Íris Erlingsdóttir skrifar:

Donald Trump Bandaríkjaforseti undirritaði í gær framkvæmdavaldsskipun sem bannar notkun lyfja og skurðaðgerða til að framkvæma kynferðislegar limlestingar á börnum og ungmennum. Þessar aðgerðir eru þekktar meðal framsækinna hugmyndafræðinga sem "kynstaðfestandi heilbrigðisþjónusta."  

Lögin munu skera niður fjárframlög til sjúkrastofnana sem bjóða ólögráða börnum upp á kynþroskahemla, hormónameðferðir og skurðaðgerðir.

„Um allt land eru læknar að limlesta og gera ófrjó fjölda áhrifagjarnra barna og halda fram þeim róttæku og fölsku fullyrðingum að fullorðnir geti breytt kyni barns með röð varanlegra læknisaðgerða. Þessi hættulega þróun verður smánarblettur á sögu þjóðar okkar og henni verður að ljúka," sagði Trump. 

„Fjölmörg börn sjá fljótt eftir því að hafa verið limlest og byrja að átta sig á þeim skelfilega harmleik að þau munu aldrei geta eignast eigin börn eða alið börn sín á brjósti. Þar að auki horfa þessi viðkvæmu ungmenni fram á síhækkandi lækniskostnað vegna ævilangra hliðarverkana og alvarlegra afleiðinga skurðaðgerða ...  tapað stríð við eigin líkama og, hörmulega, ófrjósemi," bætti hann við. 

„Samkvæmt því er það stefna Bandaríkjanna að þau munu ekki fjármagna, styrkja, stuðla að, aðstoða eða styðja svokölluð „kynskipti" barns frá einu kyni til annars, og þau munu stranglega framfylgja öllum lögum sem banna eða takmarka þessar stórskaðlegu og lífsbreytandi aðgerðir."

Samtökin 22 fagna nýrri tilskipun

Samtökin 22 – Hagsmunasamtök samkynhneigðra hafa sent frá sér yfirlýsingu þar sem þau fagna nýrri tilskipun Donald J. Trump, Bandaríkjaforseta, um „Vernd barna gegn afskræmingum með lyfjum og skurðaðgerðum“: