Er tilviljun helsta dánarorsökin?

frettinVideoLeave a Comment

Það hefur varla farið framhjá neinum að undanfarin tvö ár hafur átt sér stað gríðarlegur og fordæmalaus fjöldi umframdauðsfalla, meðal annars á Íslandi. Heilbrigðisyfirvöld í hinum vestræna heimi, þau sömu og bera ábyrgð á Covid-sprautunum, hafa hvorki getað útskýrt á trúverðugan hátt né sýnt vilja til að rannsaka málið, þó tilefnið hljóti að teljast ærið.

Eitt vinsælasta Covid
-tengda myndbandið á netinu síðustu daga kemur frá Kaufman Institute for Coincidence, sem reyndar er skálduð stofnun, þar sem reynt er að vekja athygli fólks á þessu með beittri háðsádeilu.

Höfundurinn sem lætur nafns síns ekki getið en kallar sig iwantlibertees á Twitter, segir þetta um tilurð þess:

„Horfðu á þetta myndband til að fá frekari upplýsingar um nýjar og nýstárlegar rannsóknir sem Kaufman Institute for Coincidence hefur gert og framlag þeirra til læknisfræðinnar. Viðvörun: þetta myndband er satíra. Í gamla daga hefði ég ekki þurft að útskýra þetta en vegna gífurlegs magns blekkinga og gaslýsinga í fjölmiðlum árið 2023, finn ég mig knúinn til að gera þetta. Ég er að reyna að ná til fólks með háði, þar sem rökfræðin hefur brugðist. Þakka öllum sem hafa deilt þessu myndbandi. Það hefur nú þegar fengið fleiri augasteina en ég hefði nokkurn tímann getað búist við. Þakka ykkur stuðninginn!“

Í inngangi myndbandsins segir: „Hefur þú eða ástvinir þínir þjáðst af læknisfræðilegri tilviljun? Við hjá Kaufman skiljum að tilviljun er nú helsta dánarorsökin. Og ef við viljum starfa á hraða vísindanna, þá er enginn tími til að leita að orsökum. Það er rétt, engar leiðinlegar spurningar um lyf eða bóluefni sem þú gætir hafa tekið. Hjá Kaufman sérhæfum við okkur í áhrifunum og látum samsæriskenningasmiðunum orsakirnar eftir. Og við skulum vera hreinskilin, við vitum hvort sem er orsökina. Þetta var tilviljun, ekki satt?" Sjón er sögu ríkari, myndbandið má sjá hér:


Skildu eftir skilaboð