Einn af helstu taugasérfræðingum Tælands, Dr Thiravat Hemachudha, segir nú augljós tengsl vera milli fjölda hjartatengdra kvilla og Covid sprautuefnanna hjá fólki sem hefur fengið bóluefnin sem framleidd eru með mRNA tækninni. Hann sagði að þó hættan væri lítil eru áhrifin á hjartað skyndileg og alvarleg.  Bangkok Times sagði frá.

Yfirlýsing Hemachudha kemur um það bil viku eftir að hin 44 ára krónprinsessa Tælands, Bajrakitiyabha Narendira Debyavati, hneig niður á æfingu eftir hjartaáfall. Hún liggur enn á sjúkrahúsi samkvæmt yfirlýsingu konungshallarinnar. Orðrómur er þó um að hún sé látin eða heiladauð, en haldið lifandi með hjarta-, nýrna og lungnavélum eins og segir í tilkynningu frá konungshöllinni.

Dr Hemachudha vitnaði í niðurstöður rannsóknar þýskra lækna, sem birtar voru 27. nóvember, og sagði að það hafi verið að minnsta kosti 25 tilfelli af skyndilegum dauðsföllum innan viku frá því að viðkomandi fékk mRNA sprautuefnið.

Öll dauðsföllin voru skráð af völdum hjartavöðvabólgu eða gollurshússbólgu og höfðu átt sér stað hjá fólki á aldrinum 45-75 ára sem hafði fengið mRNA bóluefni, sagði læknirinn í Facebook færslu sinni.

Raunverulegur fjöldi fólks sem þjáist af þessum tveimur hjartasjúkdómum gæti verið mun hærri en opinberar skráningar segja til um. Fyrri rannsóknir á tengslunum milli mRNA bólusetninga og þessara hjartasjúkdóma innihéldu ekki skyndileg dauðsföll og voru allar afursæjar rannsóknir, sagði læknirinn.