Hamas hryðjuverkasamtökin munu sleppa gíslum í dag eftir að samkomulag náðist um vopnahlé. Gíslarnir hafa verið í haldi samtakanna í rúmlega 15 mánuði, 39 gíslar hafa látist á tímabilinu.

Það eru þær Romi Gonen, Emily Damari og Doron Steinbrecher sem verður fyrst sleppt úr haldi samtakanna, en samkomulagið kveður einnig á um að öllum konum verði sleppt, ásamt börnum undir 15 ára og fullorðnum yfir 55 ára.

Trump fagnar lausn gíslaanna og segir: „Þrjár dásamlegar ungar konur verða fyrstar,“ skrifar Trump á samfélagsmiðil sinn Truth Social.

Bretland fagnar væntanlegri lausn tveggja breskra ríkisborgara, Emily Damari er ein þeirra

Bretar fagna væntanlegri lausn breska-ísraelska gíslsins Emily Damari, eftir að hún var nefnd sem ein af þremur konum sem verða látnar lausar í dag sem hluti af vopnahléssamningi, segir utanríkisráðuneyti Bretlands.

„Breska ríkisstjórnin fagnar þeim fréttum að breski ríkisborgarinn Emily Damari sé á lista yfir gísla sem Hamas mun sleppa í dag. Við erum reiðubúin að styðja hana við lausn hennar,“ segir í yfirlýsingu utanríkisráðuneytisins.

Undirbúningur í gangi fyrir lausn palestínskra fanga

Ísraelska fangelsisþjónustan er að undirbúa lausn fyrstu lotu palestínskra fanga sem er hluti af gísla-vopnahléssamningnum við Hamas, segir talsmaður stofnunarinnar.

„Fangamálastofnun hefur fengið lista yfir öryggisfanga sem búist er við að verði sleppt úr ýmsum fangelsum sem hluti af aðgerðinni „Wings of Freedom“ til að skila gíslunum heim,“ segir í yfirlýsingunni.

Stofnunin hefur ekki enn gefið upp nöfn þeirra 90 fanga sem áætlað er að sleppt verði úr haldi í dag. Fangarnir verða fluttir af Nahshon-deild fangelsisþjónustunnar til Ofer fangelsisins, sem staðsett er á Vesturbakkanum, þar sem fulltrúar Rauða krossins munu bera kennsl á þá. Fangarnir munu bíða í Ofer fangelsinu þar til ísraelskir gíslar hafa verið látnir lausir.

Fjölmiðlar í Ísrael greina frá því að 78 fanganna verði fluttir til Vesturbakkans og 12 til Austur-Jerúsalem.

Föngum sem tilnefndir eru á Vesturbakkanum verður fylgt af Rauða krossinum á tilgreinda staði á yfirráðasvæðinu, en þeir sem eru á leið til Austur-Jerúsalem verður fylgt af IPS til rússnesku fangabúðanna í borginni, þar sem lögreglan mun sleppa þeim.

Mannúðaraðstoð byrjuð að streyma inn á Gaza

Vörubílar sem fluttu mannúðaraðstoð fóru inn á Gaza eftir að vopnahlé milli Ísraels og Hamas tók gildi, að sögn Sameinuðu þjóðanna.

„Fyrstu vörubílar byrjuðu að koma inn“ mínútum eftir að vopnahléið tók gildi í morgun, sagði Jonathan Whittall, bráðabirgðastjóri OCHA hjálparstofnunar SÞ fyrir palestínsk svæði, á X.

„Mikið átak hefur verið í gangi undanfarna daga frá mannúðarsamtökum til að hlaða og undirbúa að dreifa fjölda hjálpargagna um allt Gaza,“ segir talsmaður stofnuninnar.