Samtökin´78 standa fyrir nýyrðasamkeppni í þriðja sinn, Hýryrði 2023. Samtökin leita nú meðal annars að kyn­hlutlausum orðum yfir ömmu og afa (foreldri foreldris) sem hægt er að nota fyrir kynseg­in fólk. Eins leita samtökin að skamm­stöf­un fyr­ir orðið kynseg­in. Þetta kemur fram á síðu samtakanna.

Í fyrri samkeppnum urðu meðal ann­ars til orðin eikyn­hneigð, dul­kynja, flæðigerva, kvár og stálp.

Sam­tök­in lýsa þar að auki eft­ir ábend­ing­ar­for­nafni í ein­tölu sem myndi virka sem kyn­hlut­laus út­gáfa af karl- og kven­kynsorðunum sá og sú sem hægt væri að nota bæði þegar talað er um kynseg­in fólk eða þegar kyn mann­eskju er ekki þekkt.

Þrjú hýr­yrðanna sem samtökin leita að eru þýðing á ensk­u orðunum Tvö þeirra eru femme og masc og lýsa bæði kyntján­ingu ein­stak­linga og líka þeim ein­stak­ling­um sem fólk laðast að. Þá auglýsa samtökin einnig eftir þýðingu á orðinu al­losex­ual, sem notað er um fólk sem upp­lif­ir kyn­ferðis­lega aðlöðun og er gagnstætt orðinu eikynhneigð.