Vassilis Kikilias ráðherra almannavarna  í Grikklandi segir að tugir manna hafi nú verið handteknir vegna íkveikju í skógum landsins. Ráðherrann segir að brennuvargarnir muni ekki komast ekki upp með það sem hann kallar glæp gegn Grikklandi. Gríska lögreglan hefur nú handtekið 79 manns fyrir íkveikju sem hafa valdið alvarlegum skógareldum.

Ráðherran ávarpaði Grikki á neyðarfundi í gær. Hann var harðorður í garð þeirra sem eru grunuð um hafa kveikt í og valdið skógareldum. Hann kallaði þau svívirðilega brennuvarga sem kveiki elda sem ógni skógum, eignum og umfram allt mannslífum.

Kikilias sagði að nokkrar tilraunir íkveikjumanna hefðu verið gerðar til að kveikja nýja elda á Parnitha-fjalli, norðvestur af Aþenu.

Eldurinn er einn af hundruðum í landinu þar sem skógareldar hafa þegar kostað að minnsta kosti 20 manns lífið í þessari viku.

„Þið eruð að fremja glæp gegn landinu, þið komist ekki upp með það, við munum finna ykkur, og þið verðið dregin til ábyrgðar," sagði Kikilias á neyðarfundinum.

Flugvél varpar vatni yfir skógarelda sem breiðast út í Dadia skógi, einu mikilvægasta svæði Evrópu fyrir ránfugla

Lögreglan og gríska leyniþjónustan EYP rannsaka atvikin, að sögn AFP.

Talsmaður ríkisstjórnarinnar, Pavlos Marinakis, sagði í samtali við gríska ríkisútvarpið ERT að af 140 handtökum vegna skógarelda tengdust 79 íkveikju.

Hundruð slökkviliðsmanna víðsvegar um Grikkland hafa barist við banvæna skógarelda. Stóri eldvarnargarðurinn, sem gaus á laugardaginn nálægt hafnarborginni Alexandroupolis, er orðinn sá stærsti sem mælst hefur í ESB, að sögn Janez Lenarcic, framkvæmdastjóra Evrópusambandsins.

Á sama tíma, á Parnitha-fjalli nálægt Aþenu, hafa eldar geisað í skógi sem liggur að höfuðborginni og ógnað þjóðgarði.

Fyrr í vikunni fundust lík 19 manna sem talið er að séu farandverkamenn, með börn á meðal, nálægt Evros-héraði í norðausturhluta Grikklands.

BBC greinir einnig frá.