Upptaka af forstjóra Pfizer í Davos bönnuð á Facebook, Instagram og Youtube

frettinDavos, Fjölmiðlar, Lyfjaiðnaðurinn3 Comments

Myndband af forstjóra Pfizer, Albert Bourla, sem blaðamenn Rebel News tóku upp í Davos í vikunni, þar sem hin árlega ráðstefna World Economic Forum fór fram, hefur verið bannað á Facebook, Instagram og Youtube. Twitter hefur ekki bannað myndbandið, sem hefur fengið yfir ellefu milljónir áhorfa þessa stundina, og sjá má hér neðar.

Upptakan sýnir blaðamenn elta Bourla og demba yfir hann spurningum um Pfizer „bóluefnið,“ spurningar sem fáir fréttamenn myndu svo mikið sem hugsa um að spyrja þennan valdamikla mann sem var þungur á brún og þögull sem gröfin á göngu sinni með blaðamönnunum.

Blaðamennirnir spurðu Bourla meðal annars á hvaða tímapunkti hann hafi vitað að Pfizer„bóluefnið“ kæmi ekki í veg fyrir smit, hversu lengi hann hafi vitað það án þess að greina frá því. „Þú sagðir fryst að það væri 100% virkt, síðan 90% virkt, svo 80% og 70%...og nú vitum við að „bóluefnið“ stöðvar ekki smit, hvers vegna hélstu því leyndu, spurðu blaðamennirnir.“

Bourla sagði, „eigðu góðan dag.“ „Ég mun ekki eiga góðan dag þar til ég veit svarið“ svaraði blaðamaðurinn. Annar blaðamaður spyr hann þá hvort það sé kominn tími á að hann biðji heimsbúa afsökunar og endurgreiði ríkjum sem settu offjár í óvirkt „bóluefni“. „Skammastu þín ekki fyrir það sem þú hefur gert síðustu tvö árin?...eða eru stoltur af því að hafa haft stórar fjárhæðir af fólki. Um hvað hugsarðu á einkaskútunni þinni, hefurðu áhyggjur af ábyrgð fyrirtækisins, eða hjartavöðvabólgu, hvað með skyndidauða, hvað viltu segja um unga menn sem detta niður úr hjartaáfalli daglega og hvers vegna viltu ekki svara þessum einföldu spurningum?“

Bourla gekk óvart inn í horn, snérist aðeins og gekk svo lengra og áfram var hann spurður.  „Telurðu að það eigi að lögsækja þig fyrir glæpi, hvað hefurðu persónulega auðgast mikið af þessum „bóluefnum“... „hvað heldurðu að það þurfi margar örvunarsprautur til að þú verðir ánægður með tekjur þínar?“ Hvern varstu að hitta hér í Davos, hverjum hefurðu greitt þóknun, ertu undir rannsókn varðandi blekkjandi markaðssetningu? Ef maður kaupir vöru sem virkar ekki, þá fær maður endurgreitt, ætlarðu ekki að endurgreiða ríkjum sem hafa sett milljarða í þetta gagnslausa „bóluefni“ þitt?“

Áfram gekk Bourla og áfram spurðu blaðamennirnir: „ertu aðeins vanur fjölmiðlum sem eru meðvirkir, þannig að þú veist ekki hvernig þú átt að svara þessum spurningum.“

Þá var loks komið á leiðarenda og Bourla kominn í skjól frá blaðamönnum Rebel News.

Sjón eru sögu ríkari, hér má horfa á myndbandið á Twitter sem einn blaðamannanna setti inn.

3 Comments on “Upptaka af forstjóra Pfizer í Davos bönnuð á Facebook, Instagram og Youtube”

  1. Ömurleg tilraun GAFSA-miðlanna til þess að telja fólki trú um að þetta „viðtal“ hafi verið ekta.

Skildu eftir skilaboð