Eftir verðskuldað páskahlé kemur núna 16. þáttur heimsmálanna með Margréti Friðriksdóttur, Fréttin.is og Gústafi Skúlasyni. Margrét var nýkomin úr afar góðu viðtali við hinn heimskunna breska hjartalækni Assem Malhotra, daginn eftir læknamálþing á Natura í Nauthólsvík (sjá myndskeið að neðan). Þar talaði einnig frægasti læknir heims, Dr. Peter Mccullough, á skjá til viðstaddra og ræddi um baráttuna gegn lyfjarisunum og hinu alræmda „bóluefni“ með gaddapróteinum sem vinna meira ógagn en gagn.  Það er afskaplega erfitt fyrir marga að geta viðurkennt jafn afdrifarík mistök eins og að hafa verið þátttakandi í að dreifa mRNA lyfjum til jafn margra með jafn miklum afleiðingum. Peter Mccullough hefur sérhæft sig í að hjálpa fólki að vinna gegn gaddapróteini með ýmsum hætti.

Erfitt fyrir marga að viðurkenna að þeir hafa gert mistök

Allir eru sammála um, að það hafi verið mikil mistök að banna t.d. Ivermektín í byrjun faraldursins. Það hefði getað bjargað mörgum mannslífum. Sá læknir innanlands sem mest hefur látið málið til sín taka er Guðmundur Karl Snæbjörnsson eða Kallli Snæ eins og hann er kallaður. Hann hefur líkt viðbrögðum íslenskra yfirvalda að nálgast staðreyndir um Covid-19 vera álíka árangursríkar og þegar samsærismenn páfans reyna að reka út illa anda. Sú þögn sem ríkisfjölmiðlar og aðrir stærri fjölmiðlar hafa um afleiðingar bóluefnanna var einng fyrirskrift málþingsins: Segjum frá!

Það ber að þakka þeim hugrökku læknum sem vinna að því að upplýsa okkur hin um það sem er að gerast, sem ekki er svo fallegt þegar að er gáð. Spyrja má hvar umræðurnar eru í íslensku fræðasamfélagi og læknasamfélaginu. Viðtal Margrétar við Mahotra mun birtast á vefsíðu Fréttin.is á morgun, laugardag.

Þeim mun meira magn af mRNA sem þú hefur í líkamanum, þeim mun meiri líkur á að þú farir illa út úr viðureigninni við Covid-19

Frá íslensku málþingi yfir til útlanda en þar bárust afar slæmar fréttir frá einum þekktasta veirufræðingi heims, Doktor Geert Vanden Bossche, frá Belgíu. Hann varar alheim við komandi „dauðabylgju Covid“ hjá þeim sem eru margbólusettir gegn Covid-19. Hann segir sama hlut um bóluefnin og læknarnir á málþinginu í Reykjavík í gær, að ónæmiskerfi fólks taki þeim mun meiri skaða þeim mun oftar sem menn láti bólusetja sig gegn Covid-19. Hann ráðleggur margbólusettum að vera sérstaklega á varðbergi að smitast ekki af Covid, því í næsta skipti gæti það verið lífshættulegt.

Tucker Carlson, blaðamaðurinn frægi, spyr einnig af hverju það er svo erfitt fyrir marga lækna og aðra að viðurkenna að þeir hafi gert mistök. Hann ræddi einnig við þýska lækninn og erfðafræðinginn Michael Nehls sem skrifaði bók um að Covid hafi snúist um að sigra mannshugann, að taka frjálsa hugsun frá fólki. Dr. Robert Malone hefur sýnt fram á, hvernig Covid og bóluefnin eru einn af fleiri þáttum sem tilheyra áætlun þröngs, ríks hóps í heiminum sem hafa þróað aðferðir til að sniðganga stjórnarskrár lýðræðisríkja með þvingandi samningum við alþjóða stofnanir. Þar eru Alþjóða heilbrigðismálastofnunin og Sameinuðu þjóðirnar í fremstu röð og munu Íslendinga fá að súpa seyðið af því í lok maí þegar ný alheims heilbrigðislög verða samþykkt og WHO tekur yfir heilbrigðismálaflokkinn á litla Íslandi.

Mörg fleiri mál voru rædd í þættinum. Smelltu á spilarann hér að neðan til að hlusta á þáttinn: