Ríkisstjórn Bidens er orðin að hrárri fasistastjórn, þar sem stjórnarskrárbundið málfrelsi og mannréttindi eru fótum troðin. Núna þegar styttist óðum í forsetakosningarnar í haust fara múlbundin yfirvöld ráðamann í Hvíta húsinu í herferð til að koma einstaklingum burtu frá valkostamiðlum sem halda uppi gagnrýni á ríkisstjórnina. Kveða á helstu raddirnar í kútinn og síðan fylla fjölmiðla glóbalismans með áróðri gegn Trump, þannig að tryggt sé að stjórnmálalegur boðskapur og gagnrýni repúblikana nái ekki fram að ganga. Hér eru tvö nýjustu dæmin um Steve Bannon og The Epoch Times og einnig greint frá því þriðja með Alex Jones sem vissulega gerði sjálfur mistök sem notuð voru til óhóflegrar fjárkröfu.

1 Biden-stjórnin kærir fjármálastjóra The Epoch Times fyrir „meintan 67 milljóna dollara peningaþvott” 

Damian Williams, dómsmálaráðherra í suðurhluta New York, tilkynnti nýlega um kæru yfirvalda gegn Bill Guan fjármálastjóra íhaldssama fjölmiðlafyrirtækisins The Epoch Times fyrir 67 milljóna dollar alþjóðlegan peningaþvott. Verði Bill Guan, 61, frá Secaucus, New Jersey, fundinn sekur, þá á hann yfir höfði sér allt að 80 ára fangelsi. Bill Guan var handtekinn og færður fyrir héraðsdómara sem tilkynnti honum kæruna.

Epoch Times hefur alla tíð verið þyrnir í augu tæknirisanna eftir að hafa afhjúpað blekkinguna um rússneska samráðið sem logið var upp á Donald Trump. Aðrir miðlar eins og The Gateway Pundit eru einnig undir smásjá fyrir sama hlut. Til dæmis þá bannaði Wikipedia bæði The Epoch Times og The Gateway Pundit fyrir sannar fréttir um Russiagate. The Epoch Times, sem stofnað var af kínverskum flóttamönnum undan ofríki kommúnismans í Kína, hefur verið ritskoðað og áreitt í mörg ár.

2 Dómari sendir Steve Bannon í fangelsi 1. júlí

Slökkt verður á einni bestu fjölmiðlarödd til stuðnings Donald Trump síðustu fjóra mánuðina fyrir forsetakosningarnar, Steve Bannon, sem sendir daglega frá „Stríðsherberginu”

Í málaferlum gegn Bannon neitaði dómari í Washington að áfrýja dómsúrskurðinum og verður Bannon settur í fangelsi 1. júlí n.k. Carl Nichols, héraðsdómari birti úrskurð sinn í síðustu viku og hafnaði beiðni Bannons um frestun refsingar á meðan hann leitast við að fá málið tekið fyrir í Hæstarétti Bandaríkjanna.

Steve Bannon var ráðgjafi Hvíta hússins í stjórnartíð Donald Trumps og er hann sakfelldur fyrir það að hafa neitað að afhenda gögn til yfirvalda sem fóru á eftir stuðningsmönnum Trumps í kjölfar óeirðanna við Bandaríkjaþing 6. janúar 2021.

Bannon neitaði að afhenda 6. janúar nefndinni gögn á grundvelli langvarandi heimilda bandaríska dómsmálaráðuneytisins fyrir ráðgjafa Bandaríkjaforseta. Mike Davis, reglulegur viðmælandi í „Stríðsherbergi“ Bannons sagði í síðasta mánuði:

„Við höfum haft þau stjórnskipunarréttindi í 250 ár frá tíma George Washington, að forsetar geta fengið góð ráð frá ráðgjöfum sínum bæði innan og utan ríkisstjórnarinnar, án þess að eiga það á hættu að þeir verði dregnir fyrir þingið, hvað þá settir í fangelsi.”

 

3 Alex Jones gerður gjaldþrota

Alex Jones stofnandi netmiðilsins Upplýsingastríð – „Infowars” greindi táreygður frá því fyrir rúmri viku að ríkisstjórnin ætlaði að loka fyrirtækinu hans. Samkvæmt Alex gætu útsendarar stjórnarinnar komið og lokað hurðum fyrirtækisins og hann var að spá í hvort hann ætti að sofa í upptökusalnum þá nóttina. Hann verður að selja fyrirtækið og eignir sínar en samkvæmt nýjustu fréttum fær hann að halda heimilinu. Honum var gert að greiða yfir einn milljarð dollara í skaðabætur til foreldra barna í Sandy Hook eftir blóðugustu fjöldamorð í Newtown, Connecticut ár 2012. 20 ára Adam Lanza drap 26 manns og skaut sjálfan sig í höfuðið á eftir. Tuttugu fórnarlambanna voru börn á aldrinum sex til sjö ára gömul

Alex Jones trúði ekki fréttunum fyrst og sagði foreldra barnanna vera að gera upp ástæðu undir fölskum fána til að koma á vopnabanni. Vakti það gríðarlega reiði foreldranna sem kæru hann fyrir rógburð. Jones bað Sandy Hook fjölskyldurnar afsökunar, en það var ekki nóg. Alex Jones sagði í desember 2022:

„Ég viðurkenndi að ég hafði rangt fyrir mér. Ég viðurkenndi að þetta voru mistök. Ég viðurkenndi að ég færði fram rangar upplýsingar en það var ekki gert viljandi. Ég bað fjölskyldurnar afsökunar. Og dómnefndin skildi það. Það sem ég gerði þessum fjölskyldum var rangt. En ég gerði það ekki viljandi.”

Þar sem Alex Jones hefur verið harður gagnrýnandi demókrata, þá sáu þeir tækifærið til að ná sé niður á honum. Voru peningasektirnar langt yfir samanlögðum eigum Jones til að tryggja að hægt væri að slá hann út af laginu sem fjölmiðlamann. Kröfðust lögmenn fjölskyldnanna yfir 2,75 billjóna dollara skaðabóta vegna ummæla Jones en sú upphæð fór niður í einn milljarð dollara á endanum. Engu að síður bætast nýjar fjárkröfur við og eru þær komnar í 1,49 milljarð dollara og öll mál ekki útkljáð enn við alla foreldra barnanna.

[videopress BrHgKTmr]