Norska ríkisútvarpið(NRK) viðurkennir nú það sem lengi hefur verið vitað, þ.e. að hin svokölluðu bóluefni geti valdið alvarlegu heilsutjóni.

NRK Nyhetsmorgen fjallaði þann 16. september 2024 um mikilvæga skýrslu frá prófessor Elling Ulvestad:

Covid bóluefnin geta valdið vitrænni skerðingu og langvarandi þreytu. Við vitum ekki hvers vegna slík vandamál eru viðvarandi, segir í Nyhetsmorgen.

Auðvitað vitum við það margir sem hafa varað við og látið vita. Þau voru höfð að fífli. En hin sönnu fórnarlömb eru sem hafa hlotið bóluefnaskaða, segir á norska miðlinum Steigan.no.

Ulvestad er prófessor við háskólann í Bergen og sérfræðingur í ónæmisfræði og blóðgjafalyfjum. Hann er einnig deildarstjóri á örverufræðideild Haukeland háskólasjúkrahússins.

Fyrir hönd norska hjúkrunarfræðingafélagsins (NSF) skoðaði hann í sumar rannsóknir á Covid „bóluefnunum“ þeim þremur sem notuð voru í Noregi: AstraZeneca, Pfizer og Moderna.

Forsaga verkefnisins er sú að NSF hefur aðstoðað 30-40 hjúkrunarfræðinga sem telja sig hafa skaðast af völdum efnisins. Nánast enginn þeirra hefur náð árangri í skaðabótakröfum sínum um norsku sjúkratryggingarnar (NPE), skrifar fagtímaritið Sykepleien.

NSF telur að viðmiðin sem NPE hefur sett fyrir móttöku bóta séu of ströng. Þeir báðu því Ulvestad að kanna hvað rannsóknirnar segja um tengsl bóluefnisins og aukaverkana.

Ulvestad hefur því komist að þeirri niðurstöðu að það sé vísindalegur grundvöllur fyrir því, að um beint orsakasamhengi sé að ræða.

- Nokkrar ritrýndar rannsóknir hafa leitt í ljós að tengsl eru á milli Covid bóluefnanna og aukaverkana eins og þreytu, heilaþoku, höfuðverk, vitsmunalegrar skerðingar og vöðvavandamála, segir Elling Ulvestad við BA.

Miðilinn hefur ekki enn viljað ræða stóru málin

Í öllu Covid-æðinu virkaði NRK sem bergmálshellir fyrir Covid aðgerðirnar, þar sem algert sturlunarástand ríkti. Það var aldrei spurning um að safna mikilvægum upplýsingum eða efast um opinberar skilgreiningar. Það var verið að hræða fólk með algerri múgsefjun og fagna neyðarástandi, farbanni og ólögum sem náði út fyrir allt.

NRK viðurkennir nú að ástandið var algert ófremdarástand, en viðurkennir þó aðeins smá sneið af hryllingnum, hugsanlega til að koma í veg fyrir að slíkar hörmungar endurtaki sig.

Miðilinn hefur ekki enn viljað ræða stóru málin, þ.e. öll dauðsföllin sem urði í kjölfar fjöldabólusetningar.

Að þessu sögðu hefur norska hjúkrunarfræðingafélagið líka gagnrýnt harkalega að félagsmenn voru neyddir til að láta bólusetja sig með efninu.

Steigan greinir frá.