Tonje Gjevjon skrifar frá Noregi:
Robert Wintermute er prófessor í mannréttindarétti við King's College í London og stjórnarmaður í LGB Alliance. Þegar Wintemute átti að halda fyrirlestur sem heitir “Sex vs. gender (identity) umræður í Bretlandi og skilnaður LGB frá T,“ í háskóla í Montreal í janúar á þessu ári greindi Feminist Current frá því að „viðburðinum hafi verið aflýst skömmu eftir að hann hófst er mótmælendur réðust inn á staðinn og hrópuðu blótsyrði og slagorð eins og: „Trans réttindi eru mannréttindi,“ hentu hveiti í Prof. Wintemute og tóku skjávarpa úr sambandi sem hann notaði við fyrirlesturinn. Róbert kallaði mótmælin réttilega „afar andlýðræðisleg“. Tilraunir þeirra til að þagga niður í umræðunum komu í bakið á þeim þar sem aðgerðirnar á viðburðinum og erindi Wintemute vakti alþjóðlega athygli fjölmiðla.
Samtökin 22 – Hagsmunasamtök Samkynhneigðra
Samtökin 22 eru einu samtökin sem vinnur einungis í þágu Samkynhneigðra á Íslandi.
Þau lýsa sjálfum sér sem réttindagæslu og hagsmunasamtaka fyrir homma og lesbíur og halda því fram að innleiðing kynvitundar í lögum og samfélaginu almennt hafi alvarleg áhrif á börn – sérstaklega börn sem falla ekki undir úreltar staðalímyndir kynjanna, sem reynast oft koma út samkynhneigð seinna á ævinni. Þau leggja áherslu á það að samkynhneigð kvenna útiloki karlmenn og karlkyns samkynhneigð útiloki konur í þessu sambandi. Markmið þeirra er að vernda reisn og réttindi homma og lesbía.
,,Hinsegin” samtök á Íslandi – Samtökin ´78
Í undirbúningi Hinsegin Daga upplifði Wintemute enn og aftur slaufunarmenninguna. Að þessu sinni voru það hinsegin samtök Íslands – Samtökin ´78 sem ofsóttu og spunnu upp rangar og skaðlegar lýsingar/ásakanir á Samtökunum 22. Tilgangur hinseginsamtakanna og illgjörn hegðun þeirra var að stöðva málþing á vegum einu samtakanna eingöngu fyrir homma og lesbíur á Íslandi.
Viðburðurinn sem landssamtök hinseginmanna vildu koma í veg fyrir var alþjóðlegt málþing sem halda átti í Þjóðminjasafni Reykjavíkur 12. ágúst.
Samtökin 22 höfðu boðið Prof. Wintemute að ræða um málefni tengd mannréttindum lesbía og homma í kjölfar transhugmyndafræðarinnar. Þau buðu mér líka, lesbísku listakonunni Tonje Gjevjon frá Noregi að tala um stöðu lesbía/stúlkna/kvenna í Noregi þar sem kynvitund var innlimuð í lög um hatursorðræðu árið 2020. Vegna þessara árása hinsegin félagsins ákvað Þjóðminjasafnið að vanefna samning sinn við félagið. Þeim tókst einnig að fá samtökunum úthýst þar sem þau fengu inni eftir vanefndir Þjóðminjasafnsins
Hinsegin samtökin eru fjármögnuð af Alþingi og skoðanasyskinum þeirra. Þau boða að börn geti fæðst með kynvitund sem er ósamrýmanleg raunverulegum líkama þeirra. Þau verja einnig óafturkræfar lyfjameðferðir og tilraunastarfsemi með ógagnreyndum læknisfræðilegum inngripum á börn sem falla ekki að úreltum staðalímyndum um kyn.
