Ursula von der Leyen hefur formlega verið tilnefnd forseti framkvæmdastjórnar Evrópusambandsins næstu fimm árin.

Leiðtogar Evrópusambandsríkja kusu um æðstu embætti sambandsins í Brussel í gærkvöldi.

Antonio Costa, fyrrverandi forsætisráðherra Portúgals, er tilnefndur í embætti forseta Evrópuráðsins og Kaja Kallas, núverandi forsætisráðherra Eistlands, verði utanríkisráðherra sambandsins.

Öll eru þau úr bandalagi miðjuflokka sem fara með meirihluta á Evrópuþinginu eftir kosningarnar í byrjun júní.

Meirihluti Evrópuþingsins þarf að staðfesta niðurstöðuna áður en þremenningarnir taka formlega við embættunum.