Helga Dögg Sverrisdóttir skrifar:

Það fer ekki fram hjá neinum sem fylgist með að deilt er um trans hugmyndafræðina. Hér er á ferðinni hugmyndafræði sem gengur út á að menn geti skipt um kyn og börnum úthlutað kyni. Nokkuð vel gefinn einstaklingur veit að það er ekki hægt, kyni verður ekki breytt. Líffræðinni verður ekki breytt. Það ætti Guðrún Hafsteinsdóttir ráðherra dómsmála líka að vita, þó hún velji að svara eins og kjáni.

Einstaklingur getur hins vegar haft tilfinningu, hugmynd og hugsun sem segir að það sé hægt. Líkaminn segir engum það. Síðan eru það kjánalegu lögin, sem leyfa mönnum að breyta kyni í lagalegum skilningi. Lög eru mannanna verk og verða ekki betri en þeir sem búa þau til. Við lagalegar breytingar missa kynin réttindi, óhjákvæmilega.

Las áhugaverða grein og hugsaði til þeirra kennara sem hoppa ekki á trans hugmyndafræðina eins og hún er kynnt í dag. Þeir taka ekki við boðskapnum. Þeir gagnrýna réttilega og málefnalega.

Í greininni segir: „Hegðun sem leiðir til þess að starfsmenn upplifa sig vanmetna, lítilsvirta eða óörugga, til dæmis vegna ósanngjarnrar eða niðrandi meðferðar, fordómar, niðurrif, niðurlægjandi samkeppni, meiðandi stjórnun og nánast siðlaus hegðun stjórnenda eða vinnufélaga.“

Bloggari getur sagt án þess að hiksta að svona meðferð fá kennarar sem varpa fram gagnrýni á trans hugmyndafræðina. Skiptir þá engu á hvað skólastigi viðkomandi er.

Mönnum er talið trú um að þeir meiði minnihlutahópa, séu með fordóma, hatursorð þegar þeir segja sannleikann um kynin o.s.frv. Betra að þegja en segja eins og formaður Kennarasamtakanna sagði í grein. Sem sagt ljúga frekar en að segja satt er stef Kennarasambandsins. Magnús Þór vill þagga niður í kennurum sem eru ekki sammála minnihlutahópi og honum. Ævarandi skömm fyrir Magnús Þór Jónsson og stjórn KÍ ásamt formanni Félags grunnskólakennara Mjöll Matthíasdóttur.

Magnús Þór vill kannski sjá kennslu í þessum dúr!

Myndatökumaðurinn, Heiða Björg Guðjónsdóttir grunnskólakennari, vildi láta reka kennara úr starfi fyrir að vekja athygli á námsefni trans Samtaka 78 í grunnskólum og spyrja einfaldra spurning, hvort það stangist á við lög. Brottrekstrarsök að mati Heiðu Bjargar að láta sig velferð barna varða.