Leiðari Morgunblaðsins, Óvönduð meðöl við Covid-19,  fjallar í dag um Lokunarskjölin (lockdown-files) svokölluðu í Bretlandi sem breska blaðið Daily Telegraph hefur verið að birta undanfarna daga. 

Um er að ræða trúnaðar­upp­lýs­ing­ar í formi rúmlega 100.000 skilaboða úr innsta hring stjórn­málamana á Bretlandi frá dög­um ­far­ald­urs­ins.  Skila­boðin voru á milli Matt Hancock, þáver­andi heil­brigðisráðherra Bretlands, og hans helstu samstarfsmanna. Skjölin sýna hvað fór ráðamönnum á milli á meðan faraldurinn stóð yfir. 

Skilaboðin sýndu, segir í leiðaranum „að það hafi skjótt orðið helsta mark­mið stjórn­valda að vekja víðtæk­an og viðvar­andi ótta til að tryggja að farið yrði að fyr­ir­mæl­um þeirra án minnsta vafa,“ og að fjöldi dæma sýni að bresk stjórn­völd hafi af­vega­leitt borgarana og auk þess rang­lega full­yrt að vísindin réðu ferðinni.

Þetta átti ekki við í upphafi, segir leiðarhöfundur, en það voru ekki liðnir nema nokkrir mánuðir þar til stjórnamálamenn voru komn­ir á bragðið eftir að völdin stigu þeim til höfuðs og mestu máli skipti að halda þjóðinni í greip­um sér. Þeir sem andmæltu urðu þjóðníðing­ar en stjórnmálamenn fóru líta á sig sem hetj­ur.

Rannsókn nauðsynleg hér á landi

Þá segir leiðarhöfundar Morgunblaðsins að sótt­varn­aaðgerðir hér á landi hafi ekki verið nærri því jafn ­harka­leg­ar og í Bretlandi og fleiri vestrænum ríkjum. „Samt blas­ir við að hér gætti einnig nokk­urr­ar hjarðhegðunar, mörk vís­inda og stjórn­mála voru stund­um óskýr og það lágu ekki alltaf mál­efna­leg rök þar að baki. Sumt greini­lega eitt­hvað sem menn lásu á vefn­um þann morg­un­inn. Annað var jafn­vel dæmt ólög­legt og efna­hags­ráðstaf­an­ir reynd­ust mis­vel. Af­leiðing­arn­ar eru enn að koma fram.“

Því er nauðsyn­legt að stjórn­völd láti rann­saka viðbrögð Íslend­inga við veirunni til að mistökin endurtaki sig ekki, segir meðal annars og að lokum í leiðara dagsins.