Helga Dögg Sverrisdóttir skrifar:
Þrjár litar stúlkur voru stungnar til dauða í sumarbúðum á Englandi. Þær ætluðu að danska við tónlist Taylor Swifts. Bede var 6 ára, Elsie og Alice voru báðar 9 ára. Átta börn til viðbótar og tveir fullorðnir særðust alvarlega. Atburðurinn átti sér stað 29. júlí 2024.
Handtekinn og dæmdur
Axel Rudakubana, 18 ára drengur var handtekinn fyrir verknaðinn. Hann var dæmdur fyrir morðin. Samtals fékk hann 52 ára fangelsisdóm en þar sem hann var bara 17 ára þegar hann framdi morðin er refsingin vægari en ella.
Í kjölfar morðanna voru fjöldamótmæli haldin í Englandi. Það mátti skilja svo að Rudakubana væri nýkominn til Englands og hann byggi í flóttamannabúðum. En það var ekki rétt. Foreldrar hans komu frá Rúganda. Hann sjálfur er fæddur í Englandi.
Axel Rudakubana.
Mótmælin sköpuðu umræður
Talið er að fjöldamótmælin hafi haft áhrif á að umræðu um yfirhylmingu stjórnmálamanna og yfirvalda, m.a. að þau hafi hylmt yfir staðreyndum um gerandann.
Fyrst fékk lýðurinn að vita að morðin tengdust ekki hryðjuverkum. Lögreglan og önnur yfirvöld þekktu ekki til hans var sagt. En það var ekki sannleikurinn. Síðar kom ýmislegt fram. Mikilvægum upplýsingum var haldið frá almenningi í þó nokkurn tíma. Yfirvöld þekktu hann mjög vel.
Ekki eins saklaus og yfirvöld vildu vera láta
Rudakubana hafði þrisvar tekið þátt í svokölluðu Prevent-verkefni á vegum yfirvalda gegn hryðjuverkum. Með öðrum orðum, áætlun til að koma í veg fyrir hryðjuverk. Siðar kom í ljós að drengurinn hafði búið til eitrið ricin, sem getur drepið fólk.
Síðar fannst í fórum hans fannst hryðjuverkahandbók frá Al-Qaeda: Military Studies in the Jihad Against the Tyrants: The Al-Qaeda Training Manual. Mynd af honum fullorðnum var birt seint og um síðir. Yfirvöld birtu skólamynd af honum, sem barn.
Vegna þessa hafa stjórnvöld verið gagnrýnd, fyrir að halda upplýsingum leyndum. Gagnrýnin beinist líka að forsætisráðherranum Keir Stamer.
Forsætisráðherra í vanda
Starmer fékk að vita hvað fannst hjá Rudakubana. En almenningur fékk ekki upplýsingarnar sem hélt að hér væri á ferðinni drengur í andlegum vanda og án tengsla við hryðjuverka skrifar The Sun.
Þeir sem spurðu krefjandi spurninga, um hvort þetta væru réttmætar upplýsingar frá yfirvöldum, voru sakaðir um að sá vantraustfræjum gegn stjórnvöldum. Einn af þeim sem lentu í þessu var hægri stjórnmálamaðurinn Nigel Farage.
UnHerd skrifar: ,,Þegar Nigel Farage skynjaði að eitthvað skuggalegt væri í gangi í meðhöndlun stjórnvalda á fjöldamorðunum í Southport í júlí síðastliðnum, þegar Axel Rudakubana myrti þrjár ungar stúlkur í danstíma með Taylor-Swift-þema, var hann víða áminntur fyrir að dreifa röngum upplýsingum sem hjálpuðu til við að kveikja óeirðirnar sem fylgdu í kjölfarið."
Yfirvöld vörðu sig með að stundum neyðist þau til að halda upplýsingum leyndum vegna rannsóknar málsins. Að auki telja yfirvöld að Rukadabana sé ekki hryðjuverkamaður í þeim skilningi.
Keir Starmer, lögreglan og önnur yfirvöld hafa reynt að hrekja fullyrðingar um að þeir hafi hylmt yfir sannleikann um Rudakabana. En almenningur trúir þeim ekki.
Nigel Farage hefur endurnefnt forsætisráðherrann, Cover-up-Starmer.
Starmer segir nú að hann vilji breyta lögunum þannig að hægt sé að dæma 17 ára einstakling í lífstíðarfangelsi. Rudakubana vantaði nokkra daga í að vera 18 ára þegar hann drap stúlkurnar ( The Times).
Starmer gæti breytt innflytjendalögunum, en það gerir hann ekki.
Keir Starmer.
Trúverðugleikinn minnkar
Trúverðugleiki stjórnmálamanna og yfirvalda hefur minnkað til muna í Bretlandi.
Hin fjölmörgu ,,grooming“ mál hafa haft afleiðingar. Málin þar sem pakistanskir karlmenn misnotuðu stúlkur, í nokkrum borgum, til fjölda ára er eitt þeirra. Undanfarið hefur mikill fjöldi pakistanskra karlmanna verið dæmdir fyrir kynferðislegt ofbeldi á enskum stúlkum sem stóðu illa félagslega.
En þeir voru fyrst dæmir eftir margra ára yfirhylmingu. Og enn er óvíst hvort yfirvöld kafi nógu djúpt í þessi óhugnanlegu mál.
Þrátt fyrir að Rukadabana sé sakaður um að brjóta hryðjuverklög eru morðin ekki talin hryðjuverkatengd. Saksóknari hvatti almenning til að geta sér ekki til um hvatir Rudakubana á netinu og á samfélagsmiðlum og bætti við að hinn grunaði ætti ,,rétt á sanngjörnum réttarhöldum.“ Þetta ferli er enn ein afleiðingin af stjórnlausum fjöldainnflutningi.
Margir hafa tjáð sig um mál drengsins á samfélagsmiðlum. Ljóst að dómari ætlar sér að taka hart á því, harðar en hann dæmir barnaníðinga. Það má spyrja sig á hvaða vegferð dómskerfið er.
Innflytjendastraumur til Bretlands hefur verið gríðarlegur í áratugi sem hefur haft neikvæðar afleiðingar fyrir breskt samfélag. Stórar borgir hafa ekki breskan meirihluta eins og er. Glæpir aukast gríðarlega, íslamsvæðing er hömlulaus og grefur undan breskum stofnunum.
Þetta ástand hefur leyst úr læðingi mikla reiði hjá stórum hluta íbúanna. Og þessi reiði birtist þegar hamingjusamar litlar stúlkur eru stungnar til bana.
Í stað þess að gera eitthvað áhrifaríkt vegna afleiðinganna, þá þegja yfirvöld um staðreyndir.
Þetta er virkilega hættuleg þróun.