Hvað eru 15 mínútna borgir? Lausn á „loftslagsvánni“ eða meiri fjötrar?

frettinErlent, Kristín Inga Þormar1 Comment

Eftir Kristínu Þormar:

Flestir Íslendingar hafa örugglega lítið eða ekkert heyrt um 15 mínútna borgir, þó fann ég nokkrar innlendar greinar sem ég set inn hér neðar.

Það er sammerkt með þessum plönum og Heimsmarkmiðum Sameinuðu þjóðanna, að þau líta afskaplega vel út á yfirborðinu eins og þau eru kynnt fyrir okkur, svo vel að flestir falla fyrir orðskrúðinu og loforðunum sem aldrei stendur til að efna - heldur þvert á móti.

Raunverulega markmiðið er að hneppa okkur í fjötra fyrir lífstíð.

Kynningin á vídeóinu hér fyrir neðan er svona:

Við getum gert borgarlífið aðgengilegra, sjálfbærara og skemmtilegra með því að búa til „15 mínútna borgir“. Að tryggja að íbúar geti mætt öllum þörfum sínum í stuttri göngu- eða hjólaferð mun flýta fyrir grænum og réttlátum bata.

Þetta er afskaplega aðlaðandi hugmynd, ekki satt?

En það "gleymdist" að nefna hvað raunverulega býr að baki þarna.

Alltaf sömu þrjótarnir að verki

Því þetta er eins og allt annað sem kemur frá ókjörnum illmennum, meðal annars í The World Economic Forum (WEF).

Þeirra markmið eru hvorki meira né minna en alheimsyfirráð, og þau eru ekki einu sinni að reyna að leyna því, svo viss eru þau um ágæti sitt og yfirburði yfir okkur þessum óþörfu súrefnisþjófum.

Global Governance

Þeir mega þó "eiga það" að áætlun þeirra um fækkun mannkynsins hefur gengið "ljómandi vel" með tilkomu Covid eitursprautanna.

"Kostir" 15 mínútna borga

Í vídeóinu hér fyrir neðan er farið yfir "kosti" 15 mínútna borga, og sá sem leiðir fundinn er hugmyndasmiður svona borga, Carlo Ratti, sem er "Agenda Contributor" hjá WEF rétt eins og Katrín Jakobsdóttir forsætisráðherra Íslands!

Hinir þátttakendurnir í þessu spjalli eru það einnig, og þar að auki er Mike Haighorðinn formaður innviðaráðs WEF.

Semsagt, ákaflega trúverðugt WEF fólk sem ber einungis hagsmuni mannkynsins fyrir brjósti sér ...

15 mínútna borgir eru lykilhugtak í Agenda 2030 - sem því miður allt of fáir hafa nennt að kynna sér, og hluti af þessu eru hin skelfilegu Heimsmarkmið Sameinuðu þjóðanna.

Enn eitt loftslagsapparatið, C40 sem samanstendur af alþjóðlegu neti borgarstjóra gekk nýlega til samstarfs við Sameinuðu þjóðirnar og fleiri um að:

Grípa til brýnna aðgerða til að takast á við loftslagsvandann og skapa framtíð þar sem allir geta dafnað.

Og enn meiri glóbalistafroða:

Um allan heim grípa borgarstjórar C40 og borgirnar sem þeir leiða til metnaðarfullrar samvinnu og brýnna loftslagsaðgerða sem eru í takt við markmið sem studd eru af vísindum. Þeir vinna saman þvert á landamæri til að vernda fólk og samfélög alls staðar og byggja upp sjálfbærari, þrautseigari og sanngjarnari framtíð.

Ekkert af þessu liði hefur verið lýðræðislega kjörið til að taka neinar ákvarðanir fyrir okkar hönd, né hefur það spurt okkur álits. Enda hlýðum við öllu athugsemdalaust, heilaþvegin og hálflömuð af sífelldum óttaáróðri.

Ef ekki vegna "heimsfaraldursins", þá vegna "loftslagshamfaranna" núna.

Það er svo grátlega auðvelt að blekkja fólk

Loftslagsbreytingar og umhverfið eru hugtök sem verið er að nota til að réttlæta meiri fjötra og skatta sem á að setja á okkur, og svo á að neyða okkur til að éta pöddur í ofanálag.