Að setja kynvitund í lög hefur verið umdeilt í öllum þeim löndum þar sem hún hefur verið innleidd. Kynvitund í lögum hefur áhrif á málfrelsi, börn, ungmenni, foreldra, homma, tvíkynhneigða, lesbíur, læknisfræði, fræðimenn, sameiginlegan grundvöll okkar og mest af öllu stúlkur og konur.
Á Íslandi reyna hinsegin samtökin að stjórna umræðunni um málefni fólks sem laðast að sama líffræðilega kyni með því að þagga niður og beita rekjanlegum röngum ásökunum annarra sem eru ósammála skoðunum þeirra. Í stað þess að taka þátt í umræðum notar hinsegin samtökin völd sín, áhrif og starfsmenn til að koma í veg fyrir tilraunir til að rökræða og eiga umræður um afleiðingar og raunverulegar áhyggjur og vandamál sem lög sem þessi hefur á samfélagið og þá sérstaklega börn, unglinga, samkynhneigða, og konur.
Sú staðreynd að samkynhneigðir konur og karlar verða fyrir skaðlegri og móðgandi hegðun af þessu tagi af hálfu ríkisstofnunar í norrænu landi er hrikalega alvarlegt mál. En við höfum séð þetta áður og þekkjum vel þá stjórnsemiog árásir sem samkynhneigðir hafa orðið fyrir. Ef ungar lesbíur nota orðið lesbía árið 2023 til að lýsa kvenkyns samkynhneigð sinni eru þær oft kallaðar hatursfullir transfóbar og að þær þurfi að breyta viðhorfi sínu svo þær geti lært að njóta karlkyns kynfæra.
Þannig að í fyrstu heimsókn minni til Íslands upplifði ég að lesbíum og hommum var neitað um rétt sinn til að safnast saman og halda málþing um málefni sem varða samkynhneigðra og aðstæður okkar. Það sem hræðir mig er að Samtökin ´78 höfðu þessi stórkostlegu völd og tengingar til þess, á örfáum klukkustundum, fá óháða aðila til þess að rifta samningum sem Samtökin 22 höfðu gert við tvo staði. Ríkisstyrkt samtök sem nota stöðu sína til að loka á umræðu um lesbíur og homma ættu að mínu mati að sæta rannsókn fyrir áreitni og mismunun í þeirra garð og fyrir að reyna að koma í veg fyrir að skoðana-, tjáningar- og samkomufrelsi þeirra sé virt.
Þegar Sigmundur Davíð Gunnlaugsson, fyrrverandi forsætisráðherra Íslands, var upplýstur um stöðu mála bauðst hann til þess að hýsa málþingið í húsnæði Miðflokksins. Vegna gestrisni fyrrum forsætisráðherrans gat málþingið farið fram.
Íslenska þjóðin hefur auðvitað vitsmunalega getu og heilindi til að mynda skoðanir, líka ólík sjónarmið fá að njóta sín. Að hlusta á mismunandi sjónarhorn er ekki hættulegt. Þannig að á ráðstefnu Samtakanna 22 á næsta ári er mér boðið að standa fyrir dagskrá sem ber yfirskriftina „Ungar lesbíur“. Þangað til þá; Primum non nocere, verið hugrökk, segið sannleikann og látið ekki sprakka vitleysunnar ráðskast með ykkur.
Höfundur er norsk lesbía sem átti yfir höfði sér þriggja ára fangelsisdóm í sínu landi fyrir að segja það opinberlega að karlmenn geta ekki verið lesbíur.
Heimildir:
Lesbian and gay men are subject to stalking, online harassment, bullying, and political persecution in Iceland during Reykjavík Pride Week.
We were booked to hold an event at the National Museum of Iceland, tomorrow, Saturday 12 th August. Due to pressure from Trans Activists…— Samtökin 22 -Watchdog for LGB rights Iceland (@samtokin22) August 11, 2023
https://www.facebook.com/samtokin22/
https://twitter.com/samtokin22?lang=no
https://samtokin78.is/english/
