Margrét Ósk enn veik eftir bólusetningu – ,,er með allskonar furðuleg einkenni og sjúkdóma“

[email protected]Innlent1 Comment

Margrét Ósk Guðbergsdóttir er 36 ára þroskaþjálfi og þriggja barna móðir. Hún fékk AstraZeneca bóluefnið 17. febrúar sl. Það mætti segja að hún hafi fengið alla heimsins kvilla sem mögulega er hægt að fá eftir einn skammt af bóluefni. Hún var áður í toppformi, fór reglulega í líkamsrækt,  hugsaði vel um heilsuna og var nánast aldrei lasin. Hún bíður nú eftir að komast í endurhæfingu á Reykjalundi.

Fékk astmapúst en var ekki með astma

Næstum ári síðar er hún enn alltaf veik og getur ekki gengið langt án þess að verða lafmóð. ,,Ég reyni allt sem ég get til að byggja upp þolið og það hefur kannski aukist um 20% frá því í byrjun, þegar ég var sem verst. Ég syndi tvær ferðir og er algjörlega búin á því. Læknar töldu mig vera með astma og ég fékk astmapúst en síðan kom í ljós að þetta var ekki astmi. Ég var send í blásturspróf og þá kom í ljós að ég næ hvorki að anda að mér nægu súrefni, né anda frá mér nægilega vel.

Lá 14 vikur í rúminu í kuldakasti

„Í 14 vikur lá ég í rúminu með regluleg kuldaköst og gat ekkert unnið. Um það bil þremur mánuðum síðar fékk ég boð um að koma í seinni sprautuna. Ég gat ekki hugsað mér að fara og fór til læknis sem ráðlagði mér að fara ekki. Ég var aldrei send í rannsókn en óskaði eftir röntgenmynd af lungunum sem ég fékk. Þá voru mér gefin mjög sterk lyf við svokallaðri kaldri lungnabólgu. Dæmi um hversu lasin ég var í byrjun: ég átti í erfiðleikum með að ganga upp tröppurnar til dagmömmunnar, náði varla andanum og hélt bara að ég væri að deyja.

„Ég fann um leið og ég var sprautuð fyrir stirðleika upp í háls og höfuð og varð strax fárveik um kvöldið, fékk 40 stiga hita og lá í móki í tvo sólarhringa. Ég þurfti að skríða fram úr rúminu til að sækja verkjatöflur. Þetta kom mér svo á óvart, ég hef oft fengið flensusprautur, aðallega út af vinnunni, en hef aldrei orðið veik af þeim og er manneskja sem verð aldrei veik, fyrr en nú.

„Eftir tvo sólarhringa fór hitinn að lækka og þá kom óbærilegur höfuðverkur, versti höfuðverkur sem ég á ævinni fengið. Þessu fylgdi skert sjón, svimi, ógleði, magakrampi og ótrúlega vondir tauga-og vöðvaverkir. Mér var illt alls staðar í líkamanum og þannig er ég enn, eins og líkaminn sé fullur af bólgum. Í dag er ég aðeins betri í skrokknum en glími nú líka við minnisleysi og heilaþoku og man t.d. stundum ekki hvernig ýmis orð eru skrifuð, nokkuð sem ég var aldrei í vandræðum með.

„En hugsaði alltaf, þetta hlýtur að lagast enda er ég mjög bjartsýn að eðlisfari, og fór ekki til læknis fyrr en 6-7 vikum eftir sprautuna. Læknirinn lét mig fylla út lista með einkennunum og áður en ég gat lokið því spurði hann: „og hefurðu verið með svima og ógleði? ... þannig að það hafa greinilega fleiri komið og lýst sömu einkennunum eftir sprauturnar, sagði Margrét.

Tíðarhringurinn breyttist og komin með vefjagigt

„Þessu til viðbótar urðu breytingar á tíðarhringnum, ég er núna aðeins með blæðingar í tvo daga í senn með miklum verkjum rétt áður en þær byrja og í kringum egglos. Þannig var ég ekki áður, aldrei með verki og blæðingarnar stóðu yfir í 4-5 daga. Og mér líður eins og ég sé með miklar hormónabreytingar, er ýmist kalt eða funheitt.

„Ég er líka komin með vefjagigt og fæ „rafstraum“ í handleggi og fótleggi, er með höfuðverk nánast daglega, það eina sem slær á höfuðverkinn eru TREO verkjatöflur. Ég er alltaf kvefuð og fæ allar pestir sem eru að ganga.

Missti föður sinn stuttu eftir örvunarbólusetningu

Faðir Margrétar, Guðbergur Guðnason, veiktist líka eftir AstraZeneca bólusetningu. Hann fékk fljótlega í lungun og var lasinn í margar vikur. Margrét, með öll sín veikindi eftir eina Covid sprautu, segist hafa grátbeðið föður sinn að fara ekki í örvunarsprautuna, „en hann sagðist því miður treysta Þórólfi og læknunum, sagði Margrét.

„Ónæmiskerfið hans var bælt og virtist ekki hafa þolað sprautuna. Hann fékk blóðtappa í lungu og fótinn, 40 stiga hita og þrjár tegundir sýkinga. Líffærin byrjuðu svo að gefa sig hvert à fætur öðru. Hann lést á gjörgæsludeild Landspítalans 10. desember sl.

Helstu fjölmiðlar sögðu hann hafa látist af Covid.

Fréttin vill segja sögur af fólki sem glímir við aukaverkanir eftir Covid bólusetningar þar sem mikil þöggun ríkir um málið, upplýsingar á [email protected]

One Comment on “Margrét Ósk enn veik eftir bólusetningu – ,,er með allskonar furðuleg einkenni og sjúkdóma“”

  1. Líf fjölskyldu í rústum eftir þetta eitur, takk fyrir að segja þína sögu. Aukaverkanna listinn telur orðið þúsundir manns á Íslandi, samt er haldið áfram að sprauta og verja verstu svokölluð bóluefni fyrr og síðar. Þetta er keimlikt áróðrinum sem keyrður var af nasistum, kom svo að því að ómögulegt var að keyra lygarnar lengur þar sem það var orðið öllum ljóst og heilaþvegnum þjóðverjum að stríðið er tapað og fórna átti heillri þjóð áður en gefist yrði upp. Uppgjörið mun vera svakalegt bæði hérna og út um allan heim. Réttlæti verður sótt fyrir fólkið, það verður engin undankomuleið.

Skildu eftir svar

Netfang þitt verður ekki birt.