Eftir Guðrúnu Bergmann:
Erfitt er að segja hvaða bætiefni af þeim þremur sem ég fjalla um í þessari grein sé mikilvægast fyrir líkamann. Mér finnst þau nefnilega öll jafn mikilvæg og tek þau daglega inn. Þau eiga það sameiginlegt að styrkja ónæmiskerfi líkamans, hvert á sinn hátt og þegar sveiflur og umbreytingar eru í veðurfari og kuldi í lofti er gott að taka þau inn, því ónæmiskerfið þarf á styrk að halda.
D-3 VÍTAMÍN
Þótt sól sé farin að hækka á lofti og daginn að lengja nær hún ekki að bæta okkur upp D-vítamín birgðir líkamans. D-vítamín er eitt af mikilvægustu bætiefnunum líkamans og rannsóknir hafa sýnt að við sem búum á norðurslóðum þurfum í raun að taka það inn állt árið.
D-3 vítamín er bæði næringarefni sem við tökum inn og hormón sem líkaminn framleiðir. Það er fituuppleysanlegt vítamín, sem hjálpar líkamanum við upptöku og geymslu á kalki og forfór, en bæði þessi efni eru nauðsynleg til uppbyggingar á beinum.
Fáar fæðutegundir innihalda D-vítamín, þótt sumar séu D-vítamínbættar. Þess vegna er best að taka D-3 vítamín inn sem bætiefni til að fá nægilega mikið magn af því. D-vítamín er til í tveimur gerðum. Annars vegar D-2 (ergocalciferol eða forvítamín D) og hins vegar D-3 (cholecalciferol).
Báðar þessar tegundir myndast á náttúrulegan máta þegar útfjólublárra (UVB) geisla sólar nýtur við. Marga skortir hins vegar D-3 vítamín, einkum þar sem sólarljós er takmarkað yfir vetrartímann og fólk ver miklum tíma innandyra eins og flestir hér á landi gera. Eitt hylki á dag af D-3 vítamíninu frá Dr. Mercola er frábær leið til að viðhalda réttu D-3 vítamínmagni í líkamanum.
C-VÍTAMÍN
Líkamar okkar mynda ekki C-vítamín, svo það er nauðsynlegt að taka það inn ef við viljum styrkja ónæmiskerfi okkar. Það safnast heldur ekki upp í líkama okkar, því C-vítamín er vatnsuppleysanlegt bætiefni, svo allt það sem líkaminn getur ekki notað strax skolast úr líkamanum. Þess vegna þarf að taka það reglulega inn til að það sé stöðugt í líkamanum.
C-vítamín er hvað best þekkt fyrir að styrkja ónæmiskerfi líkamans með því að vinna gegn oxandi streitu, drepa örverur og bakteríur í líkamanum og draga úr mögulegum skaða á vefjum. Einnig hefur það sýnt sig að skortur á C-vítamíni leiði til aukinnar hættu á sýkingum.
Líkaminn treystir á C-vítamín til efnasamruna kollagens, en kollagen er mikilvægasta prótínið í líkamanum. Það er nauðsynlegt fyrir allan bandvef líkamans, svo og húð, hár og neglur, en þarf á C-vítamíni að halda til að kollagen framleiðsla geti átt sér stað. C-vítamínið frá Dr. Mercola er því alltaf með í daglega bætiefnaskammtinum mínum.
OMEGA-3
Omega-3 er eitt af þessum bætiefnum sem við ættum alltaf að taka inn, því það er einstaklega gott fyrir heila okkar.[i] Jafnframt hafa rannsóknir sýnt að Omega-3 getur styrkt augnheilsu okkar; dregið úr kvíða; haft góð áhrif á meltingarkerfið; unnið á sjálfsónæmissjúkdómum; styrkt bein og liðamót; bætt svefn og er auk þess gott fyrir húðina.
Ég nota alfarið Krill olíuna frá Dr. Mercola, sem bundin er fosfatíði og unnin úr ljósátu af Norður-Heimsskautssvæðinu. Olían er með vottun sem sjálfbær sjávarafurð frá MSC[ii]. Auk fjölómettuðu fitusýrunnar úr fosfatíðinu er líka Astaxanthin í Krill olíu hylkjunum.
Í Krill olíunni eru auk fjölómettuðu fitusýrunnar úr fosfatíðinu, hinar hefðbundnu EPA og DHA fjölómettuðu fitusýrurnar (O-3s), en líkaminn þarf á öllum þessum fitusýrum að halda nánast allt sitt líf til að starfa vel.
Neytendaupplýsingar: Bætiefnin frá Dr. Mercola fást í Mamma Veit Best á horni Auðbrekku/Dalbrekku í Kópavogi og á www.mammaveitbest.is
Samsett mynd: Guðrún Bergmann
Heimildir:
[i] https://www.healthline.com/nutrition/17-health-benefits-of-omega-3#TOC_TITLE_HDR_17