Helgi Örn Viggósson gerði þessa samantekt um nýja rannsókn á hjartavöðvabólgu hjá börnum eftir Covid bólusetningu
Ný rannsókn um tíðni hjartabólgna hjá börnum eftir kóvid bólusetningu.
Rannsóknin fjallaði um börn 12-15 ára, einblíndi á hjarta-tengdar aukaverkanir og ein megin niðurstaðan var að heilbrigðir strákar á þessum aldri eru allt að 6.1 sinnum líklegri til að þurfa spítalavist með hjartabólgu (pericarditis/myocarditis) eftir mRNA sprautu heldur ef þeir sýktust af veirunni:
"For boys 12-15 without medical comorbidities receiving their second mRNA vaccination dose, the rate of CAE is 3.7 to 6.1 times higher than their 120-day COVID-19 hospitalization risk as of August 21, 2021... and 2.6-4.3-fold higher at times of high weekly hospitalization risk..., such as during January 2021.
For boys 16-17 without medical comorbidities, the rate of CAE is currently 2.1 to 3.5 times higher than their 120-day COVID-19 hospitalization risk, and 1.5 to 2.5 times higher at times of high weekly COVID-19 hospitalization." [1]
Rétt er að geta þess að þetta er að öllum líkindum enn verra, því eins og kom fram í grein tveggja íslenskra hjartalækna í Morgunblaðinu um daginn, þá rata fæst þessara tilvika inn á sjúkrahús, því oft eru einkennin mild í fyrstu, jafnvel vart greinanleg og mörg ár getur tekið fyrir áhrif skemmda að koma fram. Ég, Jóhannes Loftsson, Martha Ernstsdóttir og Þórdís Björk Sigurþórsdóttir fjölluðum um þetta í grein sem birt var í sama blaði þann 2. september sl. undir fyrirsögninni "Ærandi þögn". [2]
Þögnin er enn ærandi af hálfu stjórnvalda nú þegar líður að því að íslensk börn á þessum aldri eru að fara að fá seinni sprautuna af þessum tilraunaefnum en hún felur í sér enn meiri áhættu en sú fyrri. Áhættu sem vísindalegar staðreyndir segja okkur að sé engan veginn ásættanleg, því heilbrigðum börnum stafar lítil sem engin hætta af smiti [3], sem sprautan kemur reyndar alls ekki í veg fyrir og er því með öllu gagnslaus. Hins vegar er áhættan af alvarlegum aukaverkunum eins og hjartavöðva- og gollurshúsbólgum, blóðtöppum, Guillian-Barré sjúkdómi (GBS), MIS-C o.fl. alltof mikil til að réttlæta gagnslausa bólusetningu, sem mun í þokkabót yfirskrifa sterkt náttúrulegt ónæmi sem þau hafa þegar og gera þau þ.a.l. útsettari fyrir smiti og veikindum en ella.
Þegar svo afgerandi sönnunargögn liggja fyrir hlýtur fólk að spyrja sig hvað veldur að þær stofnanir samfélagsins okkar, Embætti landlæknis og Lyfjastofnun, sem eru í fyrirsvari fyrir þessum ósköpum, virðast ætla að þumbast áfram eins og ekkert hafi í skorist. Þegar hafa mörg ungmenni sannanlega skaðast alvarlega og enginn veit hver langtímaáhrifin verða og það er öruggt ef marka má nýlegar vísindagreinar, þ.á.m. þessa sem hér er fjallað um, að fjöldinn á eftir að margfaldast eftir seinni sprautuna.
Fyrir mér er hér um að ræða glæpsamlega vanrækslu að ræða af hálfu þeirra sem bera ábyrgð á þessu og þá er ég ekki aðeins að tala um embættismennina, heldur einnig stjórnmálamennina, ærandi þögn þeirra losar þá ekki undan ábyrgð, þögn er sama og samþykki.
Kjósendur vita hvernig þeir geta losað sig við ábyrgðalausa stjórnamálamenn!
--
PS: Margar rannsóknir hafa komið út að undanförnu sem staðfest hafa að gaddaprótein veirunnar eitt sér veldur alvarlegustu kóvid sjúkdómseinkennunum, það sama og tilraunaefnin láta líkamann framleiða í trilljónavís og dreifast um hann allan. Ein t.d. útskýrir hvernig það eyðileggur hjartað, sýnír að gaddapróteinið binst sk. æðagrannfrumum (pericytes) en þessar frumur þekja smáæðar hjartans ásamt öðrum stöðum allt um mannslíkamann. Þegar binding á sér stað fara æðagrannfrumurnar að leysa frá sér efni sem valda bólgum í líffærinu:
The SARS-CoV-2 Spike protein disrupts human cardiac pericytes function through CD147-receptor-mediated signalling: a potential non-infective mechanism of COVID-19 microvascular disease - https://www.biorxiv.org/content/10.1101/2020.12.21.423721v2
Heimildir:
1. SARS-CoV-2 mRNA Vaccination-Associated Myocarditis in Children Ages 12-17: A Stratified National Database Analysis - https://www.medrxiv.org/content/10.1101/2021.08.30.21262866v1
2. Ærandi þögn - https://www.facebook.com/johannes.loftsson/posts/4528231430541205
3. Does Covid-19 in children have a milder course than Influenza? - https://onlinelibrary.wiley.com/doi/10.1111/ijcp.14466
