  1. ,,hví hafa þessar konur þagað svo lengi?“

    Til að sleppa undan einelti?

  2. Þegar fólk hefur tekið svo stórt upp í sig að gagnrýna og svívirða það fólk sem valdi það að þiggja ekki C19 bólusetningu, að þá getur verið erfitt að kyngja eigin skít.
    Það er því ekki endilega hræðsla við fordæminguna, heldur skömmin að viðurkenna að þín eigin hegðun var í fyrsta lagi svívirða af verstu sort og í öðru lagi einfaldlega röng.

    En takið eftir því að þetta fólk sem skipt hefur um skoðun er skælandi yfir eigin hörmungum, en nánast enginn þeirra biður okkur afsökunar á hegðun sinni gegn okkur, sem áttum í vök að verjast til að viðhalda rétti okkar til að velja og hafna vafasömu inngripi í líkama okkar og höfnuðum C19 bólusetningum með gildum rökum.
    Margt af þessu fólki situr uppi með skaða vegna atvinnumissis og mannorðsmorða og sjálfsagt einhverjir sem hafa tekið sitt eigið líf þar sem þau afbáru ekki hvert heimurinn væri að fara með hruni siðmenningar okkar í anda 1984 eftir George Orwell.

Skildu eftir skilaboð