Leiðtogar Hamas hryðjuverkasamtakanna, höfnuðu á sunnudag fyrirhuguðu vopnahléssamkomulagi sem gert var í viðræðum í síðustu viku og hafði vakið bjartsýni hjá sáttasemjara í Bandaríkjunum, Egyptalandi og Katar sem bentu til þess að samkomulag gæti verið í nánd.

„Eftir að hafa verið upplýstur af sáttasemjara um hvað gerðist í síðustu lotu viðræðna í Doha, komumst við enn og aftur að þeirri niðurstöðu að (Benjamín forsætisráðherra Ísraels) Netanyahu sé enn að leggja hindranir í vegi fyrir því að ná samkomulagi,“ sagði Hamas leiðtogi í samtali við BBC. Í yfirlýsingunni er Netanyahu sakaður um að setja ný skilyrði og kröfur með það að markmiði að grafa undan viðleitni sáttasemjara og lengja stríðið.

Biden-stjórnin er að reyna að brúa bil á milli Ísraels og Hamas um eftirlit með landamærastöðvum, halda skrá yfir fjölda og auðkenni ísraelskra gísla og öryggisfanga sem yrðu látnir lausir og framtíðarstjórnar á Gaza. Á föstudag sagði Joe Biden að samningsaðilar væru „nær en nokkru sinni fyrr“ að ná samkomulagi.

Netanyahu hefur krafist þess að leifar herskárra Hamas hryðjuverkasamtaka, gegni engu hlutverki í framtíðinni á Gaza, krafa sem Hamas hefur oft hafnað.

Í yfirlýsingu Hamas segir að nýja tillagan endurspegli skilyrði Netanyahus um að hafna varanlegu vopnahléi og alhliða brotthvarfi Hamas frá Gaza-svæðinu. Netanyahu setti einnig ný skilyrði í fangaskiptaáætluninni, segir í yfirlýsingunni.

Fyrr á sunnudag sagði Netanyahu að Ísrael stæði fast á kröfum sínum. „Við erum að semja, ekki gefa og gefa,“ sagði hann í færslu á samfélagsmiðlum.

אני מעריך את ההבנה שארצות-הברית גילתה לאינטרסים הביטחוניים החיוניים שלנו, תוך כדי המאמצים המשותפים שלנו להביא לשחרור חטופינו.

ואני מבקש להדגיש: מאמצים לשחרור מקסימום מספר חטופים חיים - כבר בשלב הראשון של העסקה. pic.twitter.com/0TRNXp8ces

— Benjamin Netanyahu - בנימין נתניהו (@netanyahu) August 19, 2024

USA TODAY greinir frá.