Glæpur aldarinnar: Planið

Eftir Jóhannes Loftsson:

Áratug tekur að þróa öruggt bóluefni

Á ráðstefnu minntist Antony Fauci, aðalráðgjafi Bandaríkjaforseta og yfirmaður sóttvarnarstofnunar, NIAID, á þann hefðbundna 10 ára þróunartíma. En bætti svo við að sleppa mætti öryggisprófunum ef neyðarástand skapaðist. Lausnin var fundin.[2]

Strax í upphafi kórónufaraldursins var Bandaríkjaforseta seld bóluefnaleiðin (af Fauci) sem leiðina úr kófinu. Leið sem hann og yfirvöld um allan heim keyptu án þess að átta sig á að sleppa yrði öryggisprófununum.

Fyrstu viðbrögð við covid voru óvísindaleg og juku útbreiðsluna. WHO viðurkenndi ekki að covid væri loftborinn þrátt fyrir að þetta væri bráðsmitandi öndunarfærasjúkdómur. Hér á landi þurfti Landakotsmitið til að íslensk yfirvöld færu að varast loftborin smit. Í Bandaríkjunum bönnuðu heilbrigðisyfirvöld fyrst flestar covidmælingar, þ.a. um miðjan mars 2020 voru skimanir þar hundraðfalt sjaldgæfari en á Íslandi.

Hættan ofmetin

Þennan skort á skimunum nýtti Fauci sér til að ofmeta dánartíðnina tífalt og miða hana bara við þessar örfáu mælingar en ekki við raunverulegan fjölda smita. Samtímis birti Imperial College (einn skipuleggjanda Event 201) skýrslu sem spáði að 500 þúsund covid andlátum í Bretlandi nema útgöngubanni yrði beitt. [3] Því var svo fylgt.

Allt var gert til að ofmeta hættuna. Nóg var að einstaklingur hefði mælst með covid mánuði fyrir andlát til að andlát væri flokkað sem covid andlát. Afleiðingin var veruleg fækkun skráðra krabbameins og hjartaáfalla. Kóvid læknaði þannig sjúka með að drepa þá með bókhaldsbrellum úr öðru.

Víða voru lífshættulegar meðferðir teknar upp. Í Bretlandi voru covidsjúklingar settir á lífslokameðferð (sem auðvitað drap þá). Í Bandaríkjunum fengu spítalar fimm milljóna bónus fyrir að koma sjúklingum í öndunarvél (sem drap marga) [4] og læknum var skipað að gefa remdesivir (sem drap líka marga) ef þeir vildu halda vinnunni.

Hætt við mikilvægar rannsóknir

Í maí 2020 tókst hópi lækna að þróa ódýrar skaðlausar meðferðir, með 85% vernd sem gerði covid mildari en flensu.[5]Í stað þess að aflýsa faraldrinum hættu bandarískra yfirvöld að styðja rannsóknirnar. „Warp Speed“ bóluefnaáætlun Trump var hafin. Öllum brögðum var svo beitt til að hrekja rannsóknirnar enda lágu gríðarlegir fjárhagsmunir að baki. Í einni slíkri platrannsókn sem Bill Gates fjármagnaði (BMGF) var sjúklingum gefinn banvænn skammtur af hydroxychloriquine, HCQ, og þeir dóu.[6] Erfitt er að þetta hafi verið óviljaverk, því HCQ var þekkt lyf með 65 ára sögu. Stærsta hneykslið var rannsókn í Lancet sem hrakti virkni HCQ og varð til þess að WHO hætti öllum rannsóknum á HCQ.  13 dögum síðar var greinin dregin til baka því hún var fölsuð. Ákvörðun WHO varð hins vegar ekki breytt. [7]