Seðlabanki ESB (European Central Bank, ECB) undirbýr í fyrsta sinn að koma á „loftslagssektum“ innan sambandsins. Ástæða sektanna er hugmyndafræðilega knúin af heimsendakenningum græningja og kommúnista. ESB-þingkonan Kerstin af Jochnik segir við spænska dagblaðið Cinco Días að ástæðurnar á bak við sektirnar séu þær, að bankarnir hafi ekki gripið til „nægilegra ráðstafana til að stjórna loftslagsáhættu sinni“ og hafa þess vegna ekki náð upp settum markmiðunum.
![](https://i0.wp.com/frettin.is/wp-content/uploads/2024/06/Kerstin_af_Jochnick_2017.jpg?resize=186%2C225&quality=89&ssl=1)
Kerstin af Jochnik (Mynd Wikipedia).
Greint var frá því í viðskiptafjölmiðlum í fyrri viku að um fjórir evrópskir bankar uppfylltu ekki tilkynningarskyldu seðlabanka ESB vegna loftslagsáhættu og eiga því sekt yfir höfði sér. Kerstin af Jochnik segir:
„Við höfum tilkynnt nokkrum bönkum að miðað við núverandi mat okkar, þá hafi þeir ekki náð markmiðunum sem þýðir að þeir eiga á hættu að verða sektaðir.“
Jochnik nafngreinir ekki bankana. Verði bankarnir sektaðir er það í fyrsta sinn sem Seðlabanki ESB refsar fjármálastarfsemi fyrir „loftslagsbrot.“ Refsigjöldunum er ætlað að þrýsta á fyrirtæki, banka og aðrar fjármálastofnanir til að fylgja með í „grænu umskiptunum.“
Bændur, smáfyrirtæki og sífellt fleiri taka þátt í baráttunni gegn einmitt grænu umskiptunum sem vill leggja niður landbúnaðinn og refsa þeim fyrirtækjum sem játast ekki rétttrúnaðinum.