Við vorum svo fús til að fylgja öllum tilmælum og tilskipunum í nýliðnum "heimsfaraldri" að við erum orðin vön því að frelsi okkar og mannréttindi séu skert eða jafnvel tekin af okkur.

Enda bara gert til að "vernda okkur".

Oxford

Oxford í Bretlandi er ein þeirra borga þar sem verið er verið að innleiða þetta nýja kerfi, og þar á að skipta borginni í sex 15 mínútna hverfi.

Á yfirborðinu gætu þessi 15 mínútna hverfi hljómað afskaplega notaleg og þægileg, en ekki er allt sem sýnist. Þú átt að gera allt innan þessa ramma (fangelsis), og fara þinna ferða gangandi eða á hjóli.

Borgarstjórnin ætlar að draga úr bílanotkun og umferðaröngþveiti með því að setja strangar reglur um bílaferðir. Samkvæmt nýju tillögunum gæti íbúi fengið 70 punda sekt, ef hann eða hún keyrir út fyrir úthlutað 15 mínútna hverfi sitt meira en 100 daga á ári.

Það þýðir að ekki má sækja vinnu, viðburði né heimsækja ættingja eða vini í öðrum hverfum á bíl nema 100 daga á ári án þess að vera refsað.

Hvað segja aðrir?

1. Loftslagslokanir framundan? Ferðir þínar í hverfinu þínu verða raktar, og þú verður hamingjusamur með það. (Væntanlega tilvísun í WEF, árið 2030 muntu ekkert eiga, og vera hamingjusamur)

Ímyndaðu þér ef valdabrjáluðu stjórnmálamönnunum þínum líkaði svona vel við Covid lokanirnar, að þeir vilji halda þeim áfram endalaust. Þetta verður prófað í Oxfordshire í Bretlandi.

sagði í Oxfordshire Council to Trial a Climate Lockdown Starting 2024.

Greinin fjallar um áætlanir Oxfordshire County Council um að prófa loftslagslokanir árið 2024 með því að nota 15 mínútna borga hugmyndina sem er nátengd sjálfbærni og loftslagsmarkmiðum.

2. Og hér segir:

15 mínútna borgir: Stjórnvöld eru að reyna að fjarlægja frelsi okkar, ná stjórn á lífi okkar og smala okkur inn í rými sem þau stjórna algjörlega.

3. Ríkisstjórnir eru að fara að kynna loftslagslokanir dulbúnar sem "15 mínútna borgir" samkvæmt Agenda 2030 tilskipun SÞ og Great Reset áætlun WEF, segir í þessari grein.

4. Hafið í huga að WEF stefnir að alheimsyfirráðum þegar þið horfið á þessa "vinalegu" kynningu hjá þeim: Paris becomes WEF 15-minute city

5. Fantagóð umfjöllun eftir Bjorn Andreas Bull-Hansen um það sem koma skal: Permanent climate lockdowns: The "15 Minute Cities" are coming

6. Frábær umfjöllun Gústafs Skúlasonar: Jarðarbúar eiga að búa í 15 mínútna borgum "til að bjarga jörðinni"

7. Viðbót 28. febrúar: The WEF’s Plan For The Future: 15 Minute Cities!!

Hvað kemur þetta okkur við?

Það á ekkert að búa til svona 15 mínútna hverfi hér á Íslandi! Svarið er að þetta kemur okkur öllum við, enda er smám saman verið að reisa svona  hverfi/borgir hér á landi með mjög þéttum íbúðakjörnum sem falla algjörlega undir þessa skilgreiningu.

Reykjavík - Hlustað á íbúa og hagaðila

Í gegnum hverfisskipulag, endurnýjun hverfiskjarna og fjárfestingu í innviðum verði hverfi borgarinnar gönguvænni og aðgengi að grænum svæðum, útivist og þjónustu tryggt í 15 mínútna göngu- eða hjólafæri.

