Tæknirisinn Apple hefur verið sakaður um að hafa útsett notendur fyrir krabbameini í nýrri málsókn gegn fyrirtækinu,  þar sem fullyrt er að apple úrin vinsælu innihaldi mikið magn af eiturefnum sem festast í líkamanum og valda krabbameini.

Perflúoralkýl og pólýflúoralkýl efni (PFAS) eru efni sem eru mikið notuð við framleiðslu allt frá til nonstick pönnum til snyrtivara.

Þau brotna ekki niður í líkamanum eða umhverfinu, þess vegna bera þau heitið "forever chemicals" eða „eilíf eiturefni“ og hafa verið tengd fæðingargöllum, aukinni hættu á krabbameini í blöðruhálskirtli, nýrum, eistum og frjósemisvandamálum.

Málið byggir á nýlegri rannsókn sem prófaði 22 arbandsúr sem keypt voru í Bandaríkjunum frá ýmsum vörumerkjum og komust að því að 15 þeirra innihéldu PFAS efni og sum voru framleidd af tæknirisanum og Apple Watch Nike.

Apple segir að úrin séu framleidd úr flúorelastómer, tilbúnu gúmmíi sem inniheldur flúor, en í málsókninni er því haldið fram að tæknirisinn hafi ranglega leynt þeirri staðreynd að þetta tilbúna gúmmí inniheldur PFAS.

Málið, sem höfðað var á þriðjudag í Norður-umdæmi Kaliforníu, vísar sérstaklega til Sport Band, Ocean Band og Nike Sport Band sem jafnframt er með Nike-merki á Apple úrinu innihaldi mikið magn af PFAS.

Apple Nike úr.

Helstu rök stefnenda eru þau að Apple hafi vísvitandi og viljandi ekki upplýst neytendur hvaða vörur innihalda skaðleg efni, jafnvel í gegnum Apple Watch er markaðssett sem heilsueflandi tæki.

„Apple heldur áfram að fela tilvist PFAS í framleiðslunni og á annan hátt,“ segir í málsgögnum.

„[Apple] hefði getað komið í veg fyrir óeðlilega öryggis- og umhverfisáhættu með tiltækum framleiðsluvalkostum, og að fyrirtækið hafi ekki gert það á meðan það heldur áfram að lofa neytendum heilsu, vellíðan og sjálfbærni. Það er ólöglegt, ósanngjarnt og sviksamlegt samkvæmt neytendaverndarlögum,“ segir ennfremur.

Stefnendur halda því einnig fram að aðgerðir Apple brjóti í bága við lög Kaliforníu um óréttmæta samkeppni, auglýsingar og neytendaréttarbætur og saka fyrirtækið um svik, sviksamlega hvatningu, leyndarmál, rangfærslur, vanrækslu og óréttmæta auðgun.

í málsókninni er farið fram á lögbann til að stöðva sölu á meintum úrum sem innihalda PFAS í fjárhagslegum viðurlögum.

Rannsóknin á PFAS í snjallúrum, sem unnin var af vísindamönnum við Notre Dame háskólann, kemur fram að 21 prósent fullorðinna í Bandaríkjunum er talið nota snjallúr og meðalnotandi notar úrið í 11 klukkustundir á dag.

Daily mail greinir frá.