Varaforseti þýska þingsins, Wolfgang Kubicki, hefur kallað eftir tafarlausri rannsókn á dauðsföllum sem hafa átt sér stað um tveimur vikum eftir COVID-19 sprautur. Hann vill sjá rannsóknir með krufningum.
„Ég held að það sé nauðsynlegt að hvert óútskýrt dauðsfall sem á sér stað innan 14 daga eftir bólusetningu sé sjálfkrafa skráð sem „grunað tilfelli“ hjá Paul Ehrlich stofnuninni,“ sagði Kubicki við þýska dagblaðið Die Welt í síðustu viku.„Þetta er augljóslega ekki raunin ennþá.“
Eftir rannsókn meinafræðingsins Peter Schirrmacher frá Heidelberg sem sýndi að allt að 30 prósent allra dauðsfalla sem hann og teymi hans hafa rannsakað tengjast Covid „bólusetningu“.
Hér má sjá umfjöllun með enskum texta um málið og umfjöllun Die Welt:
Sérfræðingar spyrja
Fleiri og fleiri spyrja nú hvers vegna umframdauðsföll séu svo há þegar meirihluti heimsbúa hefur verið „bólusettur“ við drápsveirunni. Stjórnmálamenn, sérfræðingar og vísindamenn eru með öðrum orðum farnir að spyrja sömu spurninga og t.d. Fréttin.is hefur gert frá upphafi stofnunar miðilsins, ásamt fjölda fólks sem hefur verið uppnefnt samsæriskenningasmiðir og "anti-vaxx," jafnvel „drullusokkar“ sem sumir íslenskir vísindamenn vildu senda út í Grímsey.
Sjálfur vísindamaðurinn sem lofaði rúmlega 90% öryggi gegn smiti með Covid bóluefnum varð síðan sjálfur hundlasinn af pestinni þrátt fyrir að hafa fengið þrjár „nammisprautur“, eða svo segir hann a.m.k. Vísindamaðurinn mikli virðist horfinn af sjónarsviðinu hvað sjúdkóminn varðar og þau 20% umframdauðsföll hér á landi á þessu ári, án þess að nokkuð hjarðónæmi hafi náðst.