Í dag 8. apríl fer sólmyrkvi yfir stóran hluta Bandaríkjanna. Fer hann meðal annars yfir nokkrar borgir sem bera heitið Níneve. Þegar sagan er skoðuð sést að það eru oft tengsl milli sólmyrkva ( total eclipse ) og jarðskjálfta. Og einnig styrjalda. Er hér um viðvörun að ræða?

Skoðum hvað hefur gerst áður í sögunni þegar sólmyrkvar hafa átt sér stað. Sólmyrkvar hafa 8 sinnum áður átt sér stað vestanhafs. Á 18. öld var sólmyrkvi og í kjölfarið hófst byltingarstríðið. Á 19. öld var sólmyrkvi og í kjölfarið hófst borgarastyrjöldin, nánar tiltekið árið 1812. Þrem mánuðum eftir sólmyrkvann sem átti sér stað árið 1811 varð mesti jarðskjálfti í sögu Bandaríkjanna, sem varð þess valdandi að Mississippi áin flæddi afturábak.

Sólmyrkvinn sem var síðast árið 2017 og sólmyrkvinn nú mynda X sem er akkúrat yfir New Madrid jarðskjálftasprungulínunni.

Nánar má fræðast um þetta og fleira í þessu myndbandi hér:

En það er fleira í gangi akkúrat þennan sama dag - mánudaginn 8. apríl. Því þá mun risa öreindarafallinn ( Large Hadron Collider ) í CERN verða ræstur í gang. Sá öreindarafall er staðsettur í Sviss, nánar tiltekið á svæði sem kennt er við Saint Genis Pouilly. Á tímum Rómverja var það kallað Apolliacum og var svæðið og musterið þar tileinkað Apollyon - eða eyðileggjandanum.

Skoðum Opinberunarbókina í kafla 9: versi 1-2, 11:

„Og fimmti engillinn básúnaði. Þá sá ég stjörnu, er fallið hafði af himni ofan á jörðina, og henni var fenginn lykillinn að brunni undirdjúpsins. Og hún lauk upp brunni undirdjúpsins, og reyk lagði upp af brunninum eins og reyk frá stórum ofni. Og sólin myrkvaðist og loftið af reyknum úr brunninum.“

„Konung hafa þær yfir sér, engil undirdjúpsins. Nafn hans er á hebresku Abaddon og á grísku heitir hann Apollýon.“

Bein tilvitnun í Sergio Bertolucci, forstöðumaður rannsókna og vísindalegrar tölvunar hjá CERN:

„Eitthvað gæti komið í gegnum „víddarhurðir“ hjá LHC. Og út um þessar dyr gæti eitthvað komið, eða við gætum sent eitthvað í gegnum þær.“

Hvaða myrkraöfl er maðurinn að fikta við?