Frá því Baric rannsóknin kom fram á fyrsta ári Covid heimsfaraldursins sem sýndi fram á í rannsóknarstofu að kórónuveira gæti valdið hjartavöðvabólgu hefur það verið áhyggjuefni að SARS-CoV-2 sýking í mönnum geti valdið hjartavöðvabólgu.
Faraldsfræðilegar rannsóknir sem byggðu á ICD kóða [alþjóðlegri flokkun sjúkdóma] gáfu til kynna að sjúklingar á sjúkrahúsi væru að fá hjartavöðvabólgu með öndunarfærasjúkdómnum COVID-19. Engin þessara rannsókna var hins vegar staðfest með klínískri greiningu eða krufningu.
Árið 2020, fyrsta ár Covid faraldursins, skimuðu NCAA Big Ten íþróttasamkoman, bandaríski herinn og mörg önnur samtök fyrir hjartavöðvabólgu. Fáein tilfelli fundust og þau voru án tilkynningar um sjúkrahúsinnlagnir eða dauðsföll. Tuvali, o.fl. frá Ísrael, sýndu einnig fram á að hjartavöðvabólga var ekki algengari á árinu 2020 en þekktist meðal þekktra og algengra sjúkdóma.
Covid-19 veldur ekki banvænni hjartavöðvabólgu og þar með skyndidauða
Núna seint í mars var birt úttektin "COVID-19-Associated cardiac pathology at the postmortem evaluation: a collaborative systematic review" sem Dr. Raghed Almamlouk og fleiri sérfræðingar framkvæmdu kerfisbundið á yfir 50 krufningarrannsóknum og 548 hjörtum sjúklinga sem höfðu látist vegna eða með COVID-19.
Meðalaldur hinna látnu var 69 ár. SARS-CoV-2 greindist í um það bil 66% hjartanna. Hins vegar var enga víðtæka hjartavöðvabólgu að finna í neinu hjarta sem gæti hafa orsakað dauða.
Í stuttu máli ætti þessi úttekt að útiloka það í eitt skipti fyrir öll að COVID-19 veikindi geti valdið banvænni hjartavöðvabólgu. Því þrátt fyrir að veiran hafi fundist í hjartavef olli hún ekki verulegri bólgu. Sprenging í fjölda banvænnar hjartavöðvabólgu ásamt tilkynningum um óútskýrð hjartastopp, hlýtur því að hafa aðra skýringu en SARS-CoV-2 sýkingu.
Eina nýtilkomna og sannaða orsök hjartaskemmda hjá mönnum er COVID-19 „bólusetning“. Sýnt hefur verið fram á að „bóluefni“ sem notuð eru í Bandaríkjunum og víðar eins og Pfizer, Moderna, Janssen og Novavax valda hjartavöðvabólgu.
One Comment on “Krufningar staðfesta að COVID-19 valdi ekki banvænni hjartabólgu”
þá er bara eftir covid sprautan og ekkert annað sem veeldur þessu