Þorgeir Eyjólfsson skrifar:

Niðurstöður nýlegrar rannsóknar sem birt var í BMJ Public Health leiða líkur að orsakasambandi Covid mRNA bóluefnanna og fjölgun dauðsfalla. Niðurstöðurnar hafa vakið mikla athygli og hafa verið lesnar af fleirum á vef vísindaritsins en nokkrar rannsóknarniðurstöður sem birst hafa í ritinu áður. Kaflaskil urðu í umfjöllun um bóluefnaskaðann þegar breska blaðið Telegraph greindi frá niðurstöðum rannsóknarinnar á forsíðu.

Að vonum koma niðurstöður hollensku vísindamannanna illa við lyfjaframleiðendur og fjárhagslega hagsmuni hluthafa þeirra og því gengur nú maður undir manns hönd við að gera niðurstöður rannsóknarinnar tortryggilegar. Markmiðið er að greinin með niðurstöðum rannsóknarinnar um að full ástæða sé til að skoða nánar samband covid bólusetninganna og umframdauðsfalla verði dregin til baka.

Hér er kunnuglegri aðferðafræði beitt af lyfjaframleiðendum þegar óþægileg tíðindi berast af hættulegum aukaverkunum lyfja. Frægt er þegar tímaritið Lancet dró til baka 12 ára gamla rannsókn árið 2010 sem leiddi sterkar líkur að sambandi MMR bólusetningar (mislingar, hettusótt og rauðir hundar) og einhverfu. Í þessu samhengi er vakin athygli foreldra og heilbrigðisstarfsmanna á nýrri kvikmynd sem fær afbragðsdóma og nefnist Protocol 7 en hún fjallar um baráttu foreldris einhverfs barns við kerfið.

Eftir að hafa kynnst vinnubrögðum og forherðingu lyfjaframleiðenda á liðnum misserum í tengslum við covid bóluefnin er því hér spáð að ekki muni líða 12 ár þar til hollenska rannsóknin í BMJ Public Health verður dregin til baka af tilbúnum ástæðum. Það mun ekki taka nema örfáar vikur að þessu sinni nú þegar lyfjaframleiðendur eru komnir í æfingu við að tryggja þögn stjórnmálamanna, stjórnsýslu og fjölmiðla.

BREAKING FRONT PAGE TELEGRAPH

‘Covid jab may have led to rise in excess deaths’

FINALLY mainstream media acknowledgement in U.K.

We did it 🔥🔥🔥 pic.twitter.com/IohpKStw1V

— Dr Aseem Malhotra (@DrAseemMalhotra) June 4, 2024

Birt með góðfúslegu leyfi höfundar.