Gústaf Skúlason skrifar:
Dr. Phil hefur ásakar „frjálslynda háskóla rétttrúnaðarins“ í Bandaríkjunum um að ýta undir gyðingahatur. Hinn vinsæli sjónvarpsmaður sagði í myndbandsskilaboðum í síðustu viku, að hann væri agndofa yfir þeirri „sjúklegri sjálfumgleði“ sem leiðtogar úrvalsháskólanna sýndu þegar þeir báru vitni á Bandaríkjaþingi um gyðingahatur á háskólasvæðinu.
Dr. Phil lýsti því yfir, að þessar virtu stofnanir séu orðnar „frjálslyndar stöðvar rétttrúnaðarins sem efla vitsmunalega rotnun í stað gagnrýna hugsun.“ Hann sagði:
„Þeir fengu einfaldar spurningar: „Brýtur það í bága við stefnu þína gegn einelti og áreitni þegar kallað er eftir þjóðarmorði á gyðingum?“ Til að vera með það 100 prósent á hreinu og nota orðabókarskilgreininguna á „þjóðarmorði,“ þá verður spurningin hvort markmiðið að myrða stóran hóp gyðinga til að tortíma þjóðernishópi gyðinga og Ísraelsþjóðinni brjóti í bága við stefnu þína gegn einelti og áreitni?“
Andmæla ekki nemendum sem krefjast þjóðarmorðs á gyðingum
Dr. Phil sagði, að rektorar háskólanna kæmu sér „á ógeðfelldan hátt undan því að svara“ spurningum þingmanna með því að fullyrða, að það væri háð í hvaða „samhengi“ spurt væri. Dr. Phil sagði þá:
„Hversu mikið samhengi væri krafist, ef þessi nemendasamtök styddu þjóðarmorð á öllum Asíubúum, kaþólikkum, blökkumönnum eða hommum? Ég skal segja ykkur hversu mikið: ekkert. Og vitið þið hvað? Það á heldur ekki að vera neitt. Allir þessir hópar eiga skilið vernd og rétt til að fara í skóla án þess að þjást af ótta og líka námsmenn gyðinga. Hvað er að ykkur fólk? Þið vitið betur!“
Ummæli hans, sem voru tekin upp í myndveri hans „Trinity Broadcasting Network“ í Dallas, komu í kjölfar afsagnar Liz Magill, rektor háskólans í Pennsylvaníu nýlega.
Mikill þrýstingur er einnig á Claudine Gay, rektor Havard háskólans, að segja af sér, bæði vegna vitnisburðar hennar og sönnunargagna um að hún hafi stolið hluta doktorsritgerðar sinnar. Stjórn Harvard hefur lýst yfir stuðningi við Gay.
Í vitnisburði sínum á þinginu þann 5. desember, neituðu Magill, Gay og Sally Kornbluth, rektor Tækniháskólans í Massachusetts, að taka afstöðu gegn nemendum sem kölluðu eftir þjóðarmorði á gyðingum.
University of Pennsylvania President Elizabeth Magill resigned Saturday after facing backlash from her congressional testimony earlier this week on antisemitism on college campuses. Here's the exchange. pic.twitter.com/EVrAMy33qh
— CSPAN (@cspan) December 9, 2023
