AstraZeneca Covid „bóluefnið“, sem í Ástralíu var selt undir vörumerkinu Vaxzevria, hefur ekki verið aðgengilegt í Ástralíu síðan 20. mars sl. og hefur ríkisstjórnin staðfest að það hafi verið tekið úr umferð. Þetta hefur verið gert þrátt fyrir að „bóluefnið“ sé áfram með bráðabirgðaleyfi í landinu.

Stjórnvöld hafa engu að síður viljað leggja áherslu á að ákvörðunin um að hætta að bjóða upp á AstraZeneca (Vaxzevria) væri „ekki ákvörðun byggð á öryggi eins sem sumir hafa sagt á samfélagsmiðlum“, heldur vegna aukins framboðs á öðrum Covid bóluefnum.

Lyfjastofnun Ástralíu (TGA) samþykkti AstraZeneca (Vaxzevria) sem bóluefni til bráðabirgða fyrir fólk 18 ára og eldri frá 15. febrúar 2021 og sem örvunarskammt frá 8. febrúar 2022.

Nokkru síðar fóru læknar hins vegar að mæla gegn því að Ástralar undir 60 ára aldri fengju „bóluefnið“ vegna áhyggja af mögulegri banvænni blóðstorknunarröskun; segamyndun með blóðflagnafæð heilkenni (TTS).

Þetta gerðist í kjölfar fjölda tilfella af TTS meðal fólks á aldrinum 50-59 ára og dauða 52 ára konu af völdum blóðtappa sem líklega tengdist AstraZeneca bóluefninu. Þrátt fyrir að hættan á að fá blóðtappa sé ekki mikil er hættan aðeins meiri hjá yngra fólki.

Það hefur lengi verið vitað að AstraZeneca gæti verið lífshættulegt þeim sem það fengju og því kemur það ekki á óvart að áströlsk stjórnvöld hafi loks tekið það af markaði, heldur aðeins að það hafi ekki verið gert fyrr.

Í desember 2021 sagði Fréttin frá því að hugsanleg ástæða blóðtappamyndunar sem AstraZeneca ylli í fólki og hefði leitt marga til dauða væri mögulega fundin.

Mörg andlát hafa orðið eftir inntöku AstraZeneca og hefur Fréttin sagt frá hluta þeirra eins og fjölmiðlakonunnar Lisa Shaw sem lést árið 2021 og tónlistarmannsins Zion sem einnig lést árið 2021. Hinn 41 árs gamli Adam Bounds og 26 ára gamli Jack Hurn létust einnig á árinu 2021.

Þá hefur komið í fréttum að útvarpskonan Jules Serkin hjá fréttastöðinni BBC hafi fengið AstraZeneca bóluefnið í mars 2021 og hlotið taugaskaða í augum og lömun í andliti og fleira síðan þá. Í kjölfarið stofnaði hún stuðningshóp fyrir þá sem hafa skaðast af Covid-bóluefnunum og segir hún að lýsingar og einkenni fórnarlamba séu öll svipuð; taugaskaði á heyrn og sjón, blæðingavandamál hjá konum og fólk sé að „detta niður eins og dauðar flugur.“ Serkins hélt því fram að fjölmiðlum hafi verið bannað að fjalla um aukaverkanir „bóluefnanna“.

Þrátt fyrir mikinn fjölda skaða og dauðsfalla fólks af völdum AstraZeneca sagði forstjóri fyrirtækisins, Pascal Soriot, að áhyggjur af „bóluefninu“ væru “ofmetnar af fjölmiðlum“. Lét hann þessi orð falla við fjölmiðla þegar hann var sæmdur riddaratign af Karli Bretakonungi í desember sl. í viðurkenningarskyni fyrir framlag sitt til vísinda og baráttunnar við Covid. Ekki minntist Soriot, við þetta tilefni, einu orði á þann fjölda einstaklinga sem hafa skaðast eða látist eftir inntöku AstraZeneca efnisins.