Svala Magnea Ásdísardóttir var í tveimur viðtölum nýverið. Annars vegar í Spjallinu með Frosta Logasyni á Brotkast og á Rauða Borðinu með Gunnari Smára Egilssyni.
Hún er formaður Málfresisfélagsins og Krossgatna, sem er bloggsíða haldin úti af nokkrum einstaklingum.
Svala gerir hugtakið „stýrð andstaða“ að umtalsefni í viðtalinu við Gunnar Smára. Þar fer hún einnig óvarlega með sannleikann og sakar fólk sem barist hefur gegn Covid tilrauna-efnunum og takmörkunum á frelsi fólks, um að hafa eyðilagt málstaðin. Fréttin er sá miðill sem að var með puttann á púlsinum frá upphafi og hefur birt fjölda vísindagreina og vitnað í marga vísindamenn, sérfræðinga og lækna. Einhverra hluta vegna þá minnist Svala ekki einu orði á sérfræðingana í viðtalinu, má þar nefna Robert Malone, hjartasérfræðinginn Peter McCullough, veirusérfræðinginn Geert Vanden Bossch, hjartlækninn Aseem Malhotra og fleiri.
Ritstjórn Fréttarinnar hefur ákveðið að leiðrétta rangfærslur frá Svölu því við teljum hana reyna skaða málstaðinn og Fréttina sem fjölmiðil.
Upphafið:
Formaður Málfrelsisfélagsins hefur ekki farið leynt með stuðning sinn við Hamas og Palestínu, en Fréttin er sá miðill sem hefur birt fleiri hliðar en sem koma beint úr ranni hryðjuverkasamtakanna. Fréttin birti grein um morðið á Þýska gyðingnum Shani Louk þann 9. október eða tveimur dögum eftir hryðjuverkaárás Hamas. Formaðurinn gerði sér ferð inn á facebooksíðu Fréttarinnar og hóf þá árás á miðilinn, þar skrifaði hún ljót skilaboð þar sem hún stundaði einnig persónuárásir gegn ritstjóra miðilsins og skrifaði að miðillinn væri „sorpmiðill og „áróðurskennt einkabloggrit hennar Möggu Frikka.“ Hún var ekki sátt við fréttaflutninginn af morðinu á Shani og kallaði það falsfrétt. Hins vegar hefur verið staðfest af fjölskyldu konunnar og yfirvöldum að Hamas hryðjuverkamennirnir myrtu stúlkuna og svívirtu líkið.
Svölu var svarað kurteisislega og hún vinsamlegast beðin um að láta af þessum árásum á miðilinn og ritstjóra hans. Hún svaraði því með hláturskalli og jók þá árásirnar og hóf að setja slíka kalla "emoji" á allar fréttir miðilsins inn á Facebook. Við þessu var brugðist með því að blokka Svölu af síðunni, því við teljum fólk í árásarham og niðurrifsherferð gegn miðlinum hafi ekkert þangað að gera fremur en aðrir netníðingar.
Tölvupóstur frá Krossgötum
Það var svo í júlí mánuði sem Svala Magnea ákvað að ganga lengra og sendi Fréttinni tölvupóst þess efnis að samstarfi Fréttarinnar og Krossgatna væri lokið, skrifaði hún langan reiðispóst um að henni hugnaðist ekki ritstjórinn og bað um að gamlar greinar sem hún skrifaði inn á miðilinn yrðu fjarlægðar því hún telji það skaða mannorð sitt að tengja sig við miðilinn og ritstjórann Margréti Friðriksdóttur.
Svala heldur hins vegar öðru fram á facebooksíðu Heildarmyndarinnar hópur sem hún er stjórnandi í og heyrir einnig undir bloggsíðuna Krossgötur. Þar skrifar hún að ritstjóri Fréttarinnar sé búin að vera ofsækja Krossgötur. Þetta eru ósannindi enda færir hún engin rök fyrir máli sínu. Rétt er að Svala Magnea hefur ofsótt Fréttina nú í tæpt ár og því hefur einungis verið svarað í tölvupósti og hún vinsamlegast beðin um að láta af ofsóknum sínum og að virðist þráhyggju gagnvart miðlinum.
