Fabian Wilson, 19 ára efnilegur handboltastrákur úr sænska handboltaliðinu Lugi lést skyndilega í síðustu viku. Engin ástæða hefur verið gefin upp.

„Það ríkir sorg á meðal sænskra handboltaunnenda. Hæfileikaríki handboltastrákurinn Fabian Wilson er látinn, 19 ára gamall. Fabian kemur alltaf til með að eiga stað í hjarta mínu“, segir þjálfari liðsins Emme Adebo.

Fabian bjó í Lundi ásamt móður sinni og yngri systur og var við nám í Verkfræði- og Tækniháskóla Lundar í Helsingborg. Fyrst og fremst elskaði Fabian handboltann. Einn af þeim sem þekktu hann var Emme Adebo, þjálfar hans í Lugi sem kynntist Fabian þegar hann var lítill strákur og var þjálfari hans í 13 ár. Þeir hittust í síðasta sinn í byrjun maí, í úrslitakeppni handbolta í Svíþjóð í Uppsölum, en þangað hafði Fabian farið til að horfa á úrslitin.  Fabian hafði alltaf spilað handbolta frá unga aldri og lagði allt í það áhugamál sitt. Hann varð handboltadómari 14 ára gamall og var á mikill uppleið á því sviði, segir Emme Adebo. 

Fimmtudaginn 11. maí sl. bárust fréttir af því að Fabian hefði látist, aðeins 19 ára gamall. Á innan við klukkustund höfðu um fimmtíu manns safnast saman í íþróttahöllinni í Lundi, bæði þjálfarar og leikmenn. Hópurinn var mjög þéttur þrátt fyrir að aldurshópnum P03 (f.2003) væri skipt í nokkra æfingahópa, segir Emme Adebo.

Daginn eftir, á föstudeginum, deildi Luigi fréttum af andláti Fabian, m.a. á Instagramsíðu félagsins en í ummælum þar má lesa samúðarkveðjur margra, þ.á.m. frá handboltastrjönunni Isabelle Gulldén og fótboltafréttamanninum Olof Lundh. - Margir hafa sýnt stuðning sinn með hlýjum kveðjum og kærleika. Af þessum ástæðum var Lugi með opið hús fyrir almenning sl. föstudag og þangað mættu um 130 manns.