Jón Magnússon skrifar:
Ríkissaksóknari hefur óskað eftir því við dómsmálaráðherra að vararíkissaksóknari Helgi Magnús Gunnarsson verði leystur tímabundið frá starfi vegna kæru Semu Erlu Serdarroglu og Solaris félaga á hendur honum vegna réttmætra ummæla sem Helgi Magnús lét falla um ólöglega innflytjendur.
Áður hafði Helgi Magnús fengið áminningu frá ríkissaksóknara fyrir að segja satt nokkru fyrr um innflytjendamál.
Ríkissaksóknari gat ekki séð til þess eða réttarvörslukerfið, veitti Helga Magnúsi nauðsynlega vernd fyrir glæpamanninum Múhammeð Thorlacius Jóhannesson, áður Kourani, en glæpamaðurinn fékk að breyta nafni sínu til að gera gys að ruglliðinu í framvarðasveit stjórnarráðsins með þessum hætti.
Samtökin Solaris og Sema Erla telja sig geta farið sínu fram enda hefur þeim verið sýnd ótrúleg linkind af yfirvöldum m.a. Ríkissaksóknara.
Á sínum tíma stóð Sema Erla og fylgisveinn hennar fyrir því að birta lista með nöfnum manna þ.á.m. mínu nafni, Davíðs Oddssonar, Páls Vilhjálmssonar o.fl. þar sem mönnum var raðað í röð helstu svonefndra nýrasista á Íslandi. Eins og þar væri aftökulisti. Ekki hreyfðu yfirvöld sig vegna þessa. Engin sem var á lista Semu Erlu hafði eitt eða neitt til saka unnið annað en að segja sannleikann um innflytjendamálin.
Það yrði óásættanlegt að dómsmálaráðherra Sjálfstæðisflokksins hvikaði nú og yrði við kröfu Ríkissaksóknara og sendi þau skilaboð út í samfélagið að það megi ekki segja satt um innflytjendamálin og æðsti stjórnandi eða "master og ceremonies" eins og Engilsaxar mundu kalla það væru hér með skipuð Sema Erla Serdaroglu.
Hvað þá að fallist verði á það að ef einhver setur fram kæru á hendur opinberum embættismanni þá skuli honum samstundis vikið frá störfu. Hvað er þá orðið um réttarríkið sem dómsmálaráðherra á að gæta ef fallist yrði á kröfur Solaris.
2 Comments on “Nú reynir á dómsmálaráðherra”
Ef þessu verður hrint í framkvæmd er það staðfesting á því að hugsandi fólk með skynsemi í huga þurfi að grípa til rótækra aðgerða gegn þessu liði sem ætlar að fylla landið af glæpamönnum og skipta íslendingum út fyrir fólk utan úr heimi.
Ég segi nú hvar er allt fólkið sem er stundum að grenja yfir því að íslensk tunga sé á undanhaldi?
hvenær ætlar fólk að vakna upp úr væru svefninum og fara átta sig á því að við erum búin að flytja inn sennilega í kringum
150 þús. manns á síðastliðnum tuttugu árum.
Við eru öllum stundum að fela okkur bakvið þá afsökun að okkur skorti vinnuafl, þetta er þvílíkt bull, vandamálið liggur í agaleysi okkar í uppeldi undanfarna áratuga á þeim kynslóðum sem eru að taka yfir sem nenna ekki út á vinnumarkaðinn.
Hvernig væri nú að samfélagið myndi taka til í anskotans hausnum á sér!
Þessi öfgasamtök á að skilgreina sem hryðjuverkasamtök. Stend með Helga eins og flestir aðrir hugsandi konur og menn.