Kristín Þormar skrifar:

Forstjóri Alþjóðaheilbrigðismálastofnunarinnar (WHO) hefur nú gefið út ráðandi tilmæli (standing recommendations) vegna COVID-19 í samræmi við alþjóðlegu heilbrigðisreglurnar (2005) (IHR), sem munu eiga að vera í gildi frá 9. ágúst 2023 til 30. apríl 2025.

Þetta er meðal þeirra atriða sem stofnunin hefur þóst vera að semja um, og hvetur nú öll 194 aðildarlönd sín til að byrja að innleiða þau.

Þar með talið Ísland líka.

Sturlaðar fyrirætlanir þessarar glæpastofnunar

Forstjórinn er ekki af baki dottinn, ætlar að rífa upp Covid brjálæðið eina ferðina enn, taka það enn fastari tökum núna og setja það á stera!

Ef þið hafið ekki enn kynnt ykkur heimsfaraldurssáttmálann sem hann og WHO eru að reyna að koma í gegn, og hvers vegna við þjóðin verðum að hafna honum, þá gengur hann í stórum dráttum út á það að hann getur lýst yfir "neyðarástandi í heiminum" út af einhverjum smitfaröldrum sem stofnunin er búin að boða næstu 10 árin - eða jafnvel "neyðarástandi í loftslagsmálum".

Stofnunin mun þá hafa alræðisvald yfir heilbrigðismálum aðildalanda sinna, og geta neytt okkur með lögregluvaldi í líkamsskoðanir, sett á okkur grímuskyldu og látið sprauta einhverjum "bóluefnum" í okkur - undir því yfirskini að verið sé að "bjarga lífum okkar".

Endurvakið Covid-19, aukið eftirlit, ritskoðun og bóluefni

Notkun þessara ráðandi tilmæla mun hjálpa til við umskipti frá neyðarstigi viðbragða, sem innihéldu notkun tímabundinna ráðlegginga, yfir í hið nýja normið (the new normal), þar sem við færum COVID-19 í auknum mæli inn í almenna stjórnun smitsjúkdóma.

https://cdn.who.int/media/docs/default-source/documents/ihr/final-report-rc-srs-covid-19_4-august-2023.pdf (síða 16)

Helstu atriði:

1. Víðtækt eftirlit
2. Prófunar- og raðgreiningargeta
3. Upplýsingafræðileg stjórnun
4. Eftirlit með eftirlitsstofnum
5. Erfðafræðileg raðgreining
6. Atburðamiðað eftirlit
7. Afrennslisvatns- eða umhverfiseftirlit
8. Sermiseftirlit (Það veitir mat á mótefnamagni gegn smitsjúkdómum.)
9. Eftirlit með dýrastofnum
10. Stuðningur við eflingu eftirlits með því að nota "eina heilsuaðferð" (One Health Approach) til að skilja betur SARS-CoV-2 dreifingu og þróun hjá dýrum
11. Bæta viðleitni til að auka umfjöllun (eða utanumhald) um COVID-19 bólusetningar
12. Taka á röngum upplýsingum og misleiðandi upplýsingum um bóluefni
13. Auka framleiðslugetu greininga, lækninga og bóluefna fyrir COVID-19 - (enn meiri fjármunir í vasa útvaldra gæðinga)
    
14. Styðja við heimildir til greininga, meðferða og bóluefna

Ítarlegri umfjöllun James Roguski má finna hér.

Nýleg skrif mín um WHO

• Hinar djöfullegu áætlanir Alþjóðaheilbrigðismálastofnunarinnar um börnin!
• Katrín Jakobsdóttir forsætisráðherra hefur verið skipuð sendiherra "velsældar"hagkerfis verkefnis WHO!
• Rýnt í drögin að heimsfaraldurssáttmála Alþjóðaheilbrigðismálastofnunarinnar
• Höfnum fullgildingu á heimsfaraldurssáttmála WHO!Iceland Exit WHO - undirskriftasöfnun er hafin!

Nei ég trúi þessu ekki, þetta getur ekki gerst á Íslandi!

Eruð þið viss, er fólk ekki innst inni farið að átta sig á öllum blekkingunum sem við höfum verið beitt undanfarin þrjú og hálft ár af íslenskum yfirvöldum og fólki sem við áttum að geta treyst - og okkur var sagt að treysta?

Áttið ykkur á því að þetta hér að ofan er raunverulega að gerast, og veltið því fyrir ykkur hvers vegna enginn þessara helstu fjölmiðla fjalla um þetta, ekki einu sinni RÚV.

Það sama er uppi á teningnum víðast hvar annars staðar í heiminum, enda ganga margir fjölmiðlar fyrir ríkisstyrkjum og/eða eru í eigu auðkýfinga.

Það sem vakir fyrir Alþjóðaheilbrigðisstofnuninni er ekki almannaheill, heldur þvert á móti, það getið þið séð ef þið gefið ykkur tíma til að lesa það sem ég og fleiri hafa skrifað.

Í ársbyrjun 2020 var alls staðar í heiminum mögnuð upp hræðsla hjá fólki út af einhverri veiru sem okkur var sagt að væri bráðsmitandi og myndi að öllum líkindum hafa mikinn dauða í för með sér, nema við hlýddum sóttvarnalækni sem studdist gjarnan við tilmæli frá WHO, og það gerðum við svo sannarlega.

Okkur voru bornar á borð niðurstöður reiknilíkana um þróun faraldursins. Og svo loksins kom hin langþráða "lausn" út úr faraldrinum, bóluefnin, og það var logið að okkur um þau frá fyrsta degi, bæði hér á landi og annars staðar.

