Helga Dögg Sverrisdóttir skrifar:

Það er sorglegt að karlmenn fái aðgang að íþróttum kvenna. Allir sem hafa lágmarks þekkingu í líffræði vita að karlmenn hafa meiri styrk og kraft en konur. Samfélagsmiðlar hafa logað ef svo má segja út af báðum karlmönnunum sem kepptu við konur í hnefaleikunum á OL. Annar fékk gull og hinn mun sennilega líka gera það í fjaðurvigt.

Íslenskir fjölmiðlar eru meðvirkir, en ekki hvað. Engin rannsóknarblaðamennska í gangi.

Trans Samtökin 78 lágu ekki á áróðri sínum. Kalla það hatur að segja sannleikann. Margir hafa bent á að um karlmenn sé að ræða sem keppa í hnefaleikum og það sé sannreynt. Þeir eru hvorugir konur. ICO vill hins vegar ekki láta reyna á sannleikann.

Vonandi, í kjölfar þessa atburðar vaknar heimbyggðin og fjarlægir karla út kvennaíþróttum, með góðu eða illu. Það að karlmaður berji konur í hringnum hefur sennilega opnað augu margra. Vonandi fer af stað hreyfing sem verður ekki stöðvuð. Margir íþróttamenn hafa sýnt stúlkunum stuðning með því að tákna X. Vel gert og sýnir samstöðuna þó kjánarnir í ICO viti ekki hvað kona er.

Hér má lesa grein, en í henni stendur „Sumir halda að þetta ofbeldi muni loksins fá transaðgerðarsinna til að viðurkenna að öll þeirra hugmyndafræði er byggð á lygum og er konum hættuleg. Það er ekki séns á því. Í fyrsta lagi er þeim nákvæmlega sama. Í öðru lagi hefur „kynjafræði” svo sýkt stofnanir þjóðfélagsins að fyrrum skynsamt fólk er ekki lengur fært um rökræna hugsun.“

Nú glymur yfir þjóðinni „burt með hatrið“ „hatrið má ekki sigra“ og því verða gagnrýnar raddir að spyrja um hvað eru menn að tala. Uppspuna trans samtakanna? Að sannleikurinn sé sagður hefur ekkert með hatur að gera. En slagorðin hitta í mark. Menn vilja nú ekki láta saka sig um eitthvað misjafnt. Fólk heldur virkilega að það styðji eitthvað fallegt og gott. Því miður er það ekki svo. Trans Samtökin er pólitískt afl. Almenningur nennir bara ekki að setja sig inn í málefnin og hoppa á það sem þægilegast er. Leyfa áróðrinum að blómstra.

Trans Samtökin 78 hafa endurskilgreint hugtakið kona. Viti bornir menn vita að kona er fædd með XX litninga. Fullorðin kvenkyns einstaklingur.

Vonandi mun braátta haldan áfram og verða að alsherjahreyfingu. Markmið að koma körlum úr kvenníþróttum. Hér má hlusta á gott viðtal við Dr. Emmu Hilton líffræðing um karlana í kvennaflokknum.