Nýnasisti breytir kynskráningu: nú skal fara eftir konum- eins og hver annar veiðimaður

frettinErlent, Helga Dögg Sverrisdóttir, TransmálLeave a Comment

Sven Liebich og Josefine Barbaric.

Helga Dögg Sverrisdóttir skrifar:

Í Þýskalandi hefur maður, nýnasisti, sem breytti kynskráningu sinni hafið veiðar á konum. Hann ætlar að veiða þær í net dómstóla. Undrast má að trans-hreyfingar víða um heim mótmæli ekki svona hegðun og afneiti þessum körlum sem haga sér svona. Trans-hreyfingar hafa tapað virðingu sinni þegar miskunnarlausu ofbeldi er beitt af aðgerðasinnum. Ljóst er, það þarf einn Trump til Þýskalands.

Skilgreindi sig sem konu

Alræmdur nýnasisti í Þýskalandi tilkynnti um „kynskipti“ sín og eltir nú konur sem „miskynja" hann samkvæmt nýjum lögum um sjálfsauðkenningu. Sven Liebich, sem gengur undir nafninu „Maria-Svenja" í daga er dæmdur glæpamaður með sögu um ofbeldi og „hvatningu til þjóðernis- og kynþáttahaturs."

Liebich skilgreindi sig sem konu árið 2024. Vitneskjan á uppgötvun nýju kynvitundar hans vakti athygli alríkisskrifstofunnar sem verndar réttindi borgara samkvæmt stjórnarskránni í sambandsríkinu Saxlandi-Anhalt. Embættið staðfesti við BILD að þeim hefði verið tilkynnt um breytingarnar í desember 2024, eftir að hafa fylgst með Liebich í mörg ár vegna þátttöku hans í öfgahópum.

Samkvæmt Mitteldeutsche Zeitung voru kynjabreytingar Liebich afgreiddar á skráningarskrifstofunni í borginni Schkeuditz í Saxlandi og hafa verið opinberar síðan í desember. En Liebich hefur ekki breytt ytra útliti sínu og lítur út eins og karlmaður. Þegar Liebich var spurður út í þetta hélt hann því fram að það væri vegna ótta við mismunun.

Sven Liebich heitir nú Maria Svenja.

Hann spilar á lögin eins og píanó

Frá því að Liebich skilgreidi sig sem „konu" virðist hann hafa nýtt sér nýlega lög í Þýskalands um sjálfsauðkenningu kynjanna, sem tók gildi í 1. nóvember 2024 og kveða á um hörð viðurlög fyrir „mismunun."

Lögin eru þekkt sem sjálfsákvörðunarlögin. Þau slökuðu verulega á kröfunum vilji menn ,,skipta um kyn.“ Lögin leggja áherslu á háa sektir fyrir þá sem gerast sekir um að koma ekki fram við hið sjálflýsta kyn með viðeigandi hætti.

Þessi löggjöf, einnig þekkt sem sjálfsákvörðunarlögin, slakaði verulega á kröfum um breytingu á löglegri kynskráningu. 

Liebich fer nú fram á skaðabætur vegna „mismununar" frá fólki sem skilgreinir hann réttilega sem líffræðilegan karlmann. Eitt af skotmörkum hans, Josefine Barbaric, er formaður Nein, lass das! e.V. (Nei, ekki gera það!), samtaka sem helga sig því að vernda börn gegn kynferðisofbeldi.

Þegar hún heyrði um „kynskipti“ Liebich fór Barbaric á Instagram og fjallaði um afleiðingar sjálfsákvörðunarlaganna og lýsti áhyggjum af því að ofbeldisfullir karlmenn hafi nú möguleika á að biðja um betrun í kvennafangelsum.

Barbaric hefur nú fengið bréf frá lögfræðingum Liebich þar sem þess er krafist að hún fjarlægi Instagram færslu sína og hætti að nota karlkyns fornöfn um hann. Liebich fer fram á 15.000 evrur í bætur frá Barbaric, ásamt því að standa straum af kostnaði við lögfræðiaðstoð sína.

Reduxx hefur bréf undir höndum

Í bréfinu er vísað til Liebich sem „fröken Marla-Sven Liebich." Þar kemur fram að Barbaric hafi ,,brotið gegn lögfestu upplýsingabanni samkvæmt 13. mgr. sjálfsákvörðunarlaganna sem og persónulegum réttindum skjólstæðings" með því að vísa ,,ranglega" til Liebich með karlkyns fornöfnum.

