Matvæla- og lyfjaeftirlit Bandaríkjanna(FDA) stefnir á að banna notkun á rauðum nr. 3, tilbúnu litarefni sem gefur mat og drykkjum skærrauðan kirsuberjalit en hefur verið tengt við krabbamein í dýrum.

Litarefnið er enn notað í þúsundir matvæla, þar á meðal sælgæti, morgunkorn, kirsuber í ávaxtakokteilum og mjólkurhristingum með jarðarberjabragði, að sögn Center for Science in the Public Interest, málsvarnahópur fyrir matvælaöryggi fór fram á það til stofnunarinnar árið 2022 að hætta notkun efnisins.

Ákvörðun FDA markar sigur fyrir hagsmunasamtök neytenda og suma bandaríska löggjafa sem hafa lengi hvatt FDA til að afturkalla samþykki litarefnisins, með því að vitna um að notkun þess í drykkjum, fæðubótarefnum, morgunkorni og sælgæti geti valdið krabbameini og haft áhrif á hegðun barna .

Matvælaframleiðendur munu hafa frest til 15. janúar 2027 til að endurskipuleggja vörur sínar. Fyrirtæki sem framleiða lyf sem eru tekin inn, eins og fæðubótarefni, fá eitt ár til viðbótar.

„FDA getur ekki heimilað matvælaaukefni eða litaaukefni ef það hefur reynst valda krabbameini í mönnum eða dýrum,“ sagði Jim Jones, aðstoðarforstjóri matvælaeftirlitsins, í yfirlýsingu. "Sönnunargögn sýna krabbamein í karlkyns rottum á rannsóknarstofu sem verða fyrir miklu magni af FD&C Red No. 3."

Hvað er rautt litarefni nr. 3?

Rauður litur nr. 3, samþykktur til notkunar í matvæli árið 1907, er gerður úr jarðolíu.

FDA varð fyrst var við að litarefnið væri hugsanlega krabbameinsvaldandi eftir rannsókn á níunda áratugnum sem fann æxli í karlkyns rottum sem fengu efnið í í stórum skömmtum. Stofnunin bannaði aukefnið í snyrtivörum árið 1990.

„Þetta fjarlægir óþarfa hættu úr matvælaframboði Bandaríkjanna og við fögnum þeirri aðgerð, jafnvel þó að hún hefði átt að eiga sér stað fyrir meira en þremur áratugum, sagði Dr. Peter Lurie, forseti Miðstöðvar vísinda í almannaþágu.

Meira um málið má lesa hér.