Elín Halldórsdóttir skrifar:

Sú var tíð að Katrín Jakobsdóttir forsætisráðherra gekk í Keflavíkurgöngu og hrópaði hásum rómi „Ísland úr Nató og herinn burt“ ... í dag dansar hún í glæsisölum  við framkvæmdarstjórann og það er spurning hvað fer þeim á milli í hita leiksins.   Hvíslar hann kannski í eyra hennar „Góður taktur, meira blóð, fallega fljóð, sendu okkur fjár í stríðsins hildarleik, þú ert svo klár og í dansinum keik“ .. og Katrín dansar við NATO og sendir ekki nokkrar milljónir heldur nokkra milljarða á meðan börn fá ekki leikskólapláss á Íslandi og það er að verða meiri hluti barna í ýmsum sveitarfélögum sem situr í mygluðum skólastofum .. og Katrín er löngu búin að gleyma því að eitt sinn var hún menntamálaráðherra og hugsaði um börn nei núna eru það stríðs bandalög og stríðsherrar.

Katrín faðmar Zelensky

Þessi stjórnmála kona sem einu sinni hugsaði um börn býður alræmdasta stríðsherra samtímans, Zelensky sem þekktur er fyrir spillingarmál að halda námskeið um stjórnarhætti á Alþingi Íslendinga því Íslands Þúsund ár, þar sem íslenskir alþingismenn hafa aldrei lært neitt um stríðsátök og hafa verið sælir á sinni friðar eyju með friðsæl býli ljós og ljóð svo langt frá heimsins vígaslóð.   Á meðan sitja fjölmargir opinberir starfsmenn fyrirlestra og fundi um hvernig hægt sé að spara betur í opinberum stofnunum, og færa hagkvæmari rekstur tja líklega til að hægt sé að senda nú svolítið meira fjármagn til Úkraínu.   Til að gera nú ennþá betur, því hún er hætt að hrópa Ísland úr NATO hér þá hefur hún ásamt alræmdum stríðs elskandi utanríkisráðherra Þórdísi Herfjörð nei fyrirgefið Reykfjörð, farið nokkrar ferðir til Úkraínu til að faðma stríðsherrann og læra meira um stríðs hætti.

Heimsstríðið klasasprengjur

Katrín hefur ferðast mikið til að hitta leiðtoga, ekki aðeins skandinavíska leiðtoga, en jafnvel utanríkisráðherra Dana tók bakföll í fjölmiðlum þegar hún Herfjörð nei fyrirgefið Reykfjörð, rak rússneska sendiherrann með sínu sendiráði af eyju brott ..  því það þarf nú að elta ljótu kallana í Rússlandi.  Uuuppps það féll samt ekki í góðan jarðveg hjá hinum utanríkisráðherrunum í Skandinavíu.   En Katrín sem mótmælti eitt sinn NATO sækir nú reglulega leiðtogafundi með Evrópusambandsleiðtogum, kannski af því Ísland er ekki í ESB? Nú nýlega einnig með Biden forseta USA og þar voru rædd næstu skref stríðsins, heimsstriðsins og líklega bara klasasprengjur.

Við skulum ekki einu sinni minnast á leiðtogafundinn sem hún Katrín hélt fyrir alla vini sína og keypti nú stríðstól og glæsikerrur fyrir fimm milljarða í viðbót, því hún er búin að læra hvernig á að reka stríð og stoppaði venjulega Íslendinga á leið sinni til vinnu því allar eða flestar leiðir Reykjavíkurborgar lokuðust.

Jæja en þegar hún Katrín kom heim af fundinum með Biden þar sem rætt var um klasasprengjur birti hún næsta dag mynd af sér á fjöllum skælbrosandi, því það er jú miklu skemmtilegra að vera í slagtogi með stjórnandi stríðs fylkingum samtímans og tala um klasasprengjur heldur en ganga um og öskra „Ísland úr NATO herinn burt“.

Gerði athugasemd við klasasprengjumálið

Ég gerði persónulega athugasemd við klasasprengjumálið.   Næsta dag kom athyglisverð frétt á skjá stöðvar allra landsmanna (RÚV, sem ég hef ekki getað horft á í 6 ár), en bar óvart augum þar sem ég var stödd hjá ættingjum.  Allt í einu lýsir RÚV því yfir að Ísland og Evrópa hafi ekkert með klasasprengjur að gera og það séu nú bara Úkraína og Bandaríkin sem séu í stríði, eins og Katrín hafi aldrei setið fund með Biden tveimur dögum áður, aldrei haldið leiðtogafund með Evrópuríkjum um málefni stríðandi fylkinga, aldrei veitt 8 milljörðum af íslensku fjár skattgreiðenda í stríð, aldrei látið Úkraínu forseta halda stríðs fyrirlestur fyrir háttvirt Alþingi og aldrei faðmað og kysst stríðsherrann.

Það er athyglisvert í ljósi þessa að lesa íslensk lög um klasasprengjur og maður spyr sig hvort stjórnmálakonan Katrín sé búin að margbrjóta íslensk lög um stríðsrekstur og vopn.

Ætlar hún kannski að fara að einbeita sér að íslenskum börnum eins og hún gerði þegar hún var menntamálaráðherra?