 Hildur Björnsdóttir borgarfulltrúi Sjálfstæðisflokksins

Hug­mynd­ir um hin svo­kölluðu 15 mín­útna hverfi hafa rutt sér til rúms víða í er­lend­um borg­um. Inn­an 15 mín­útna hverfa má nálg­ast helstu versl­un og þjón­ustu í inn­an við kort­ers göngu­fjar­lægð.

Hér er önnur grein eftir borgarfulltrúann um sama efni.

Leiðbeiningar um 15 mínútna borg, sem skilar ávinningi fyrir alla

C40, samtök um sjálfbærar borgir hafa sett af stað leiðbeiningar um 15 mínútna borgina. Þetta notar staðbundnar inngrip og einnig er hægt að styðja það með aðgangsreglugerðum (UVAR) til að hafa ávinning fyrir alla. Engum finnst gaman að þurfa að ferðast í klukkutíma um borgina fyrir margar þarfir sínar.

Ætlar fólk ekkert að fara að kveikja á perunni hér á Íslandi?

Þétting byggðar, þrenging gatna, fækkun bílastæða, og öll þessi "grænu" plön og Borgarlínan eru partur af þessu glóbalistaplani um 15 mínútna hverfi, og að lokum alheimsyfirráðum yfir okkur þar sem við munum engu ráða um eigin líf.

Glóbalistararnir sem eru hér við völd eru að framfylgja nákvæmlega sömu fyrirmælum og aðrar þjóðir, hvort sem um er að ræða "heimsfaraldurinn" eða þessar "sjálfbærni"blekkingar Sameinuðu þjóðanna.

Heldur fólk virkilega að milljarðamæringum sem fljúga heimshornanna á milli í einkaþotunum sínum, éta sínar fínu steikur en vilja að við étum pöddur, sé eitthvað umhugað um ykkar líf og velferð?

Hugsið aðeins út í það!

Það er skelfileg illska í gangi í heiminum í dag, og framtíðin er ekki björt fyrir afkomendur okkar ef við bara leyfum þessu að gerast.

Ef þið haldið að þetta séu samsæriskenningar, farið þá endilega að leita að sönnunum um það.

Það sorglega er að þið munuð hvergi finna þær.

One Comment on “Hvað eru 15 mínútna borgir? Lausn á „loftslagsvánni“ eða meiri fjötrar?”

  1. Það er rétt hjá þér Kristín. Það er grátlegt hversu auðvelt að blekkja fólk.Hví skyldi það vera?

    Ástæðan er sú að fólk á ekki Jesú í sínu hjarta. Hann er Sannleikurinn. Án Hans á óvinurinn, Djöfullinn greiðan aðgang að fólki með blekkingar sínar.

    Menn spyrja gjarnan eins og Pílatus spurði Jesú: Hvað er Sannleikur? Þótt Guð hafi sent þeim Hann í manninum Jesú Kristi.

    Jesús segir í 10. Kafla Jóhannesarguðspjalls:

    „10 Þjófurinn kemur ekki nema til að stela og slátra og eyða. Ég er kominn til þess, að þeir hafi líf, líf í fullri gnægð.“

    Í 2. Þessalóníkubréfi 2. Kafla stendur:

    „9 Lögleysinginn kemur fyrir tilverknað Satans með miklum krafti, lygatáknum og undrum 10 og með alls konar ranglætisvélum, sem blekkja þá, sem glatast, af því að þeir veittu ekki viðtöku og elskuðu ekki Sannleikann, svo að þeir mættu verða hólpnir.“

    Lygatáknin og undrin:

    Björgunin frá heimsfaraldrinum COVID19 er nú afstaðin, eða hvað? Sýndi þáttur RÚV, Stormur okkur ekki Það?

    Björgun frá loftlagsvánni er framundan með 15 mínútna borgum. Þrengingar gatna í Reykjavík hafa staðið yfir til að hindra bílaumferð og hús eru nú byggð án bílastæða eða bílageymsla.

    Allt er þetta til að bjarga jörðinni, fremur en að bjarga fólki.

    Jesús er frelsari þeirra manna í heiminum, sem á Hann trúa.

    Djöfullinn birtist í ljósengils mynd í WEF og segist vera frelsari. Allir þeir sem á hann trúa glatast.

Skildu eftir skilaboð