Útlendingafrumvarp dómsmálaráðherra var samþykkt í atkvæðagreiðslu á Alþingi í morgun. Frumvarpið var samþykkt með 42 atkvæðum. Fimm þingmenn greiddu atkvæði gegn frumvarpinu og tíu sátu hjá í atkvæðagreiðslunni.

Þing­menn Sam­fylk­ing­ar­inn­ar og Viðreisn­ar sátu hjá

Frumvarpið felur í sér fjórar meginbreytingar á núverandi lögum. Hert verður á skilyrðum fjölskyldusameiningar, dvalarleyfistími verður styttur, breytingar gerðar á kærunefnd útlendingamála og afgreiðslu kærumála hraðað.

Þingmenn Sjálfstæðisflokks, Vinstri grænna, Framsóknar, Miðflokksins og Flokks fólksins greiddu atkvæði með frumvarpinu. Þingmenn Viðreisnar og Samfylkingar sátu hjá í atkvæðagreiðslu og þingmenn Pírata greiddu atkvæði gegn frumvarpinu.

„Markmið frumvarpsins eru skýr í þessum mikilvæga málaflokki. Þau eru að samræma okkar löggjöf við löggjöf Norðurlandanna en einnig að taka út úr okkar löggjöf séríslenskar málsmeðferðarreglur,“ sagði Guðrún Hafsteinsdóttir dómsmálaráðherra við upphaf atkvæðagreiðslunnar.