Dr. Robert Malone ræðir í nýjum þætti „Fallout“ við Jan Jekielek hjá The Epoch Times um komandi valdayfirtöku WHO á fullvalda ríkjum með samþykkt breytinga á alþjóða heilbrigðisreglum og nýjum heimsfaraldurssáttmála. Ræðir Malone í smáatriðum, hvernig alþjóðasinnarnir – glóbalistarnir – hafa meðvitað byggt upp alheims valdakerfi sem byggir á samspili alþjóðastofnana, fjárfestingarrisa, alþjóðadómstóla og veikleikum í stjórnarfari lýðræðisríkja. Gegnum þetta kerfi verða heimsmarkmið Sameinuðu þjóðanna virkjuð og alræðisvald m.a. fært til Alþjóðaheilbrigðismálastofnunarinnar.
Dr. Robert Malone lýsir, hvernig samkomulag slíkra stofnana og til dæmis með skipunum Bandaríkjaforseta öðlast dómslegan úrskurð alþjóðadómstóla til jafns við ákvarðanir sem venjulega eiga að vera teknar með allt að tveimur þriðju hluta þingmanna. Með þessu fyrirkomulagi eru þjóðþing fullvalda ríkja og lýðræðishefðir þeirra sniðgengnar með miðstýrðum ókjörnum valdhöfum sem séu farnir að stjórna öllum heiminum. Réttindi sem kjósendur á Vesturlöndum telja trygg í stjórnarskrám halda ekki lengur. Margir á Vesturlöndum skilja ekki hlutverk kínverska kommúnistaflokksins í þessari þróun en benda má á, að World Economic Forum heldur í dag fundi jafnt í Kína sem og í Davos. Ef heimsfaraldurinn er tekinn sem dæmi, þá segir Malone, að farið var eftir kínverskum úrræðum á Vesturlöndum með hrikalegum afleiðingum. Gríðarleg efnahagsleg spjöll voru unnin og mannlegur harmleikur vegna ómannúðlegra lokana.
Dr. Robert Malone lýsir með mörgum dæmum, hvernig alræðisvaldi Tedros Adhanom Ghebreyesus verður háttað eftir samþykktir nýju reglanna í Genf í lok næsta mánaðar. Búið er að binda saman umhverfið og líf manna og dýra í einn þátt, sem þýðir að Tedros gæti lýst yfir neyðarástandi í heiminum vegna loftslagsmála. Hann gæti fyrirskipað ríkjum heims að hætta að framleiða bíla með eldsneytisvélum og einungis leyft rafbíla í staðinn. Hann gæti til dæmis byssueign almennings við heilsumál og látið banna sölu skotvopna til almennings.
Sú skipan sem verið er að koma á á Vesturlöndum er sú sama og ríkir í Kína. Ein miðstjórn sem stjórnar öllu með ógnarhendi. Tedros Ghebreyesus er samherji og náinn vinur og samstarfsmaður Xi Jinping aðalritara kínverska kommúnistaflokksins svo engan þarf að undra hvaðan hugmyndirnar að nýju stjórnarkerfi heimsins koma.