Bannar opinbera umfjöllun um aukaverkanir eftir covid-sprautur
Svala heldur úti hópnum Aukaverkanir eftir covid sprautur á Facebook, það virðist hún gera í annarlegum tilgangi því hún blokkaði ritstjóra Fréttarinnar fyrir að senda fyrirspurn sem var á þennan veg: „Góðan dag, ég er að fara skrifa grein um aukaverkanir eftir Covid sprautur sem mikilvægt er að komist í umræðuna, ef einhver hér í þessum hóp hefur áhuga á að vera með í umfjölluninni, þá endilega sendið tölvupóst á [email protected], get haft nafnlaust ef óskað er eftir því,“ Bestu kveðjur Margrét.
Svala Magnea hleypti innlegginu ekki inn, hún stundar slíka ritskoðun í hópnum að hún þarf að samþykkja allar færslur áður en þær birtast í hópnum. Merkilegt þykir að á sama tíma kvartar hún yfir því að fjölmiðlar sýni þessu máli engan áhuga. Það skal áréttað að Svala var blokkuð fyrir netníð gegn Fréttinni í október 2023 og kom engum dómara við:
Öfgafólk
Það er því athyglisvert að formaður Málfrelsisfélagsins reyni að snúa staðreyndum á haus og segir ósatt um miðilinn og ritstjóra hans, og heldur því fram að fólk sem hefur lagt allt undir og verið sýnilegt í baráttunni fyrir frelsinu og birt fjölda greina sem annars vegar voru skipulega bældar niður í meginstraumsmiðlum, hér má lesa um ástæðu þess.
Í viðtalinu segist hún gagnrýna slaufunarmenninguna (cancel culture) en á sama tíma sá manneskja sem lagst hefur hvað harðast í árásir á óháðan fjölmiðil, sem segir frá hliðum sem fá ekki annars staðar að sjást. Það er því ljóst að formaður málfrelsisfélagsins stundar sjálf slaufunartilburði og má því greina nokkurn tvískinnung:
Lítur á Covid sem „alvarlegan sjúkdóm“
Svala segist í viðtalinu við Gunnar Smára líta á Covid sjúkdóminn sem „alvarlegan sjúkdóm,“ hún hafi veikst alvarlega og hafi því ekki þurft að fara í bólusetningu. Má því lesa úr orðum Svölu að hún hefði líklegast undirgengist tilraunasprauturnar ef hún hefði ekki fengið Covid. Og hverjir eru það nú sem tala um Covid sem alvarlegan sjúkdóm, við skulum rifja það upp, Kári Stefánsson, Fauci og alþjóðaheilbrigðismálastofnunin(WHO) koma sterkt upp í hugann:
Segir ósatt um ferðafrelsi
Formaðurinn bætir svo um betur og segir ósatt um ferðafrelsi á tímum Covid og heldur því fram að hafa þurft að sýna bólusetningarvottorð til að geta ferðast. Það er rangt því það nægði að sýna mótefnavotttorð sem hún hafði undir höndum verandi búin að fá vírusinn, en það gátu allir sótt sér slík vottorð og sýnt í stað bólusetningarvottorðs og margir ferðuðust á þann máta. Þá voru einnig töluvert margir sem ferðuðust án bóluefna eða mótefnavottorðs. „Ég upplifði það að mannréttindi mín voru skert“ aðspurð segist hún hafa þurft að sýna „sprautuvottorð“ til að geta komist til Íslands:
Kannast ekki við fjölmenningarvandamál í Svíþjóð
