Það líður varla sá dagur sem ekki koma fréttir af afbrigðilegu
kynlífi meðal ungs fólks á Íslandi og eru fjölmiðlarnir DV og Visir
duglegir við að birta slíkar fréttir reglulega. Menn spyrja sig hvort
klámvæðing eigi sér stað í íslensku samfélagi og hvaða afleiðingar
slíkt getur haft til frambúðar?

Ef litið er til fornra tíma hefur slík væðing haft gríðarlegar
afleiðingar en samkvæmt Biblíunni þá er þetta forkastanleg hegðun sem
getur haft alvarlegar afleiðingar fyrir mannkynið og er merki um
siðferðishnignun.

Hverjir muna ekki eftir sögunni um Sódóma og Gómórru en á þeim tíma var
mikið um afbrigðilegt kynlíf sem er ekki Guði þóknanlegt og er fordæmt í
Biblíunni sem síðan endaði með skelfingu. Þjóðkirkjan hefur aldrei gert
athugasemdir við þessa þróun eða tjáð sig um málefnið og sannkristnir
spyrja sig hvort reiði Guðs muni hellast yfir Ísland eins og gerðist í
þá daga?

Hér má finna útskýringu á Wikipedia um borgirnar frægu Sódómu og Gómorru
sem liðu undir lok vegna klámvæðingar og syndugs eðli mannsins á þeim
tíma. Þar segir:

,,Sódóma og Gómorra eru borgir sem koma fyrir í Biblíunni. Íbúar Sódómu voru óforbætanlegir syndarar í augum Drottins, sem ákvað að lokum að tortíma borginni eins og sagt er frá í 19. kafla 1. Mósebókar. Lot, frændi Abrahams, bjó á sléttunni við borgina Sódómu. Þegar útsendarar Drottins komu til Lot bauð hann þeim gistingu þó hann kynni ekki á þeim deili. Íbúar Sódómu komu um nóttina og vildu liggja með mönnunum. Lot hélt yfir þeim hlífiskyldi en bauð þeim þess í stað dætur sínar sem höfðu ekki verið við karlmann kenndar. Í dögun lét Drottinn rigna eldi og brennisteini yfir Sódómu og Gómorru en hlífði Lot.."

Frettin.is birtir hér smá brot af fréttaefninu frá Visi og DV um þessi
málefni en sjón er sögu ríkari.

Hér má einnig finna fremur skuggalegar myndir af svokölluðu BDSM kynlífi af íslenskri síðu sem ber nafnið BDSM túban en áðurnefndar kynlífsathafnir hafa notið nokkuð mikilla vinsælda hér á landi undanfarin ár.