Leyniskjöl frá þýsku heilbrigðisstofnuninni sýna að háttsettir embættismenn vissu að tilraunabóluefnin voru hættuleg en mæltu þrátt fyrir það með bólusetningarskyldu.

23. júlí birti fréttakonan Aya Velázquez óyfirstrikaðar fundargerðir frá þýsku Robert Koch stofnuninni (RKI, svipað og Landlæknisembættið á Íslandi) þar sem greint er frá fundum þeirra um kórónuveirufaraldurinn á árunum 2020 til 2023. Velázquez sagði að hún hefði fengið óyfirstrikaðar skýrslur frá uppljóstrara sem áður starfaði hjá RKI. Hluti af „RKI skjölunum“ var birtur í mars, eftir að RKI var neytt til að birta skýrslurnar vegna málaferla. En margir mikilvægir hlutar skjalanna höfðu verið yfirstrikaðir.

Vissu um alvarlegar aukaverkanir

Velázquez greinir frá því að óyfirstrikaðar skýrslur sýni „að RKI mælti því miður með bæði stofnana- og almennri bólusetningarskyldu þrátt fyrir að vita að bóluefnin veittu ekki vörn gegn smiti og hefðu alvarlegar aukaverkanir.“

„Faraldur óbólusettra“ uppspuni og ekki byggð á staðreyndum

Fundargerð frá 5. nóvember 2021 sýnir að hugmyndin um „faraldur óbólusettra“ sem stjórnmálamenn og fjölmiðlar töluðu um var uppspuni og ekki byggð á staðreyndum.

„Fjölmiðlar tala um faraldur óbólusettra,“ segir í fundargerðinni. 

Alhæfingin er röng, „þetta var sett fram sem hvatning til allra óbólusettra að láta bólusetja sig.“

Heilbrigðisráðherrann fór viljandi með rangt mál

Það segir líka að heilbrigðisráðherrann „hafi sagt þetta á blaðamannafundi, líklega viljandi, og hafi ekki leiðrétt rangfærslurnar.“

Haustið og veturinn 2021 og snemma 2022 notuðu þýskir stjórnmálamenn oft orðið „faraldur óbólusettra“ til að kenna þeim sem neituðu að taka tilraunabóluefnin um faraldurinn og allar kórónuaðgerðir. Stjórnvöld notuðu þetta líka til að banna óbólusettum að taka þátt í samfélaginu og var notað sem einskonar þvingunaraðgerðir til að koma fólki í tilraunabólusetninguna. Fólk missti ákveðin störf, fengu ekki að fara inn á veitingastaði, versla í búðum og margt fleira.

Frank Ulrich Montgomery, þýskur röntgenlæknir og formaður Alþjóðalæknasamtakanna, talaði meira að segja um „harðstjórn óbólusettra“ og stóð við þau orð ári síðar.

Þýska Epoch Times sagði að á þessum tíma hefðu óbólusettir „upplifað útilokun sem á sér enga hliðstæðu í sögu Sambandslýðveldisins Þýskalands.“

Vissu af blóðtöppum sem „bóluefnið“ olli

Á blaðamannafundinum sagði prófessor Stefan Homburg að færsla í skjölunum frá 19. mars 2021 sýndi að RKI vissi þegar að AstraZeneca bóluefnið hafði valdið nokkrum tilfellum af blóðtappa í heilaæðum, aðeins 11 vikum eftir að bólusetningar hófust.

Homburg er prófessor í hagfræði sem var yfir fjármáladeild Leibniz háskólans í Hannover og varð einn þekktasti gagnrýnandi kórónuaðgerða í Þýskalandi.

Homburg sagði líka að RKI skjölin sýndu að RKI og Paul Ehrlich stofnunin (PEI) hefðu viljandi gefið rangar upplýsingar fyrir dómi, til dæmis með þeim rökum að verja þýska hermenn gegn smiti. „Þannig væri hægt að kæra þau fyrir dómi fyrir rangan vitnisburð með tilvísun í þessar fundargerðir,“ sagði Homburg.

Almenningur blekktur

Miðað við gögnin sagði Homburg að hægt væri að lýsa heildarástandinu sem „blekkingu við almenning.“

Hann sagði við Epoch Times að „yfirvöld hefðu viljandi blekkt almenning í mörg ár að skipun stjórnmálamanna.“

Blaðamaðurinn Bastian Barucker sagði við Epoch Times að skjölin sýndu að þegar heilbrigðisráðherrann Jens Spahn tilkynnti um skólalokanir í nóvember 2021 „hafði RKI lengi vitað að þetta var ekki byggt á neinum vísindum.“

Afleiðingar samkomutakmarkana verri en kóvid sjálft

Í hluta af RKI skjölunum sem voru þegar birtir í mars sýnir fundargerð frá 11. janúar 2023 að RKI vissi að samkomutakmarkanir gerðu meiri skaða en gagn. „Afleiðingar samkomutakmarkana eru stundum verri en kóvid sjálft,“ segir í skjalinu.

Í lok blaðamannafundarins sagði Velázquez: „RKI skýrslurnar sanna það að kórónustefna okkar byggðist ekki á skynsamlegum, vísindalegum forsendum.“

„Margar pólitískar ákvarðanir, eins og 2 metra reglan og að fólk mátti aðeins taka fullan þátt í samfélaginu ef það var bólusett eða búið að veikjast, bólusetningarskylda fyrir ákveðnar stofnanir og áætluð almenn bólusetningarskylda, eða bólusetning barna, voru hreinar pólitískar ákvarðanir, RKI sem er stofnun fylgdi fyrirmælum og gaf ímyndað vísindalegt lögmæti,“ segir blaðamaðurinn.

Wir beenden das Drama um die Schwärzungen der #RKIProtokolle an dieser Stelle. Hier kommt der komplette Datensatz aller Sitzungsprotokolle des @rki_de-Krisenstabs, von 2020 bis 2023, ungeschwärzt, inklusive 10 GB Zusatzmaterial:https://t.co/EAhOHF4lSo

Ein/e Whistleblower/in,… pic.twitter.com/lledRjeyCM

— Aya Velázquez (@aya_velazquez) July 23, 2024