Svala Magnea býr í Malmö, en þar hafa glæpagengi fest rætur á undanförnum áratugum og er ástandið orðið það alvarlegt að lögreglan ræður vart við ástandið, þetta segist Svala ekki kannast við í viðtalinu hjá Frosta Logasyni. Í fyrir stuttu var fjallað um leigumorðingja sem eru ráðnir frá Svíþjóð úr þessum glæpagengjum til að myrða fólk gegn greiðslu. Formaðurinn heldur því einnig fram að hin skelfilega hryðjuverkaárás þann 7. október sé tilbúningur til að réttlæta innrás. Hún segist fá heimildir sínar frá Hamas hryðjuverkasamtökunum og svo eigi hún þrjá palestínska vini og hafi átt kærasta fyrir 25 árum sem hafi heimsótt svæðið:
Stýrða andstaðan
Þetta hugtak stýrð andstaða skaut upp kollinum á meðan Covid faraldrinum stóð, því nokkuð er ljóst að ekki eru allir í baráttunni af heilindum. Fréttin hefur orðið fyrir barðinu á þessu fólki og einhverjir hafa starfað hjá miðlinum. Stýrð andstaða virkar þannig að viðkomandi er sendur á svæðið, fengin til að skrá sig í hópa og félög til að hafa eftirlit með framgangi mála, hvað hópurinn er að vinna að o.sfrv. Þá er stýrða andstaðan einnig send til að valda ágreining, hafa fjármuni af fólki á fölskum forsendum og tala niður miðla eins og Fréttin.is til að reyna valda tortryggni.
Þetta er mikið hagsmunamál fyrir marga, ekki einungis hluthafa í lyfjafyrirtækjum sem hafa fjárfest í hlutabréfum heldur einnig fyrir þá sem stofnuðu þjóðinni í hættu, með því að þrýsta á fólk í að undirgangast tilraunsprautur sem hvorki komu í veg fyrir veikindi eða smit.
Samkvæmt heimildum Fréttarinnar er einnig stunduð gróf ritskoðun á bloggsiðu Krossgatna, ekki heimilt að segja frá erlendum glæpagengjum ef að glæpirnir tengjast múslimagengjum, en allur gyðingaáróður er vel þeginn að virðist, og má sjá hér nýjustu áróðursgreinina þar sem gert er lítið úr helför gyðinga eða réttara sagt afkomendum hennar.
Þá virðist hópurinn ekki gera sér grein fyrir því að í Ísrael búa tvær milljónir Palestínu-araba sem gegna háum stöðum í Ísrael. Þeir sitja t.d. í hæstarétti landsins, eru í ísraelska hernum, lögreglunni, reka fyrirtæki og lifa í sátt og samlyndi við gyðinga. Þeir hafa í raun mesta frelsið af öllum Arabaþjóðunum í kring, því Ísrael er lýðræðisríki ólíkt islömskum nágrannaríkjum. Það er því seint hægt að tala um þjóðarmorð í þessu samhengi, en flestir eru á móti stríðum og vilja að þeim ljúki með friðarsamkomulagi.
Það er því ljóst að málfrelsishópurinn og bloggsíðan Krossgötur sýna af sér mikinn tvískinnung, og virðast einungis hlynnt málfrelsi þegar það hentar þeirra málstað.
Hér má sjá nöfn meðlima Krossgatna:
Formaður
Svala Magnea Ásdísardóttir
Varaformaður
Þorsteinn Siglaugsson
Meðstjórnendur
Arnar Þór Jónsson
Erling Óskar Kristjánsson (gjaldkeri)
Guðlaugur Bragason (ritari)
Helgi Örn Viggósson
Björn Jónasson
Varamenn
Þórarinn Hjartarson
Þórdís Björk Sigurþórsdóttir
Ritnefnd Krossgatna
Arnar Þór Jónsson
Erling Óskar Kristjánsson
Svala Magnea Ásdísardóttir
Þorsteinn Siglaugsson
Geir Ágústsson
Guðlaugur Bragason
Einar Scheving
Þórdís Björk Sigurþórsdóttir