Í bréfinu segir enn fremur að það að afhjúpa fyrrverandi kyn og nafn feli í sér ,,alvarleg brot á friðhelgi einkalífs Liebich," sem leiðir til „opinberrar niðurlægingar" og „verulegs andlegs álags." Þeir halda því fram að Instagram-færsla Barbaric hafi vakið ,,tilfinningar um mismunun, niðurlægingu og mannorðsskaða" fyrir Liebich.

Lögfræðiteymi Liebich gaf  Barbaric frest til 24. janúar til að greiða 15.000 evrur í bætur fyrir vanlíðan sem hún olli, auk 1.375,88 evra í lögfræðikostnað. Barbaric hefur einnig verið skipað að skrifa undir yfirlýsingu sem myndi veita Liebich rétt til að innheimta 10.000 evra sekt frá henni ef hún myndi einhvern tímann miskynja hann í framtíðinni.

Ef Barbaric verður ekki við öllum þessum kröfum munu lögfræðingar Liebich leita lögbanns á hana fyrir dómstólum.

Trans-aðgerðasinnar með í spilinu?

Í samtali við Reduxx velti Barbaric því fyrir sér hvort að trans aðgerðasinnar hafi tilkynnt hana til Liebich, þar sem þeir beina reglulega spjótum sínum að henni fyrir að gagnrýna sjálfsákvörðunarlögin.

Barbaric hefur talað gegn lögunum sem sérfræðingur í verndun barna og bendir á að rétt skilgreining á líffræðilegu kyni sé mikilvæg í starfi hennar þar sem barnaníðingar hafa skýrar kynhneigðir til fórnarlamba sinna. Barbaric hefur sagt að líffræðilegt kyn sé hluti af ,,paraphilic“ kynlífsröskun barnaníðinga.

Barbaric er virtur talsmaður barna og hefur meira að segja gefið út fræðslubók sem lögregla og embættismenn mæla með til að hjálpa börnum að þróa sjálfstraust til að setja mörk í kringum eigin líkama.

„Ég læt ekki þagga niður í mér. Rödd okkar er fyrir börnin. Þetta mál sýnir að í Þýskalandi er hið óeðlilega orðið norm. Sameiginlegar blekkingar og hugmyndafræðileg brenglun stuðla ekki að vernd barna og kvenna í Þýskalandi; í raun ná þeir hinu gagnstæða," sagði Barbaric við Reduxx. 

Þrátt fyrir að hann fari nú fram á skaðabætur vegna mismununar, er Liebich ákærður fyrir hvatningu og ærumeiðingar í öðru sakamáli. Í ágúst síðastliðnum var hann dæmdur í eins árs og sex mánaða fangelsi án skilorðs fyrir glæpina, en hann mótmælir dómnum við héraðsdóm í Leipzig.

Ef Liebich verður sendur í fangelsi hefur hann lýst því yfir að hann muni sækjast eftir því að vera vistaður í kvennafangelsi.

Lögin gera konum og börn erfitt fyrir

Róttæk lög um sjálfsauðkenningu í Þýskalandi gerir það erfiðara að koma í veg fyrir að karlar, jafnvel þeir sem eru dæmdir fyrir alvarlega glæpi, séu vistaðir í kvennafangelsi.

Áður en lögin tóku gildi varaði hinn þekkti verjandi Udo Vetter NiUS við því að aðeins væri hægt að gera undantekningar ef þær væru vel rökstuddar, til að koma í veg fyrir flutning eftir að karlmaður lýsti því yfir að hann væri ,,kvenkyns." Sönnunarbyrðin fyrir því að hafna slíku framsali liggur hjá ríkinu og er aðeins hægt að tryggja með dómskipuðum sérfræðingum í málum sem varða mjög alvarlega glæpi.

Karlar í kvennafangelsum

Nýleg skýrsla Die Welt leiddi í ljós að fjöldi trans-skilgreindra karlfanga, sem sitja í fangelsi víðs vegar um Þýskaland, hafa ítrekað beitt kvenkyns fanga og starfsfólki fangelsa kynferðisofbeldi og áreitt.

Í Vechta, kvennafangelsi í Neðra-Saxlandi, var tilkynnt um þrjú kynferðisbrot á árunum 2023 til 2024 af sama karlmanni, sem skilgreinir sig sem konu. Þrátt fyrir að umræddur maður hafi ekki verið nafngreindur er vitað að hann var sakfelldur fyrir vörslu mynda af kynferðislegri misnotkun á börnum.

Erfitt er að fá yfirgripsmikil gögn um málin sem varðar karla, sem skilgreina sig sem konur, og sitja í kvennafangelsum. 

Heimildina má lesa hér.

Skildu eftir skilaboð