„Engar rannsóknir sýna að grímur virki vel“ gegn öndunarfærasjúkdómum

frettinErlent, Rannsókn1 Comment

Æðsti heilbrigðisfulltrúi og viðbragðsstjórnandi Hvíta Hússins í Bandaríkjunum hefur nýlega viðurkennt að engar rannsóknir sýni að grímur virki vel gegn öndunarfærasýkingum eins og COVID-19.

„Það er engin rannsókn í heiminum sem sýnir að grímur virki það vel,“ sagði Dr. Ashish Jha, læknir og COVID-19 viðbragðsstjórnandi Hvíta hússins í Bandaríkjunum, á nýlegum fjarfundi hlusta má á orð hans frá mínútu 18:24.

Dr. Jha lýsti þessu yfir  þegar hann ræddi fjárfestingar sem hafa verið gerðar í að bæta loftgæði í byggingum sem leið til að draga úr COVID-19 sýkingum.

Jha sagði: „Þannig að þú munt aldrei fá þann ávinning af lögboðinni grímuskyldu allt árið um kring eins og þú myndir gera með því að gera verulegar umbætur á loftgæðum innandyra, auk þess sem það er miklu auðveldara í framkvæmd,“ bætti Jha við. „Þannig að þetta er svið þar sem við erum að gera mikið og reynum að hvetja fólk virkilega til að nota fjármagnið sem það hefur til að gera þessar fjárfestingar og byrja virkilega að bæta loftræstingar í byggingum.“

Þessi yfirlýsing Jha sem er löngu tímabær er athyglisverð þar sem hann ráðlagði fólki oft að vera með grímur meðan á heimsfaraldrinum stóð og talaði fyrir virkni þeirra.

Gerðar rannsóknir hafa ekki staðfest að grímur virki


Það hefur verið lengi vitað að grímur virka ekki þegar kemur að útbreiðslu öndunarfærasjúkdóma eins og Covid-19. Mikið hefur verið um það fjallað í Covid fárinu, þar sem þær rannsóknir sem stjórnvöld og embættismenn hafa reynt að nota sem rökstuðning fyrir grímunotkun og grímuskyldu hafa reynst óvísindalega unnar og ómarktækar með öllu.

Í desember í fyrra gagnrýndi tímaritið The Atlantic forstjóra Sóttvarnarstofunar Bandaríkjanna harðlega fyrir að byggja mál sitt um kosti grímunotkunar meðal skólabarna á meingallaðri rannsókn sem nefnd hefur verið Arizona rannsóknin.

Á svipuðum tíma í fyrra kom út hörð gagnrýni á hina svonefndu Bangladesh rannsókn sem stjórnvöld og embættismenn víða um heim höfðu notað í upphafi Covid fárins sem rök fyrir því að taka upp grímuskyldu. Þessi rannsókn sem meginstraumsfjölmiðlar hömpuðu mjög, reyndist blekking og marklaus með öllu. Blekkingin kom í ljós eftir að frumgögn rannsóknarinnar voru gerð aðgengileg utanaðkomandi sérfræðingum sem yfirfóru þau.

Þá reyndist rannsókn Sóttvarnastofnunar Bandaríkjanna sem birt var í febrúar á þessu ári um gagnsemi gríma á opinberum stöðum einnig vera enn ein blekkingin og var stofnunin sögð hafa grafið enn og aftur undan trúverðugleika sínum með birtingu „rannsóknarinnar“.

Heimild: Epoch Times.

One Comment on “„Engar rannsóknir sýna að grímur virki vel“ gegn öndunarfærasjúkdómum”

  1. Fréttin ætti að hafa samband við sjúkrahús Akureyrar og spyrjast út í þeirra rannsókn sem sýnir að þessar pappírsbleyjur gera eitthvað gagn!. Kannski ef þú ert með bleyjuna og mislita sokka að það gæti dugað betur en hitt.. eða, eða að þú ert með bleyjuna + sokkana og hoppar á einum fæti það væri brilliant combo.

Skildu eftir skilaboð