Gústaf Skúlason skrifar:

Annar þáttur Heimsmálanna með Margréti Friðriksdóttir, Fréttin.is og Gústafi Adolf Skúlasyni gustafadolf.com er kominn í loftið. Útvarpið er enn á tilraunastigi, þannig að þátturinn er endurfluttur ca. á klukkutíma fresti með jólalögum á milli. Á heimasíðunum má finna útvarpsspilara ofarlega hægra megin og í spilaranum er afritunarmerki sem hægt er að smella á til að fá spilarann sjálfstæðan á skrifborðið. Annars hættir hljóðið þegar flett er í vafranum.

Í þessum þætti ræddi Margrét Friðriksdóttir meðal annars um nýafstaðin málaferli en hún var sýknuð fullkomlega af öllum kærum um hatursumræðu og árásir. Hafa málaferlin staðið yfir í nokkur ár og sett sín spor vegna óvissu og þyngjandi áhyggjum. Margréti var því mjög létt, þegar dómurinn hreinsaði hana fullkomlega af öllum ákærum. Verður barátta hennar öðrum til fyrirmyndar að gefast ekki upp þótt upplognar sakir t.d. um fasisma, rasisma og þess háttar séu settar fram af óvönduðum einstaklingum sem geta ekki rætt um hlutina og reyna að eyðileggja fyrir og brjóta niður þá sem hafa skoðanir sem viðkomandi sættir sig ekki við.

Íbúaskiptin

Innflutningsmálin eða umskipti á íbúum var næst til umræðu. Nýlega birti Sigmundur Davíð Gunnlaugsson lista fólksinnflutnings til ýmissa landa frá OECD og Íslendingar eru þar númer 8! Næstir á eftir Svíþjóð. Þessi ótrúlega þróun beinir huganum að ríkisstjórninni og á hvaða undarlegu vegferð hún er. Vinnur hún meðvitað að því að setja landsmenn á hliðarlínuna í eigin landi?

Kardináli Gerhard Ludwig Muller segir að „fjöldainnflutningur snúist ekki um að hjálpa fólki, heldur að eyðileggja þjóðerniskenndina.“ Sænskir jafnaðarmenn vilja með valdi blanda saman innfluttum og innfæddum. Nýr forsætisráðherra Slóvakíu segir: Stefnu ESB-elítunnar leiða til dauða, eyðileggingar og fátæktar.

Covid

Uppljóstrarinn frá Nýja Sjálandi látinn laus: Ísland sagt í fararbroddi alþjóðlegrar rannsóknar á útbreiðslu Covid. Yfirþyrmandi umframdauði í Bandaríkjunum – líftryggingafélögin hringja viðvörunarbjöllum.

Gyðingahatrið

Blaðamaður frá Yemen kemur með mikilvæg skilaboð sem allir ættu að íhuga. Enginn áhugi á Vesturlöndum þegar arabar drepa araba en um leið og gyðingar gera það verður allt vitlaust. Dr. Phil ásakar rétttrúnaðar-háskóla fyrir að kynda undir gyðingahatur.  82% íbúanna á Vesturbakkanum styðja hryðjuverkaárás Hamas á Ísrael.

Hlustið á þáttinn í spilaranum að neðan: