Þröstur Jónsson skrifar:
Ógnin í þessu tilfelli er þjóðin sjálf sem lætur mata sig á slíku bulli og með síbylju bullsins verður bullið að sannleika í huga þjóðar.
Tilefni
Í dag fór fram Málþing Varðbergs og utanríkisráðuneytisins um öryggis- og varnarmál á viðsjárverðum tímum. Opnunarræðuna hélt Þorgerður Katrín Gunnarsdóttir (ÞKG) og síðan voru pallborðs-umræður þar
Frá málþinginu
sem hún sat auk fyrrverandi utanríkisráðherra Þórdísar K. R. Gylfadóttur (ÞKRG) og Ingibjargar Sólrúnar Gísladóttur (IGS) einnig fyrrverandi utanríkisráðherra.
ÞKG fór stórum orðum um það ógnvænlega ástand sem nú ríkti í heiminum og talaði fjálglega um hina svo nefndu „sértæku hernaðaraðgerð“ Rússa í Úkraínu, sem innrás í Evrópu rétt eins og Rússar hefðu sent stærstu kjarnorkusprengju í heimi á Berlín. Annars var inngangsræðan litlaus og mest froða um einhverja illa skilgreinda ógn sem hefði aukist stórlega.
„Sjá keisarinn er í engum fötum“
Pallborðsumræðurnar voru enn skrautlegri, þar sem viðmælendur hömruðu á að það yrði að taka samtalið við þjóðina og hafa stjórn á upplýsingaóreiðu. En hvert er það samtal? Ef þetta málþing átti að marka upphaf þess samtals, þá er ljóst að þaðer ekki samtal heldur eintal, þar sem aðeins ein sýn á viðfangsefnið fær að taka þátt. Þarna var enginn talsmaður eða kona þess vaxandi hóps Íslendinga sem sér að rússneska ógnin er eins og keisarinn í engum fötum, það er engin ógn og hefur aldrei verið, nema þá kannski véfréttar-flytjendurnir sjálfir.
Í því samhengi skal bent á að sá miðill sem hefur haft kjark og þor að ræða „keisarann í engum fötum“ er einmitt sá sem ber lesendum sínum þessa grein þ.e. Fréttin. Síðan sá miðill hóf starfsemi aftur á þessu ári færandi lesendum sínum fréttir og greinar af Úkraínu deilunni þvert á sýn „narratívs“ stjórnvalda, hefur fastur lesendahópur miðilsins vaxið úr u.þ.b. 40.000 lesendum á mánuði (sept. 2024) í nær 40.000 lesendur á viku (feb. 2025), nær fjórföldun í fjölda fastra lesenda.
Stutt um upphafið
Þessi miðill hefur margsinnis bent á að vesturlönd undir forystu fyrri stjórnvalda í Bandaríkjunum neyddu Rússa til að grípa til vopna 2022, eftir að allar samningaviðræður voru fullreyndar og þeir búnir að horfa upp á fasista í Úkraínu murka lífið úr löndum sínum í A-Úkraínu allt frá árinu 2014, 150.000 almennra borgara af rússneskum uppruna lágu í valnum. En hér verður ekki orðlengt um upphaf átakanna frekar enda margir aðrir virtir sérfræðingar búnir að útlista það. Hér er einn ef einhver villja kynna sér það betur.
https://www.youtube.com/watch?v=_RNE3X41IvM
Nota bene í þessu tilfelli í heimsókn hjá Evrópuþinginu, því jafnvel þar á bæ eru margir blessunarlega farnir að efast um Evrópska „narratívið“ í þessu máli.
Stjórn fólksins, hvaða fólks?
Valkyrjustjórnin svonefnda hefur haldið á lofti að hún yrði stjórn fólksins. Hvaða fólks? Er það kannski Zelenskyy og böðla hans í Úkraínu sem banna frjálsa fjölmiðlun í landi sínu, ofsækja kirkjuna í landinu, niðurlægja alla þá sem voga sér að gagnrýna stjórnvöld; girða niðrum þá og líma fasta við ljósastaura á götum Kiev, draga drengi allt niður í 18 ára í herinn nauðuga viljuga, og skera þá svo upp þegar þeir eru særðir á vígvellinum og selja úr þeim líffærin. Er þetta fólkið sem valkyrjurnar ætla að vinna fyrir? Það passar jú því að „valkyrja“ er „gyðja dauðans“ í heiðni.
Viðsnúningurinn er 180° á tveim mánuðum, eins og kom fram í máli ÞKG að nú þurfi jafnvel að taka af borði þeirra sem minna mega sín hér heima og færa herra Selenskí það á silfurfati.
Það er alveg dagljóst að V-Evrópsk stjórnvöld eru að reyna að sameina þjóðir sínar með „Joseph Goebbels tækni 3ja ríksisins“ eða öðru nafni hræðslu við og hatri á tilbúnum andstæðing. Þá voru það gyðingar, nú eru það Rússar, ein mesta vinaþjóð okkar fyrr og síðar. Þetta tókst ágætlega í kóvidinu undir slagorðunum: „Við erum í þessu öll saman“. Það mun ekki takast núna af þrem ástæðum:
- Það er miklu auðveldara nú að sína fram á hvað „narratív“ stjórnvaldar er galið og vitlaust og fjöldi virtra sérfræðinga hafa lengi bent á það með óhrekjandi rökum.
- Andspyrnan fyrir sannleikann er í æfingu frá kóvid tímum og miklu sterkari og samhæfðari nú en þá.
- Bænahópar kristinna eru sterkari og meira sameinaðir í þessu nú en þá. Máttur bænar sann-kristinna hefur heldur betur sannað sig í Bandaríkjunum undanfarið.
Hver er þá ógnin?
Ef það á að ræða öryggis- og varnarmál á Íslandi þá væri kannski nær að ræða hvernig við verjumst því að til valda í landinu komist fól eins og í síðustu ríkisstjórn og núverandi sem gera lygina að sannleika með fulltingi fjölmiðla…af óskiljanlegum ástæðum. Ógnin sem steðjar að íslenskri þjóð er fyrst og fremst valdhafar og fjölmiðlar sem reyna slíkt og gera í því skini eintalið að samtali, og samtalið að „upplýsingaóreiðu“. Ógnin í þessu tilfelli er þjóðin sjálf sem lætur mata sig á slíku bulli og með síbylju bullsins verður bullið að sannleika í huga þjóðar.
Hér er fullt tilefni að vitna í ritningu sannleikans:
Vei þeim, sem kalla hið illa gott
og hið góða illt,
sem gjöra myrkur að ljósi
og ljós að myrkri,
sem gjöra beiskt að sætu
og sætt að beisku. [Jes. 5:20]
Arftaki Jesaja, Jeremía Hilkíason spámaður gagnrýndi stjórnvöld samtímans harkalega, rétt eins og hér er gert. Það er því við hæfi að ljúka þessari grein með orðum þessa mikla spámanns:
Spámenn boða lygi,
Prestarnir kenna að eigin geðþótta
og þjóð minni fellur það vel.
En hvað ætla þeir að gera
þegar kemur að skuldadögunum? [Jer. 5:31]
Höfundur er sveitarstjórnarmaður í Múlaþingi.