Hér á landi sá Thor Aspelund bróðir Guðrúnar Aspelund nýs sóttvarnalæknis um að birta okkur þær tölur.

Höfum í huga að reiknilíkön birta niðurstöður byggðar á þeim forsendum sem þau eru mötuð á til að fá einhverjar niðurstöður, og þessu var óspart beitt í "heimsfaraldrinum".

Höfum líka í huga að í nýlegum viðtölum kannaðist Guðrún ekki við rannsóknir sem sýndu fram á að ungt fólk fengi hjartavöðvabólgur eftir Covid sprauturnar, og sagði í sama viðtali að það væri óalgengt að bólusettir fái fylgikvilla, og Kári Stefánsson segir núna að það sé auðvelt að vera klár eftir á!

Annað hvort laug Guðrún blákalt, eða hún er ekki starfi sínu vaxin. Við flest, ef ekki öll þekkjum fólk sem er skyndilega komið með alls kyns nýja sjúkdóma, illviðráðanleg og jafnvel banvæn krabbamein, eða hefur dáið skyndilega fljótlega eða jafnvel löngu eftir sprauturnar.

Allt sem heiðarlegir og óháðir læknar og vísindamenn óttuðust, og margir hafa varað við í heil þrjú ár núna, en fáir viljað hlusta á.

Horfið á myndina "Died Suddenly", sem var gerð um alla þá sem létust skyndilega í kjölfar sprautanna, og fræðist um niðurstöður Eds Dowd um skaðsemi þeirra, og finna má meira á vefsíðu hans.

Covid fárið var æfing í því hversu auðvelt væri að blekkja fólk og fá það til að hlýða hverju sem er undir því yfirskini að verið væri að bjarga því - og ömmu gömlu, og sú æfing gekk nánast fullkomlega upp, enda vel æfð á Event 201 í október 2019.

Nú er búið að sníða af helstu vankanta, herða reglurnar, og endurvekja Covid, sem ætti löngu vera búið að kveða í kútinn hefðu "bóluefnin" verið svona örugg og árangursrík eins og okkur var sagt, við hljótum öll að sjá það.

Og nú er WHO að virkja næsta skref að einræði í heilbrigðismálum heimsins, og harla óliklegt er að íslensk stjórnvöld muni hreyfa við nokkrum mótmælum, enda eru allar líkur á því að þau muni samþykkja landráðasamninginn með þögn sinni.

Viðbót:

Hópur lækna, trúarleiðtoga og verkalýðs- og borgaralegra talsmanna í  Trínidad og Tóbagó hefur birt opið bréf til forsætisráðherrans um þessar samningaviðræður Alþjóðaheilbrigðismálastofnunarinnar.

Lokaorð læknis í vídeói eru:

Engin stjórnvöld með góða samvisku og einlæga umhyggju fyrir almannaheill geta samþykkt þessar fyrirhuguðu breytingar á alþjóðlegu heilbrigðisreglugerðunum í þeirri mynd sem þær eru í dag.

Við getum líka spurt, hvar er samviska og umhyggja íslenskra stjórnvalda fyrir almannaheill okkar?

Hað er orðið deginum ljósara að hvorugt finnst hjá þeim, þess vegna er svo gríðarlega mikilvægt að við öll segjum NEI, og skrifum undir mótmælin:

==>> Undirskriftasöfnunin

Þegar þið skrifið undir undirskriftalistann þá fáið þið strax tölvupóst þar sem þið eruð beðin um að smella á hlekk til að staðfesta að ykkar netfang hafi verið notað til að skrifa undir, og til að undirskriftin ykkar verði virk, þá verðið þið að smella á hann.

Margir póstþjónar hafa öflugar varnir og senda marga pósta í ruslmöppuna, svo það er gríðarlega mikilvægt að þið leitið þar ef þið finnið póstinn ekki strax.

Nokkur ummæli þátttakenda:

• Ástæðan fyrir þátttöku minni er að ég hef kynnt mér fyrir hvað þessi stofnun stendur fyrir, ekkert land á að afsala sér valdi yfir sínum málum og sinni þjóð. Forrverar okkar hafa fært okkur frelsi sem okkur ber að varðveita.
• Er á móti svona alþjóðasamtökum sem vilja ráða yfir og stjórna heiminum.
• Of mikil forræðishyggja og eftirlits kapítalismi er aldrei af hinu góða. Ég tel að fólk eigi að hafa óskorðað frelsi svo fremi sem það skaði ekki aðra.
• Of afdrifarík ákvörðun sem getur haft ófyrirséðar afleiðingar.
• Treysti ekki stjórnvöldum, hvað varðar ákvarðanir i þessu máli fyrir hönd þjóðarinnar.
• Ég vil hafa eigin ábyrgðar vald yfir mínum eigin líkama og taka ákvarðanir fyrir sjálfa mig og minn líkama og lîf.
• I would like to express my oposision to WHO NWO, global totalitarian technocratic survailance state.
• Neita að taka þátt í einræðiststefnu ,við erum sjálfstæð og tökum okkar eigin ákvarðanir
• Ísland á að vera sjálfstætt.
• Ég er sjálfstæður einstaklingur sem ætlast til að geta áfram lifað við það fresli sem það er að vera Íslendingur. Mun ALDREI taka skipunum frá einhverri alþjóðlegri stofnun. Ísland er ekki einu sinni búið að vera sjálfstætt land í 80 ár. Að yfirvöld sem eru kosin af almenningi og þar með í vinnu hjá almenningi er það algerlega ótækt að ætla að gefa sjálfstæði allra Íslendinga óáreitt!